WUNOZYAK 7:14 - Murle

¹⁴ Ma kabɛdɛkɛ naana nɔɔnɔ kanei nɛ, “Manyi, alaŋ kaga, bar aga inoko niina.” Ma anekan nɛ, “Nicigi ɔl o adɔi tuwɛn uneeŋ piryakzete baal gɔɔn agidɛn e nɛɛn. Otoonycɛ zin niigi biyete o Nyoonu kiziti rumanɛ ugeec vɔɔrɛ pɛr.

WUNOZYAK 7:14 ပူးပေါင်းရင်းမြစ်များ

MATIYU 24:21

Eeci kinatamma laadun e zɛɛ been waanico noko akɔm piryakzɛt ci atobɔ kibeen ci katin aku neke. Ma akɔm bodo ci atobɔ ki nice katin been nɛɛn.

MARKO 13:19

Eeci iinyaye niceke anyak lɔɔci libɛn ci ŋaan laadun kiita ŋaan baal ɛɛnycanɛ Jooi looc e zɛɛ been inoko o. Ma alaŋ buk katin bodo iina gi ci abil nɔkɔ.

JƆN Kaviyak o Colai Ayɛɛt Jɔn 16:33

Kaduwakuŋ naana igeet zɔɔz nico o, ka anyayit ganɔn ŋaati aromonekaŋ niiga aneet. Agiduŋ tiŋeere lɔɔci igeet. Bar zin odoyit, eeci agayu kɔmɔga naana looc.”

TOONNYAK 14:22

Ma ilot niigi ɔl o tuwento kuturyowe nicoko kodoyit kak, ma ilot nɔɔgɔ ka kemedak tuwɛn Joowa. Ma adɛmɛz nɔɔgɔ anek nɛ, “Naaga o katuwe dook kapirna tiŋeere kaale ci meelik loota ŋina maŋaan rak naaga kɔɔtɔ baliinte o Joowo tamma o.”

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 5:3

Ma katalnɛ buk naaga matɛ gɔɔn kagide, eeci kaga gidɛn ademezet ageet gɔl ci ka gɔɔn kɛmɛzti piryakzɛt zinzeetine ci alal.

1 KORINTIYA 6:11

Inoko ŋaatunooŋ ɛlɛ anyak ɔl ci gɔɔn baale agɔɔn kaal nicoko. Bar zin otoonyawuŋ Jooi onai igeet oŋɛ niceke. Ma ɛŋɛrawuŋ niini igeet iziti ɔl cigin, ma anyuŋ obonta zaare o Manyi ona Yesu Kiristo been Vɔŋize onin.

2 TƐSALONIKA 1:4

Gi o zin gɔɔn kabololuŋ naaga igeet ole o atu Jook o nɛɛn, eeci niiga amezu piryakzɛt, ma azuunu tuwɛn unooŋ. Mayo nuun agidenu, ma apirnanu ɔrɔɔt o, ŋaan azuunu nɔkɔ.

IBIRO 13:12

Zin gole ci atobɔ ki nice buk Yesu igide, ma ook adaak niini kutur bawuca ka kotoony ɔl biyete ogin.

IBIRO 9:14

Iziiktɔ zin juruŋ. Zin mã da anyak biyeta ci konyo ki ci arizo dɔyiz ci aaranɛ ɔl oŋɛ baale, anyak zin bar biyeta o Yesu dɔyiz ci appe ɔrɔɔt ɛlɛ ci aaranɛ baciinok ɔla kobonta ŋume o Joowo. Anyek niini ɛlɛ onin kizi todoyoi ŋaaten Jook tirtente o Vɔŋiz o Joowo abil been nɛɛn. Ma gole nico anyek niini zinzeeti ogaac kiziti vɔɔrɛ ka calaŋ bodo kagɔɔn naaga kaal ci gɛr avoyet daayiza, bar ka koneec naaga Jook o anyak rogɛt.

1 PITƆR 1:19

Bar ɔɔgawuŋ niini igeet biyete o Kiristo titiny kujuk warki. Biyeta oginɛ atobɔ ki biye ci nyɔɔn ci azeeto abon aganɔ ŋaati ɛɛnɛ todoyoi.

1 JƆN 1:7

Bar mazi kabaak naaga vooritina kiyo Jooi o, kizitɔ koca naaga dook laŋoten. Ma oonyanet biyeta o ŋɛɛrin Yesu Kiristo ageet oŋɛ ogaac dook.

WUNOZYAK 1:5

Amayukuŋ buk Yesu Kiristo ween bacoi o iimi. Niini abuu o arak daayiz been ŋaazi o aŋaanɛkɛ rogɛt o abil been nɛɛn. Ma een niini alaan o abal alaat o loocu dook. Nɔɔnɔ nɛɛn o areezet ageet, ma otoonyawet oŋɛ ogaac biyete ogin.

WUNOZYAK 12:11

Omogit zin niigi nɔɔnɔ biyete o Nyoonu been zooze ween didi baal uuwak niigi e, eeci agamta baale niigi zɔɔz ci adaaŋni ŋaaten Kiristo labak.

WUNOZYAK 15:2

Ma kacin ŋinti kizik liil ci liilim kiyo gizazac o, ma azi pilpil kiyo goo o. Ma kacin buk ɔl ona abor kelegit ki riritɔn onin kibeen bayen onin een 666 e. Ɛɛl niigi ŋaati kizik gizazac noko, anyak kidorɛt o Joowo azɛɛnɛ.

WUNOZYAK 17:6

Ma kacin ŋaa nico abaak nɔɔnɔ biyeta o ɔl o Joowo ki biye o bacok o Yesu baal gɔɔn aruk niini e. Mazi kagelem nɔɔnɔ nɔkɔ, kabaraŋɛ ɔrɔɔt ɛlɛ.

WUNOZYAK 2:9

Enek nɛ, Kaga gidɛn been maatiz unooŋ nɔkɔ. Bar zin tamma eeginu niiga arɔk ɔrɔɔt. Kaga buk amezu niiga momoz o gɔɔn adomnyuŋ ɔl o anyek eleeti kiziti Juz, ma bar alaŋ eegin niigi ɔl o Juz didi, bar eegin niigi dook ɔl ci Loryento.

WUNOZYAK 22:14

Amayuwi zin ɔl o oony zinzeeti ugeec kitiliza. Nɔɔgɔ nɛɛn o aganɔ ŋaati adayi kɛbɛrɛ o kɛɛt o rogeto, ma aganɔ ŋaati avɔyi niigi kuture nico eecitɔ.

WUNOZYAK 5:9

Ebenit ni niigi dook beniin ci colai azi nɛ, “Aganonu niina ŋaati adomanɛ waragɛ ci atuuzi noko ka pila mutul. Eeci baale uruktin ɔl ineet daak. Zin daayize unun ataalayu niina boryok o loocok dook Jook kurum vitɛn ci akani tammu zɔɔ looc e.

WUNOZYAK 7:9

Ma vurte nice kaara kɛbɛrɛ, ma kacin kɔlɛ ci meel ɔrɔɔt ɛlɛ ci akɔm eet ci anim kɛkɛɛp. Ɔl nicigi avu boryowe dook, been modene dook, been loocowe dook. Ma avu ɛɛl niigi ŋaao lɛcɛr o alaazetu been Nyɔɔn. Aborcek niigi dook rumanɛ ci vɔɔr wuntik, ma anyak azɛɛnɛ oto ci kɛɛn ween kɛtɛlɛɛn.