WUNOZYAK 12:9 - Murle

⁹ Ujukcak ni kutali ci appe noko been toonnyak ogin tɔdɔ. Ma kutali nici kutal o kazi zaar nɛ Loryen nɛɛn. Nɔɔnɔ ɛlɛ nɛɛn ween kowat baal alaba looc dook e.

WUNOZYAK 12:9 ပူးပေါင်းရင်းမြစ်များ

ƐƐNYCAN O LOOCU 3:1

Mazi baale ɛɛnyca Jooi kɛlɛk dook e, agɛny kowat kelegene dook, ma een labjoi. Iiyak ni niini ŋaa mana, ma ajin nɔɔnɔ anek nɛ, “Ma dim didi eeyuŋ Jooi igeet kɛɛn kɛbɛrɛ ci mano o ŋaati adaku?”

ƐƐNYCAN O LOOCU 3:13

Ma ajin Jooi ŋaa anek nɛ, “Agɔɔn nɔkɔ naa?” Ma abɛdɛkɛ ŋaa nɔɔnɔ anek nɛ, “Kowat nɛɛn ci alabekan kadak o.”

MATIYU 13:39

Ma miroiti ci aku aḏok imac o Loryen nɛɛn. Ma ɔl ci aliŋliŋ atɛɛt labi o toonnyak o Joowo.

MATIYU 24:24

Eeci avu tiŋeere ɔl ci azi nɛ, Keegina Kiristo, kibeen nyakaŋanɛt ci voloŋo meelik. Agɔɔn katin niigi kaal ci atɛɛt ɔl biye, ka katamanti gɔl ci alaban ɔl o ɛŋɛra Jooi.

MATIYU 25:41

Kookconei zin katin naana alaani ɔl o ɛɛl aneeta kaŋeta e, ma kanei nɛ, “Ɛnyɛktɛ ɔtɔɔz ŋaatan ŋina niiga ci apayekuŋ Jooi gerzitin o. Ɔɔtɔ gooye o abil been nɛɛn baal agɔɔnnyak Loryen kibeen toonnyak ogin e.

MATIYU 4:1

Iyit ni Vɔŋizi o Joowo Yesu ooyi balala ka kook kicina Loryenti nɔɔnɔ.

MATIYU 4:10

Ma abɛdɛkɛ Yesu nɔɔnɔ anek nɛ, “Ineet Loryen, nyɛyɛ ŋaatan! Azi waragɛ o Joowo nɛ, Idiŋdiŋanit Jook ween Manyi unooŋ. Iliŋliŋtozek nɔɔnɔ doon.”

MATIYU 4:5

Itiŋawi ni bodo Loryen Yesu ŋinaante ooyi Jerusalɛma, ma akɔ atɔɔdi ceez o Joowo taden.

MATIYU 4:8

Itiŋawi ni Loryen Yesu ŋinaante bodo ooyi biye ci wun kal, ma akɔ ayelek nɔɔnɔ diŋdiŋɔn o baliin o loocu dook.

LUKA 10:18

Ma abɛdɛkɛ Yesu nɔɔgɔ anek nɛ, “Ii, kicina didi Loryen iina tamma mɛlɛc kiyo gɔɔn abadi tammu o.

LUKA 13:16

Inoko ŋaa nici dole ci dɔl o Ibrayim buk, ma acap Loryenti nɔɔnɔ irkitok ceen amɔnki turge noko dook. Mayo zin gɛrzɛ ŋaati ɔɔgjanɛ niini iitene ceen Sabit noko?”

LUKA 22:3

Enico ook Loryen zinize o Judaz o kazi Iskariyot ween nuyai codoi nuyawe o Yesu een amɔtɔ ram.

LUKA 22:31

Ma azi Manyi Yesu nɛ, “Saiman, Saiman, ziik di. Ojowa Loryen gɔl ci ka kitivanyuŋ igeet kiyo gɔɔn ivanyit ŋaa labi o.

LUKA 8:12

Ma ḏowo ci iinak gɔl kɛŋ o, atobɔ ki ɔl o gɔɔn azii zɔɔz o Joowo. Ma bar taman nɔkɔ aku Loryen, ma aara zɔɔz nico zinzeetine ugeec ka calaŋ atuwe ka korogit.

JƆN Kaviyak o Colai Ayɛɛt Jɔn 12:31

Inoko zin izi iiten ci ka kapawozɛkɛ looc gerzitin nɛɛn nici. Ka zin buk alaani o looc nico kɔtɔɔyɛ kook many.

JƆN Kaviyak o Colai Ayɛɛt Jɔn 14:30

Alaŋ zin bodo kazɔɔzɔ naana kibeen igeet ŋinti wun, eeci alaan o loocu nɛɛn ci aku noko. Bar zin akɔm niini gi ci ka kodoma ŋaatan.

JƆN Kaviyak o Colai Ayɛɛt Jɔn 16:11

Ayelzak buk tiŋeere niini nɔɔgɔ gi o alaŋ agawi niigi payiin o Joowo, eeci alaan o abal looc nico apawozek nɔɔnɔ gerzitin laadun.

JƆN Kaviyak o Colai Ayɛɛt Jɔn 8:44

Eeginu zin niiga dɔl ceen baatunooŋ nɛɛn Loryen, ma arooŋnyu oneec kaal o arɔɔŋ niini. Niini laadun kinatamma e eet ci monyento. Atɛɛdɔ niini ki leeminɛt zɔɔ, eeci akɔm ŋaatin laadun leeminɛt. Aduwa gɔɔn niini vɔlɔŋ, eeci vɔlɔŋ kɛɛr cin laadun. Niini voloŋnyoi, ma een baati voloŋnyowu.

