1 Corinthians 5:6 - Bo-Ung NT

⁶ [Eni-kene yi te molemále-ni ambu te-kene tepa kis-sipa mulupili] eni-enini kape nilimele akili aima kapula naa telemú. Aima teku kis-silimele. Pllawa tepa auli mundulimú méle yis pllawana munduku kene pllawale teku mimi telemele kene yis aima wallú-kolte-ni pllawa pulele tepa auli mundulimú mele eni naa piliilimiliye?

1 Corinthians 5:6 ပူးပေါင်းရင်းမြစ်များ

Matthew 13:33

Ung-eku te wasie yambuma topa sipa kene nimba mele: “Pulu Yili yi nuim kingele molupa yambuma nokulemú akili i-sipa mele: Ambu te-ni yu langi-pllawa tepa auli mundulimú méle yis laye-sele pllawa puleliinga mundurum kene pllawa pali akurum. [Pulu Yili yi nuim kingele molumba mele aku-sipa.]” nirim.

Luke 13:21

Akili i-sipa mele: Ambu te-ni langi pllawa tepa auli mundulimú méle yis laye-kolte liipaliinga pllawa puleliinga mundurum kene pllawa pali akurum. Pulu Yili yi nuim kingele molemú mele aku-sipa.” nirim.

Romans 6:16

Yambu te-ni ‘yambu tenga kendemande-yambale molambu.’ nimbaliinga yu sika yambu kaniliinga ungma mindi piliipa liipa yunga kongunuma mendepulu mindili sipa tenjilimú. akili eni naa piliilimiliye? Aku-sipa mele-ko eni ulu-pulu-kíselenga kendemande tenjiku mulúngi lem aku tingéliinga kulungí. Mola Pulu Yili-nga kendemande tenjiku yunga ungma piliiku teng panjiku mulúngi lem aku tingéliinga Pulu Yili-ni ‘Eni yambu sumbi-nílima.’ nimba kanomba. Aku niku naa piliilimiliye?

1 Corinthians 15:33

[Akiliinga-pe yambu mare-ni eni kundi toku “Ulu kis te teamili.” níngi lem] ung akili piliiku ‘Aku teamili.’ aima naa niai. [Akiliinga ung molemú kanili. Akili-ni nimba mele:] ‘Uluma teku kis-silimele yambuma-kene eni-kene tapú-toku mulúngi lem eninga teku kis-silimele uluma-ni eninga teku konjulemele ulu kaíma kamu topa mania mundumba.’ nilimú.

1 Corinthians 3:21

Akiliinga, alsuku yimanga bima kape niku paka naa tonjai. Mélema pali eninga.

1 Corinthians 5:2

[Eninga angin-yi te-ni aku-sipa telemáliinga] eni ‘Oliu yambu kaíma molemulu.’ niku eni-enini nambimuna kape nilimeleye? [Eninga bi paka toku uluma telemele mele munduku kelku kene,] numanu kis panjiku kola teku, tepa kis-silimú yi kanili ‘Eni-kene tapú-topa naa mulupili.’ niku toku makuruku ulsu mundulkemelanje kapula.

Galatians 5:9

[Piliai! Ung-eku toku] “Pllawa tepa auli mundulimú méle yis kanili pllawana mundulimele kene yis aima wallú-kolte-ni pllawama tepa auli mundulimú.” [nilimele kanili. Eni ung-kundi tolemú yi gólu tuliele aku-sipa telemú. Yu eni-kene molemáliinga eni pulele yunga ungele lumbili pulkimela.]

2 Timothy 2:17

Ung-bo tonjilimele ung kanuma irili kelále telemú mele telemú. Irili kelále mele tepa kene penga kamu ai-lepa kangi pulele nomba purupa lkupandi topa penga kangi pali kamu topa konjulimú mele ung-bo tonjilimele ung kanuma anju-anju pupa ‘Yambuma molku kis-sangi.’ nilimú. Ung-bo tonjilimele yi kanumanga yi tale Ameniyas kene Pallitas-sele molembele.

James 4:16

Akiliinga-pe eni aku-siku naa nilimele. Eni kara puku eni-enini kape niku bi paka toku “Kongun auli te temulú.” niku yambuma niku silimele. Aku-siku niku kape nilimele ulele aima ulu kisele.