1 Thessalonians 2:18 - Bo-Ung NT

¹⁸ ‘Oliu eni molemelena omulú.’ nimbu tirimulu. Na [Poll] nanu kepe wale pulele kelepu ombú tirinduko, akiliinga-pe [kurumanga nuim] Seten-ni ‘Mólu.’ nimba oliu pipi sirim.

1 Thessalonians 2:18 ပူးပေါင်းရင်းမြစ်များ

Matthew 4:10

Kanu-kene Yesos-ni yundu nimba mele: “Seten, nu anju pa! Pulu Yili-nga bukele-ni nimba mele: ‘Pulu Yili eninga Auliele mindi niku popu toku bi paka tonjuku, yunga kongunuma mindi tenjiku molai.’ Ung-Manima 6:13 nimba molemú kanili.” nirim.

Romans 1:13

Angmene, na-ni ena pulele ‘eni molemelena kanambu wambuka!’ nimbu piliiliu akiliinga-pe ui kupulanum te naa lepa ulu wendu olemúma-ni na pipi silimú, aku nimbu piliipu moliu mele ‘ekupu aima piliangi!’ nimbu eni nimbu siker. Na kolea-lupamanga andupu yambuma ‘Pulu Yili-nga kangambulama molangi.’ nimbu liipu tapunjuliu mele ‘aku-sipu eni kepe molemele mele tondulu pupili liipu tapunjambu.’ nimbu ‘aima wambuka!’ nimbu moliu.

Romans 15:22

Aku nimbu piliipu kongun akili ui ya tepu moliu kongunale-ni eni Rom-yambuma ombu kanombu kupulanumele wale pulele pipi silimú.

1 Corinthians 16:21

Ekupu na-nanu pepá ili topu kene na Poll-ni “Eni kapula molemeleye?” nimbu tokur.

Philippians 4:16

[Kolea Masedonia propinj ui mundupu naa kelepu] kolea-auli Tesallonaika pupu mulurundu kene kepe ‘Na méle te mólu naa tupili.’ niku ena mare eni Pillipai-yambuma-ni liiku tapunjuku mélema siku munduringko.

Colossians 4:18

Na Poll na-nanu pepá ili topu “Eni kapula molemeleye?” niker. Na ka-lkuna we peliu mele kum naa sinjai. [Pulu Yili-ni] eni we kondu kolupa mulupili molai. [Aku manda niker.]

2 Thessalonians 3:17

[Na-ni pepá topu siliuma yi te-ni liipa tapunjupa tonjulemú] akiliinga-pe ‘Yambuma-ni ‘Pepá ili aima sika Poll yunu tum.’ niku kanangi.’ nimbu ungele kamu topu pora simbundu na-nanu topu nanga bili toliu mele ekupu kepe pepá ilinga topu

Philemon 1:9

[aku-sipu naa nimbú]. Numanu munjuli ulele-ni olsu liipa tere lenjipa ‘Tiluna molambili.’ nilimú-na aku-sipu molembuláliinga na-ni [“Nu i-sikunu ti.” nimbu tondulu mundupu naa nimbu, “Ulu te teani.” nimbu] nu táka-nimbu mawa tembu teker. Sika na Poll, na yi-andale, Krais Yesos-nga kongun tenjiliáliinga ka-lkuna peliu, na aku-sipu yili moliáliinga

Revelation 2:10

Eni mindili nungí mele piliiku mini-wale naa mundai. [Kurumanga nuim] depollale-ni eni yambumanga mare ‘Na munduku kelangi.’ nimba ka-lkuna panjimba kene ena engkaki pambusele-pipi eni mindili nungí. Penga na munduku naa kelku nanga yambuma molku kene kamu kulung lem na-ni ‘Eni méle kaluli sambu.’ nimbu taki-taki molku konjuku mindi pungí ulu-pulele simbu.