TOONNYAK 26:18

Karooŋnyin ineet ka bitɔ kɔl kɛbɛrɛ ugeec, ka badai nɔɔgɔ muura kivitak vooritin, ka badai nɔɔgɔ dɔyize o Loryento ka kivitak Jook, ka zin kaaryai oŋɛ ugeec tuwente o atuyan niigi aneet, ka kojokta buk niigi ŋintineeŋ ole o aŋɛra Jooi.

TOONNYAK 5:3

Ma anek Pitɔr nɔɔnɔ nɛ, “Ananayas, naa anyi Loryen kook ziniza ma alaba Vɔŋiz o Joowo giye ci arɔɔdɛ guruc oogi guruce ci ona ataala mana o?

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 16:18

Eeci ɔl ci agɔɔn nɔkɔ alaŋ niigi aliŋliŋonek Manyi ona Yesu Kiristo, bar aliŋliŋonek niigi eleeti ugeec doon. Azɔɔz gɔɔn niigi zoozok ci amadi ka kalabtai ɔl o alaŋ abaaban kaal ci gɛr.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 16:20

Zin Jooi o anyet baayiz o kabaai yaak ŋaan amɔk Loryen kataman ka orocek niiga nɔɔnɔ looc. Abon bai amayukuŋ Jooi igeet ŋaaten Manyi ona Yesu Kiristo.

2 KORINTIYA 11:14

Alaŋ zin ageet abiirnet ooti giye nico, eeci gɔɔn Loryen niinilya alaba buk ɔl gole ci ookci ɛlɛ kibil kiyo toonnyaiti ci Joowo aku tamma o.

2 KORINTIYA 11:3

Bar zin kaŋole ŋaati alabanuŋ tiŋeere ɔl zɛɛ makacin alaŋaan anuyu gɔl o Kiristo juruŋ zinzeetine ci vɔɔr kiyo baale alaba Loryen ŋaa o kazi Eev gɛnyiza e.

2 KORINTIYA 12:7

Anyan Jooi aneet mɔɔriz ci agidan ɔrɔɔt ka calaŋ kadoŋ ɛlɛ kaale o titiny ayelekan niini aneet wunozyai niceke. Ma mɔɔrizi nici abil kiyo kɛɛt o arukan Loryenti aneet ka kɛcɛlbɛzanan o.

2 KORINTIYA 2:11

Abon zin kooŋnek naaga eet nico gi ci baal agɔɔn o ka calaŋ amogjet Loryen ageet, eeci kaga naaga kaal o arɔɔŋ kutugu Loryenti nɔkɔ.

2 KORINTIYA 4:4

Alaŋ niigi atuwe o, eeci Loryenti o abal looc nico uulal nɔɔgɔ ooti ugeec, ka calaŋ acin niigi vooritin o kaviyak o abon o aduwa zɔɔz o diŋdiŋɔn o Kiristo. Ma Kiristo atobɔ niini ki Jook.

EVESOS 4:14

Alaŋ zin bodo aganɔ ŋaati kɛɛlni kiyo dɔlya o miliny gɔɔn olla azooti ki zoozok o ŋootu alaban ɔl nɔɔgɔ demziinte ci voloŋo o.

2 TƐSALONIKA 2:3

Má anyeku zin eet oma kalabawuŋ igeet, eeci iiteni o Manyi alaŋ rak aku zɛɛ ma akɔ akanai gerzitin o adikir aborni ɔl Jook, ma ayelzai ɛɛti o oŋecu adikir o apawozek nɔɔnɔ goo laadun. Kuduwayuŋ rak baale igeet kaal nicoko iiten baal ŋaan karomɛn been igeet e. Inoko ŋɛdɛt gerzitin abil tɔ, bar zin alaŋ rak ayelzai ɔrɔɔt zɛɛ ma anyeki ɛɛti o alam gerzitin nico. Mazi ooŋna tiŋeere niini nɔɔnɔ, ŋaan zin katin ayelzai niini kagaac ɔl dook. Ma aku amarnin niini Jook ɔrɔɔt. Ma anyek Loryenti katin nɔɔnɔ dɔyiz ci appe ɔrɔɔt ka kutuguwi niini kaal ci atɛɛt ɔl biye. Ma adiŋdiŋan niini ɛlɛ kujuk Jook, ma arɔɔŋ niini ɔl dook kidiŋdiŋanit nɔɔnɔ doon. Ma tiŋeere akɔ niini ceez o Joowo adikir, ma akɔ azi nɛ, “Aneeta Jook nɛɛn.” Ma alaba tiŋeere niini ɔl o abor ŋaati atuwi kaviyak o Joowo. Alaŋaan zin enice ɛɛla Jooi nɔɔgɔ, bar apayek tiŋeere niini nɔɔgɔ goo o abil been nɛɛn giye o arɛɛzi niigi kaal o gɛr ademzek nɔɔgɔ ɛɛti o oŋecu. Aku zin tiŋeere Manyi diŋdiŋonte onin, ma aku uulal nɔɔnɔ kook many zooze ci olla aduwak niini nɔɔnɔ otoga doon.

1 TIMOZI 2:14

Ma buk baale Loryen alaŋ alaba Adam, bar alaba Eev, ma uulal niini lotinɛt o Joowo.

2 TIMOZI 3:13

Maje ɔl o gɛrzