WUNOZYAK 13:5 - Murle

⁵ Ma anyononek kelegit nico gɔl ci ka kɔbɔlɔli kutuguwi ɛlɛ kizi Jook. Ma anyononek nɔɔnɔ dɔyizi ci ka kutuguwi nɔkɔ nyɛlɔwɛ eet ram ki tiin ram.

WUNOZYAK 13:5 ပူးပေါင်းရင်းမြစ်များ

2 TƐSALONIKA 2:3

Má anyeku zin eet oma kalabawuŋ igeet, eeci iiteni o Manyi alaŋ rak aku zɛɛ ma akɔ akanai gerzitin o adikir aborni ɔl Jook, ma ayelzai ɛɛti o oŋecu adikir o apawozek nɔɔnɔ goo laadun. Kuduwayuŋ rak baale igeet kaal nicoko iiten baal ŋaan karomɛn been igeet e. Inoko ŋɛdɛt gerzitin abil tɔ, bar zin alaŋ rak ayelzai ɔrɔɔt zɛɛ ma anyeki ɛɛti o alam gerzitin nico. Mazi ooŋna tiŋeere niini nɔɔnɔ, ŋaan zin katin ayelzai niini kagaac ɔl dook. Ma aku amarnin niini Jook ɔrɔɔt. Ma anyek Loryenti katin nɔɔnɔ dɔyiz ci appe ɔrɔɔt ka kutuguwi niini kaal ci atɛɛt ɔl biye. Ma adiŋdiŋan niini ɛlɛ kujuk Jook, ma arɔɔŋ niini ɔl dook kidiŋdiŋanit nɔɔnɔ doon. Ma tiŋeere akɔ niini ceez o Joowo adikir, ma akɔ azi nɛ, “Aneeta Jook nɛɛn.” Ma alaba tiŋeere niini ɔl o abor ŋaati atuwi kaviyak o Joowo. Alaŋaan zin enice ɛɛla Jooi nɔɔgɔ, bar apayek tiŋeere niini nɔɔgɔ goo o abil been nɛɛn giye o arɛɛzi niigi kaal o gɛr ademzek nɔɔgɔ ɛɛti o oŋecu. Aku zin tiŋeere Manyi diŋdiŋonte onin, ma aku uulal nɔɔnɔ kook many zooze ci olla aduwak niini nɔɔnɔ otoga doon.

WUNOZYAK 11:7

Mazi avɔ adicai nyɛlɔwɛ o uuwawi o zɔɔz o Joowo, aduŋna tiŋeere kelegiti o mooti loowe o wun kal, ma aku ɔɔrɔ ki nɔɔgɔ. Ma amɔk niini nɔɔgɔ, ma aruk nɔɔgɔ kadaayitɔ.

WUNOZYAK 12:14

Anyozozek ni ŋaa nico tabana ceen ram ɛɛl kiyo o zuut o adikir o, ka kiviri kajaari kutal nico kukulozɛkɛ ŋinbaal agɔɔnak Jooi nɔɔnɔ ka kook kabaai nyɛlɔwɛ eet ram ki tiin ram balala e.

WUNOZYAK 12:6

Maje ŋaa alya ivir ook balala ŋaabaal agɔɔnak Jooi nɔɔnɔ ka kook kabaai nyɛlɔwɛ eet ram ki tiin ram e.

WUNOZYAK 13:7

Ma anyononek nɔɔnɔ dɔyizi ci ka kɔɔri ɔl o Joowo, ma amɔk nɔɔgɔ, Ma anyononek buk nɔɔnɔ dɔyizi ci abali modɛn o loocu dook.