1 Corinthians 7:15 - Bo-Ung NT

¹⁵ Akiliinga-pe ‘Krais sika.’ niku naa piliilimili ambuma kene yima kene lupa-lupa numanale-ni piliiku kene “Pui.” niku makurungí kene, mola eni-enini ulsu pulimelé lem pipi siku “Mólu.” naa niangi. Aku tíngi lem ‘Krais sika.’ niku piliilimili yima kene ambuma kene eninga minupili kene ‘ka-lkuna mele peangi.’ nimba ung-mani te naa pelemáliinga pangi we munduku kelangi. Pulu Yili-ni “Táka-niku molangi.” nilimáliinga [“Tiluna naa molamili.” níngi lem karaye teku “Tiluna tapú-topu molamili.” naa niangi.]

1 Corinthians 7:15 ပူးပေါင်းရင်းမြစ်များ

Matthew 12:50

Nanga Lapa, mulú-koleana molemále-ni “Teai.” nilimú mele piliiku liiku telemele yambuma nanga anum kene nanga anginipilima kene nanga kimulupilima kene molemeláliinga aku-sipu niker.” nirim.

Luke 9:39

Yunga numanuna kuru te pelemále-ni yunu liipa mindili sipa tolemú kene kangale-ni ke nimba, kuru-kopari topa kene apapu memba molemú. Yunu aku-sipa mele taki-taki telemú akiliinga kangale yunga kangima pang-mangi telemúko.

Romans 12:18

Ele teku arerembi kululi ulu akuma numanu liiku munduku naa piliai. Taki-taki ‘yambuma-kene pali táka-nimbu molamili.’ niku numanu kimbu-siku piliiku molai.

Romans 14:19

Akiliinga, oliu-ni yambuma táka-niku numanu tiluna mindi pupili mulungí uluma kene, oliunga anginipilima Krais-nga ungma piliiku liiku teku mulungíndu numanu olandupa tondulu pupili mulungí uluma kene, aima tondulu mundupu teamili.

1 Corinthians 14:33

Aku nikereliinga pulele i-sipa mele: Pulu Yili-ni [yunga talapena-yambuma] ‘Numanu lupa-lupa pípili teku bemba siku molangi.’ nimba [tonduluma silimú] yili naa molemú. Yu ‘Yambuma numanu tiluna pupili táka-niku kapula-kapula molangi.’ nilimú yili molemú. [Tonduluma silimú akili ‘Yambuma liiku tapunjangi.’ nimba silimú.] Koleamanga pali Krais-nga talapena sukundu [Pulu Yili-nga] yambu kake tílima máku toku molku kene [aku-siku] telemele.

2 Corinthians 13:11

Kapula, nanga angmene, pepá manda tokur akiliinga “Eni molai.” niker. Eni ‘olandupa-olandupa yambu sumbi-nílima molamili.’ niku aku-siku mulungí uluma tondulu munduku teku, na-ni eni “Teangi.” niker mele piliiku liiku teku, numanu tiluna pupili kapula-kapula molku, táka-niku tapú-toku molai. [Aku-siku teku mulungí] kene Pulu Yili-ni eni numanu monjupa, “Eni numanu tiluna pupa waengu nipili táka-niku molangi.” nilimú yili eni-kene molumba.

Galatians 5:22

Akiliinga-pe [Pulu Yili-nga] Minéle-ni numanuna molupa ambululemú yambuma ulu telemelema i-sipa mele: Yambuma numanu monjuku, numanu siku molku, numanu waengu nipili táka-niku molku, ólo-pangí tipili molku, yambuma kondu kolku liiku tapunjuku, yambu mélema mólu tolemúma liiku tapunjuku mélema siku, ulu-sikama mendepolu sumbi-siku teku,

Hebrews 12:14

Yambuma-kene numanu tiluna pupili táka-niku molku kunjingí uluma tondulu munduku teku molku, eninga numanuma kene kangima pali ‘Pulu Yili-nga’ niku Pulu Yili-ni kanupa ‘kake telemú’ nimba kanolemú uluma tondulu munduku teku molai. Aku naa tingí kene Auliele naa kanungí akiliinga aku teai.

James 2:15

Angena te mulumbale kis te panjipa, langi nombá te naa lemba kene,