1 Corinthians 11:11 - Bo-Ung NT

^11-12 Akiliinga-pe eni Auliele-nga ambu yi molemelema [tiluna tapú-toku mulungí kene kapula]. Ambuma eni-enini ulu mare teku, yima eni-enini ulu mare teku, mulungí kene kapula naa temba. Ambuma-ni yima liiku tapunjuku, yima-ni ambuma liiku tapunjuku, telemele kene manda. Sika [Pulu Yili-ni] ui-pulu-pulu ambale yilinga kangiele-ni tirim, akiliinga-pe ekupu yima ambumanga kangina wendu olemele, akiliinga-pe enini pali Pulu Yili-ni telemú akiliinga [ambuma kene eninga yima kene aku-siku kapula-kapula molemele kene manda].

1 Corinthians 11:11 ပူးပေါင်းရင်းမြစ်များ

1 Corinthians 11:10

Akiliinga, [eni máku toku mulungína] ambale [Pulu Yili-kene popu toku ung nimbá mola Pulu Yili-nga ung te yambuma nimba simbandu] yunga pengale panda tupili. Aku temba kene kanuku kene angkellama-ni ‘Yu-ni yunga yilinga ungma piliipa liipa molemú.’ niku kanungí.

Galatians 3:28

[Eni pali Krais-nga yambu molemelema] Juda-yambuma lupa, Juda yambu naa molemele yambuma lupa mólu; ku-moni naa liiku we kendemande-kongun tinjili yambuma lupa, we molemele yambuma lupa mólu-ko; yima lupa, ambuma lupa mólu-ko; ekupu eni pali Yesos Krais-nga yambu-talape tiluele mendepolu molemeláliinga yambu lupa-lupama naa molemele.