1 Corinthians 9:10 - Bo-Ung NT

¹⁰ Oliu [yunga kongunale tenjilimulu yima] numanale-ni piliipaliinga ung kanili oliunga [kene wasie] naa ninjirimye? Yambu te-ni punie tembandu ma okulimú yambale kene, [rais-wit punie kanuna wendu omba tolemú kene] yambu te-ni [liipa máku topa] rais-wit kilu tolemú yambale kene, wasie-nale ‘Aku tembulú kene puniena langima nombulú.’ niku kongun telembele mele Moses-ni oliunga nimba bukna aku-sipa tunjurum.

1 Corinthians 9:10 ပူးပေါင်းရင်းမြစ်များ

Matthew 24:22

[Buni kanuma wendu ombá kene Pulu Yili-ni] ‘Bunimanga enama nondupa pora nipili.’ nimba ui naa nimba panjilkanje yambuma pali kolkemela. Akiliinga-pe Pulu Yili-ni ‘Nanga yambuma molangi.’ nimba makó turum yambuma ‘naa kolangi.’ nimba ‘Buni ena akuma nondupa pora nipili.’ nimba, nimba panjurum.

Romans 15:4

Ui [Pulu Yili-nga] bukna bi turing ung akuma-ni pali oliu ung-bo tonjupa mani simbandu molemú. ‘Oliunga numanu tondulu pupili enembu naa kolupu Krais ambulupu kene ‘Pulu Yili-ni oliu tepa liimba enale sika ombá.’ nimbu tondulu mundupu piliipu nokupu molamili.’ nimba Pulu Yili-ni ‘Ung akuma piliangi akiliinga bukna tangi.’ nirim-na turing molemú.

1 Corinthians 3:9

Apollos olsu kene Pulu Yili kene tapú-topu kongun telemulu yima; eni Pulu Yili-nga puniele mele, [akiliinga yunu mindi olandupale]. Eni Pulu Yili-ni lkuli takupa molemú mele molemeleko.

2 Corinthians 4:15

Na-kene aku-sipa bunima wendu olemú akili eni [Krais-nga yambuma] tepa liimbandu wendu olemú. ‘Pulu Yili-ni we kondu kululi ulele-ni anju-anju pupa yambu pulele tepa liilimáliinga yambu pulele anjupa-anjupa Pulu Yili-kene “Angke” niku yu kape niku bi paka tonjangi.’ nimba [ulu buni akuma na-kene wendu olemú].

2 Timothy 2:6

[Aku-sipako,] yambu te-ni punie mindili sipa tepa nokupa konjulimú yambale-ni kumbi-lepa langi kaí pulele aima liimba.