2 Corinthians 6:17 - Bo-Ung NT

¹⁷ [Ya niker] akiliinga ‘Auliele-ni nimba mele: “[Ulsukundu-yambuma kene, we-mélema angnjiku kape niku popu tolemele yambuma kene,] enini-kene tiluna naa molku, munduku kelku puku kolea tenga-lupa molu-pai.” Isikiel 20:34,41 “Kalaru mululi mélema [ulsukundu-yambuma-ni angnjiku popu tolemele mélema] kene ulu-pulu-kis pelemú mélema kene kanuma naa ambolku, méle akuma-kene ulu te naa teai.” Asaya 52:11 “Naa ambulungí kene na-ni “Molamili wai.” nimbu eni yandu liimbu.” Jeremaya 32:38

2 Corinthians 6:17 ပူးပေါင်းရင်းမြစ်များ

Acts 2:40

Pita-ni ung-mani lupa-lupa pulele tondulu mundupa enini lip-lipi topaliinga nimba mele: “Ya mana yambu molku kis-silimelemanga Pulu Yili-ni eni buni simba tekemaliinga yunu-ni ‘Oliu buni naa sipili.’ niku, piliiku kongnjuku molai.” nirim.

Romans 15:7

Pe ekupu eni Krais-nga yambuma molemele akiliinga ‘Pulu Yili-nga bi ola pípili.’ niku Krais-ni enindu “Wasie tapú-topu molamili wai.” nirim mele aku-siku eni eninga yambuma anju-yandu “Wasie tapú-topu molamili wai.” niai.

2 Corinthians 7:1

Nanga numanu monjuliu angmene, Pulu Yili-ni [yunga yambu mulungí yambuma]-kene aku-sipa nimba panjurum ungma eni-kene na-kene pelemáliinga piliipu kene, kangikundu kepe numanukundu kepe minikundu kepe kalaru monjulemú uluma mundupu kelepu, Pulu Yili-kene mundu-mong tepu liipu ai sipu kene ulu kake tili sikama tepu molamili.

Revelation 18:4

Kanu-kene penga mulú-koleana ung te-lupa wendu urum piliirindu kene nimba mele: “Nanga yambuma, kolea akiliinga ulu-pulu-kísima lepa mulú-koleana ola olemú, kolea akili-ni tepa kis-sirim uluma Pulu Yili-ni piliipa molemáliinga eni kolea akili munduku kelku ulsu wai. ‘Yunga ulu-pulu-kis telemú akuma wasie tapú-topu naa teamili. Ulu-pulu-kis telemú akumanga Pulu Yili-ni buni simbama oliu-kene wasie naa liamili.’ niku wendu wai.