1 Thessalonians 5:1 - Bo-Ung NT

¹ Akiliinga-pe angmene, puniele kepe enale kepe Auliele ombá ena akumanga ungele eni piliilimiláliinga na-ni ena akiliinga ung te pepá kapula naa topu simbu.

1 Thessalonians 5:1 ပူးပေါင်းရင်းမြစ်များ

Matthew 24:3

Kanu-kene yu Unji-Ollip Punie Lili Ma-Pangina ola pupa mania mulurumna we-yambuma naa molangi yunga lumbili anduli yima oku eni-enini molku kene yunundu walsiku piliiku kene niku mele: “Nu-ni nikinu mele te-kene wendu ombáye? Penga nu nondupa uní tiní enale kene kepe male pora nimbá enale kene kepe penga wendu ombáliinga ui nambulka ulu te temba kene oliu kanupu kene “Ekupu ombá tepam lam.” nimbu piliimulúye? Niku si.” niku walsiring.

Matthew 24:36

“[Mania Omba Mana-Yi Au Talurum Yili aima sika ombá] akiliinga-pe yunga ombá enale naa piliilimulu. Sumbulsuli ombáne, tanguli ombáne naa piliilimulu. Mulú-koleana angkellama kepe naa piliilimiliko. Pulu Yili-nga Málale kepe naa-ko piliilimú. Tata yunu mindi [ena akili] piliipa molemú.” [nirim.]

Acts 1:7

Yesos-ni eninindu nimba mele: “Tata-ni ulu lupa-lupama “Tembu.” nimba makó tolemú enama kene mélema ínge tili kaliimbuma kene eninga kongun te mólu. Tata-ni yunu ulu akuma temba enama Tata yunu akuma piliipa molemú.

2 Corinthians 9:1

Eni Korin-yambuma-ni tondulu munduku ‘[Judia distrik yambuma] aima liipu tapunjamilika!’ niku molemele mele piliiliuko. Liiku tapunjungíndu teku molemele mele [Krais-nga yambu] kolea Masedonia propinj molemele yambuma numanu sipu temani topu sipu [eni Korin-yambuma] kape nimbu kene kolea Akaya propinj lelemú [kolea-auli Korin-]yambuma-ni punie uieliinga kene yandupa kepe ‘Liipu tapunjupu mélema samili.’ niku nokuku muluring mele Masedonia-yambumandu nimbu sirindu. Nimbu sirindu kene piliiku kene ‘Korin-yambuma-ni telemele mele manda monjupu teamili.’ niku enini pulele-ni mélema singí uluma telemeleko, akiliinga, Pulu Yili-nga yambu numanu kake tili [kolea Judia distrik molemelema koleamanga pali Krais-nga yambuma] liiku tapunjuku we singí ku-monima liiku máku toku molemele [mele eni Korin-yambuma piliilimiláliinga] eni ung [pulele] pepána naa topu simbu kene kapulako.

1 Thessalonians 4:18

Ulu akili wendu ombáliinga eninga yambu [kondu kulungíma] ‘Numanu tondulu pupili molangi.’ niku “Kolemele yambuma penga kona mulungí.” i niker mele anju-yandu niku sai.

1 Thessalonians 4:9

‘[Eni Krais-nga yambuma] eninga anginipilima numanu monjangi niamili.’ nimbu pepá naa tomulú. Pulu Yili-ni eni anju-yandu numanu munjingí mele ui [eninga numanuna omba molupa] mani sirim kanili, akiliinga oliu-ni ung akiliinga pepá te naa túmulu lem kapulako.

Jude 1:3

Aima nanga pulu lelemú yambuma, pepá ili eni topu simbundu Pulu Yili-ni na kene eni kene oliu tepa liipa, mindili nolkumula kupulanum-na wendu liipa, yu-kene wasie molupu konjumulú kupulanum-na liipa monjulemú mele ‘Pepá topu nimbu sambu.’ nimbu tondulu mundupu numanu piliindu. Akiliinga-pe alsupu piliipu kene ekupu pepá topu eni nimbu simbu teker akili ‘Sika’ niku tondulu munduku piliilimili ulele [Pulu Yili-ni] ui yunga yambuma aima kamu walsekale sirim kanili ‘ ‘Mania naa pupili. Akili yambu te-ni aima alowa naa tipili.’ niku nokuku konjangi.’ nimbu ‘pepá te topu simbu.’ nimbu piliipu kene pepá ili ya lkisipu tombundu tokur.