1 Corinthians 7:31 - Bo-Ung NT

³¹ Ma-koleana mélema-ni uluma telemele yambuma méle akuma numanu kimbu-siku naa molai. Ya ma-koleale kene mélema kene, ekupu lelemú kanolemulu mélema, pora nimbá tekem, [alsupa kona te wendu ombá tekem akiliinga aku-sili yambuma mele molai].

1 Corinthians 7:31 ပူးပေါင်းရင်းမြစ်များ

Luke 21:34

“Akiliinga, naa kanuku mulungí kene ena kanili ombáliinga aima mimi-siku piliai! Lopa te yunga tápu andolemúna ‘Pumbú.’ nimba olemú kene milu leku panjilimelale naa kanupa ‘Yunu tomba.’ nimba naa piliipa walu-sipa olemú kene penga miluna walsekale tolemú, aku-siku ulu-pulu-kísima numanu siku teku, eni no-tonduluma noku kelep toku, ma-koleana mélema-ni buni sipili numanu kimbu-siku molku, numanuna puralé naa nipili mulúngi lem [Mania Omba Mana-Yi Au Talurum Yili] yunu ombá ena kanili eni naa liiku manjangi liipa sinjipa wendu ombá akiliinga kanuku piliiku kongnjuku molai.

1 Corinthians 7:29

Angmene, na-ni niker mele i-sipa: Enama nondupa pora nimbá tekem akiliinga ena wallú-koltale pekem ena akumanga yi ambu líílima-ni ambu naa liili yima mele molai.

1 Corinthians 7:30

Yambu kola telemelema kola naa tili yambuma mele molku, numanu siku molemele yambuma numanu naa siku molemele yambuma mele molku, mélema taropu toku liilimele yambuma yambu mélema naa nosuku we molemele yambuma mele molku,

1 Corinthians 9:18

Aku lem na méle kaluli nambulkari liimbuye? Nanga méle kaluli liimbále i-sipa mele: Temani-kaí andupu topu siliáliinga méle kaluliele naa liipu we andupu topu siliu akili nanga méle kaluliele. Yesos-ni “Yunga kongun tenji-pui.” nimba na liipa mundurum yi te moliáliinga “Na méle kalai.” nilka mele kapula naa nimbu, kongunale we andupu tenjiliáliinga na numanu siliu ulele nanga méle kaluliele.

Hebrews 12:27

Yu-ni “alsupu walsekale kamu ‘tipili.’ nimbú.” nirim akili i-sipa mele nimbá nirim: ‘ ‘Muléle kene male kene méle tirindumanga we lepa mindi pumba mélema we lipili, pora nimbá mélema pora nipili.’ nimba mélema pali lop-lopi tenjimba kene we lepa mindi pumba mélema mindi lop-lopi naa tili we lemba.’ aku-sipa Pulu Yili-ni nirim.

James 4:14

Opali ulu te wendu ombá kene mulungí mele eni naa piliilimili kanili. Eninga kona mululi ulu akili taena tepi kalemele kene walsekale ikilia wendu omba nondupa pora nilimú mele.

1 Peter 1:24

[Ung akili pora naa nilimú mele ung te Pulu Yili-nga bukna molemú,] akili i-sipa mele: ‘Yambuma pali era mele, enini molku konjulemele pllawa-kuku mele. Erama kolemú kene pllawa-kukuma olé lepa mana mania pulimú akiliinga-pe Auliele-nga ungele taki-taki lepa mindi pulimú pumba.’ Asaya 40:6-8 [nimba aku-sipa molemú.] Ung akili eni temani-kaiéle toku siring ung kanili.

1 Peter 4:7

Mana-mélema pali pora nimbá enale nondupa wendu ombá tekem. Nondupa wendu ombá tekem akiliinga eni numanu-bo pípili molku konjuku, Pulu Yili-kene popu toku ung niku molai.

1 John 2:17

Ma-koleale kene méle numanu monjulemele mélema pali pora nimbáliinga-pe yambu te Lapale-ni “Ti.” nilimú mele piliipa liipa teng panjipa tepa molemú yambale taki-taki molupa konjupa mindi pumba.