1 Timothy 5:19 - Bo-Ung NT

¹⁹ Yambu te-ni nimba mele: “Tápu-yi te-ni i-sipa tepa kis-sim.” nimbá kene naa pilíí! Yambu tale mola yupuku-ni “Sika aku-sipa tímu. Oliu mongale-ni kanúmulu.” mola “Kumele-ni pilíímulu.” ningí kene mendepolu ‘Sika aku-sipa tímu.’ niku pilíí!

1 Timothy 5:19 ပူးပေါင်းရင်းမြစ်များ

Matthew 18:16

Akiliinga-pe nu-ni niní ungele yu naa pilíímu lem penga nu-ni ‘Ung ili pora nipili akiliinga tembu mele yambu mare kanuku molangi alsupu niambu.’ niku kene, kanungí yambu tale mola yupuku liiku angena molumbana meku oku enini kanuku molangi angenandu ‘Tiluna molambili.’ alsuku ni. Kanu-kene nu-ni tiní kene angenale-ni temba mele yambu kanuma-ni kanuku kene yambu lupamandu kapula temani toku singí.

John 18:29

Enini pena lku-keri-puluna angiliiring kilia kanupa kene enini angiliiringina Rom-gapman yi-nuim Paillet-ni pena omba eninindu walsipa kene nimba mele: “Eni yi ili ulu te nambulka lawa tímu-na kot tenjikimeleye?” nirim.

John 8:17

Eninga ung-mani te bukna molemú kanili i-sipa mele: ‘Yambu tale-ni ung te niku síngli lem ‘Ung akili sika.’ niangi.’ aku-sipa nimba pelemú.

Acts 11:30

Kanu-kene niku panjiring mele aku-siku ku-moni liiringma liiku popu sikuliinga Banapas kene Soll-sele “Ku-moni Jerusallem meku pukulu Auli Yesos-nga yambu nokolemele yima puku si-pale.” niring kene elsele-ni meku pukulu si-puringli.

Acts 25:16

“Na-ni eninindu pundu topu kene nimbu mele: “Oliu Rom-gapman yima-ni yambu te we buni naa silimulu. Kotele piliipu, kot tenjilimele yambumanga ungma piliipu kene, kot tenjilimele yambale yunu-ni yandu ung te pundu topa kene nilimú kene piliipuliinga, yambale lawa te pelemú kene piliipuliinga buni silimulu. We naa silimulu.” nirindu.

2 Corinthians 13:1

Ekupu na wale yupuku-sipu eni molemelena ombú teker. [Ombu tembaliinga ung te Pulu Yili-nga bukna nilimále i-sipa mele:] ‘Yambuma piliiku molangi yambu te-ni yambu te ulu te tepa kis-sirim mele nimba simba kene yambu kanili-ni tepa kis-simba mele yambu tale-ni mola yupuku-ni kanuku kene yu temba mele manda niku singí kene mindi ungele piliiku ‘Yambale-ni sika tepa kis-sirim.’ niku piliai. [Yambu tiluele-ni mindi nimba simba kene naa piliai.]’ Ung-Manima 19:15 nimba molemú kanili.

1 Timothy 4:14

Krais-nga yambu-talapeliinga tápu-yima-ni nu ambolkunu [“Pulu Yili-ni ‘Yunga kongunale teku konjani.’ nimba liipa tapunjupili.” niring kene] Pulu Yili-ni “Ung ili Timoti nikunu si-pui.” nimba yi tendu ung mare nimba sirim kene yi kanili piliipaliinga yandu nu nimba sirim kene Pulu Yili-ni ‘nu kongun ti.’ nimba tondulu sirim akili nu munduku naa kilui.

1 Timothy 5:17

Krais-nga yambu-talapele kene, talapeliinga mélema kene, aima nokuku konjulemele tápu-yima we-yambuma-ni olandupa kape niku méle olandupa kalungí kene kapula. Pulu Yili-nga ungele niku siku, yambuma mani silimele tápu-yima kepe aima sika aku-siku mele méle kalungí kene kapula.

Titus 1:6

Tápu-yima makó tunindu enini uluma teku mulungí mele kanukunu kene makó tui. Yi kanuma yambuma-ni kanuku kis piliingí ulu te enini-kene naa pili yima mulungí. Enini ambu tilu mindi liili yima mulungí. Eninga kangambulama Krais [‘Sika’ niku] tondulu munduku piliiku, yambuma-ni “Kangambula ima ulu-kísima teku kara pulimelé.” naa niku, eninga anupili lapaliinga ungma liiku su naa singí. aku-sili yima mindi tápu-yima molangi makó tui.

Hebrews 10:28

Yambu te-ni Moses-ni [“Ulu mare i-siku teai! Mare i-siku naa teai!” nimba] ung-mani sirim-ma ‘Naa piliipu tembu.’ nimba topa pula turum kene yi tale-ni mola yupuku-ni kanuku niku siring kene yu kondu naa kolku sumbi-siku kamu toku kunjuring.