1 Thessalonians 5:22 - Bo-Ung NT

²² ulu-kísima pali munduku kelku óko liai.

1 Thessalonians 5:22 ပူးပေါင်းရင်းမြစ်များ

Romans 12:17

Yambu mare-ni eni teku kis-singí kene enini anju teku kis naa sai. Yambuma-ni pali kanuku kaí piliilimili uluma mindi piliiku teku molai.

1 Corinthians 8:13

Akiliinga, na langi noliuma-ni nanga anginele ‘molupa kis-sipili.’ niliu lem kapula na langi akuma alsupa aima naa nombú. Na-ni ulu te tembaliinga yunu ulu-pulu-kísima temba lem na ulu akili aima kamu naa tembu.

2 Corinthians 6:3

‘Nanga kongunale mania naa pupili, ung-taka naa tonjangi.’ nimbu yambuma na kanuku kis piliiku ungele naa piliiku liingí ulu te naa teliu.

Philippians 4:8

Ung te kamu niambu. Angmene, ulu aima kaí olakundu, yambuma-ni kanuku kene numanu siku kape nilimele aku-sipa uluma mindi numanu kimbu-siku piliiku molai. Ulu-sikama kene, yambuma-ni kanuku kaí piliilimili ulu sumbi-nílima kene, ulu kalaru naa mululi uluma kene, yambuma-ni piliiku kaí piliilimili uluma kene, kanuku “Teku konjukunu.” nilimele uluma kene, aku-sipa uluma mindi numanu kimbu-siku piliiku molai.

1 Thessalonians 4:12

‘Aku-sipu temulú kene Krais-nga yambu naa molku ulsu molemele yambuma-ni oliu aku-sipu temulú mele kanuku kene oliu ‘yambu-kaíma’ niku oliunga ungele piliingí. Oliu lupa-lupa méle te mólu naa tombako.’ niku aku-siku teku molai.

1 Thessalonians 5:21

Uluma pali apuruku kanuku kene, kaíma mindi ambolku,

1 Thessalonians 5:23

‘Eni numanu tiluna pupaliinga waengu nipili táka-niku molangi.’ nilimú Pulu Yili yu-yunu, yu-ni eninga kangi mini numanuma pali ‘Nanga mendepulu akiliinga kake tepa lipili.’ nipili. ‘Auli Yesos Krais alsupa ombá kene eninga numanale kepe minéle kepe kangiele kepe pali yu-ni “Mindili nangi.” nimbá mong te naa pípili molangi.’ nipili.

Jude 1:23

yambu mare tepi-koleana pungí telemelema lkisiku yandu liai! Yambu mare [teku kis-singí kene kanuku kene] kondu kolku teku liai. Teku liingíndu [‘Oliu-ni kepe mindili nomulú uluma temulú.’ niku] mundu-mong teku, eninga ui-numanuma-ni piliiku tiring ulu-pulu-kísimani eninga mulumbalema kepe kalaru munjurum kalaruma molemú mulumbalema aima kanuku kis piliiku kene, méle kalaru molemú méle kanuma ‘[Pulu Yili-ni kanupa kis piliilimú mélema.’ niku] ambulungíndu ‘Oliu tepa kalaru monjumba.’ niku yambu kanuma aima mimi-siku kanuku teku liai.