1 Thessalonians 4:6 - Bo-Ung NT

⁶ Yima, eninga angenali ‘Tepu kis naa samili.’ niku ulu-pulu-kis akili naa teku, eninga angenalinga ambuma kene ‘Wasie piamili.’ niku kundi naa tai. ‘Nanga angineliinga ambale.’ niku ambale yu-kene ulu te naa teai. Oliu-ni ui eni nimbu sipu lip-lipi turumulu mele aima sika nirimulu. “Ulu-pulu-kis mele ulu akuma tingí yambuma Pulu Yili-ni aku tingéliinga “Mindili nangi.” nimbá.” nimbu ui lip-lipi topu nirimulu kanili.

1 Thessalonians 4:6 ပူးပေါင်းရင်းမြစ်များ

Mark 10:19

[Aku-sipa nimba kene yili-ni walsurumeliinga pundu topa nimba mele:] “Nu [Pulu Yili-nga] ung-manima [Moses-ni piliipa yandu nimba sirim-ma] piliillu. [Ung-mani akuma i-sipa mele]: “Yambu toku naa konjai.” nimba, “Ambu yi púlima mola yi ambu líílima yambu lupama kene waperanale naa teai.” nimba, “Mélema wa naa liai.” nimba, “Yambuma kot gólu toku naa tenjai.” nimba, “Yambumanga mélema gólu toku we naa liai.” nimba, “Aminiali-laniali-kene liiku ai siku, ung ningí mele piliiku liiku teku molai.” nimba, ung-mani akuma sirim molemú kanili.” nirim. Wendu Uring 20:12-16

Luke 12:5

Akiliinga-pe eni-kene aima mundu-mong tinjingí yili nimbu sambu: “Kangiele topa konjupa kene penga minéle pali tepi-koleana manda topa mundumba [Pulu Yili]-kene mundu-mong tenjai. Aima sika nimbu siker. Yunga mundu-mong tenjai.” niker.

Luke 16:28

Nanga anginipili angere te-guli molemele kanili. Kolea mindili nuli kolea ilinga enini kepe naa wangi akiliinga yunu-ni enini lip-lipi ili topa ung nimba sipa kunjupili.” nirim.

Romans 1:18

Pulu Yili yunu molemú mele yunu enini liipa ora silimú-na yambuma-ni kapula mokeringa kanungí akiliinga yu-ni mulú-koleana kanupa molupa kene yunu liiku bulu siku ulu-pulu-kis telemele yambuma aku telemeláliinga enini kanupa kis piliipa enini buni simba telemú mele liipa ora silimú. Aku telemeláliinga enini ung-sikale toku mania mundulimele.

Romans 12:19

Nanga pulu lelemú yambuma, yambu mare-ni eni teku kis-singí kene enini pundu naa tai. ‘Pulu Yili-ni enini-kene arerembi kolumba.’ niku munduku kelai. Aku-sipa mele [Pulu Yili-nga] bukna ung te molemú, akili i-sipa mele: ‘Auliele-ni nimba mele: “Teku kis-silimelaliinga pundu tuli kongunale nanga kongunale mindi. Teku kis-silimelaliinga na-ni nanu pundu topu mindili simbu.” nilimú.’ Ung-Manima 32:35 aku-sipa molemáliinga [eni-enini naa teai].

Romans 13:4

‘Yambuma molku konjangi.’ nimba Pulu Yili-ni ‘Nanga kongun tinjiliele mulupili.’ nimba gapman liipa monjulemú-na gapmanale-ni aku-sipa temba. Akiliinga-pe gapmanale we tondulu naa pelemú. Gapmanale-ni yambu kísima numanu kis panjipa “Mong liikimele akiliinga mindili nangi.” nimbandu tondulale pelemáliinga eni teku kis-síngi lem yu-kene mundu-mong tenjai. ‘Teku kis-singí yambumanga kot wendu ombá kene nanga kot piliinjipili.’ nimba Pulu Yili-ni gapman monjulemú.

2 Corinthians 7:11

Eni piliiku kene, Pulu Yili-ni buni ili silimú akili-ni ulu kaí lupa-lupama eni-kene wendu olemáliinga ‘papu silimú’ niku mimi-siku piliiku molangi. Buni akili-ni ulu kaí lupa-lupama eni-kene wendu olemú mele i-sipa: Ui we muluring akiliinga-pe topele toku ekupu ‘Ungma mimi-sipu piliipu, ulu-pulu-kis te oliu-kene naa pípili aima sumbi-sipu molamili.’ niku telemele ulele kene, yambuma eni gólu toku [“Teku kis-silimele.”] nilimele ungma eni mong toku ningíndu toya toku telemele ulele kene, [eninga yi te-ni tepa kis-silimú kene] eni pipili kolku yu ung-mura silimele ulele kene, ‘[Yi te-ni tepa kis-sirim kene ulu te naa tepu we mulurumulaliinga Pulu Yili-ni oliu “teku kis-sikimilieliinga mong liikimele akiliinga enini mindili nangi.” nimbá.’ niku] mini-wale munduku molemele ulele kene, ‘Oliu [Poll alsupu] kanámuluka. [Yu-kene] kapula-kapula molamuluka.’ niku molemele ulele kene, yi te-ni tepa kis-silimú kene eni tondulu munduku yu liiku sumbi silimele ulele kene, [tepa kis-silimú yili] ‘Tepa kis-silimáliinga pundu tupili’ niku tondulu munduku telemele ulele kene, ulu kaí telemele kanuma-ni pali ulu-pulu-kis eni-kene pímele eni naa ambulúngi mele liipa ora sipa, akiliinga mong te wendu ombá kene eni-kene “Pundu tangi.” nimbá mong te naa pekem mele liipa ora silimú.

Galatians 5:21

yambu lupama molemele mele kepe eninga mélema yama meku ‘Enini maluya.’ niku piliiku, aku-siku telemele uluma kene; no-tondulu pulele noku kelep toku, máku toku no-tonduluma noku kelep toku kene ung kísima niku konana kísima niku ulu kísima teku molku, aku-siku telemele uluma kene. Ulu kis lupa-lupa telemelema we-numanu-uimani piliiku kene telemele. Eni ui lip-lipi turundu mele kelepu alsupu lip-lipi tokur: Aku-siku teku molemele yambuma Pulu Yili yi nuim kingele molupa nokulemú koleana naa puku yunga moya-mélema naa liingí.

Ephesians 4:17

Akiliinga, Auliele-ni na [Poll] ‘Eni nokambu.’ nimba na namba sirimeliinga na-ni eni tondulu mundupu ung te i-sipu nimbu siker: Krais-nga yambu-talapena ulsukundu molemele yambuma-ni teku molemele mele aima naa teai. Yambu kanuma [‘Pulu Yili-nga ungma naa piliimulú.’ nilimeláliinga] eninga numanuma mimi-sipa naa pelemú-na kelep mele tolemele.

Ephesians 4:28

Mélema wa nolemele yambuma-ni ulu akili munduku kelku ekupu wa naa noku, kongun teangi. Eninga kima-ni kongun teku kene, ‘Yambu mare méle mólu tombama liipu tapunjupu mélema samili.’ niku kene wa nuli yambu kanuma-ni eninga kima-ni kongun kaíma teangi.

Ephesians 5:6

‘Yambu te-ni oliu ‘teku kis-sikimili.’ nimba ung-pulu te naa pípili we-ungma gólu topa kundi tomba.’ niku aima piliiku kongnjuku molai. Aku-siku telemele yambuma Pulu Yili-ni ‘Nanga ungele liiku su siku naa teku molemele.’ nimba enini-kene lakupa arerembi kolupa aima mindili liipa simba akiliinga eni kanuku konjuku molai.

1 Thessalonians 2:11

Yima-ni eninga kangambulama nokuku teku konjulemele mele oliu-ni eni aku-sipu tirimulu akili eni piliilimili.

2 Thessalonians 1:8

[Yu aku-sipa omba kene] Pulu Yili naa piliiku tapú-toku naa molku, Auli Yesos-nga temani-kaiéle piliiku liiku teng panjiku naa telemele yambuma [aku telemeláliinga] pundu tombandu “Mindili nangi.” nimbá.

Hebrews 13:4

Ambuma yi puku yima ambu liiku telemele mele ‘akili aima kaí’ niku piliiku molai. Ambu-yima eni-enini tiluna peangi. Ambu yi púlima kene yi ambu líílima kene waperanale telemelema kene wapera anduku tolemele yambuma kene Pulu Yili-ni apurupa mindili liipa simba akiliinga ambu yisele eni-enini tiluna peai.

Hebrews 2:6

Aku mólu. Pulu Yili-nga bukna [yambuma-ni ma penga wendu ombále nukungíma] ung te nimba sipa kene nimba mele: “[Pulu Yili,] nu-ni oliu yambuma nambulka mélema numanale-ni liiku mundukunu kene oliu kanukunu bi silluye? Mana-yambuma-ni melemele yambuma nambimuna nu-ni kondu kolkunu nokolluye?

James 2:6

Akiliinga-pe [nanga angmene] enini yambu-korupama ‘Pipili kolangi.’ niku teku kis-silimele. [Angmene,] yambu namelé-ni eni kundi toku eninga mélema liiku, mindili liiku siku, ‘Kot tenjamili wai.’ niku, telemele yambu akuma nameléye? [Yi-korupama-ni aku telemeleye? Mólu!] Yi-kamakoma-ni eni-kene aku telemele kanili.

James 5:4

Mimi-siku piliai. Eninga rais-witma lkinjiring kongun-kendemande-yima gólu toku mélema mimi-siku naa kaluringma-ni tondulu munduku niku mele: “Oliu teku kis-sikimili.” niku walsilimele. Enini aku-siku walsiring mele Auli Aima Tondulu Olandupa Píliele-ni yunga kumele-ni piliipaliinga [eni kendemande-yima teku kis-siringeliinga eni pundu tomba].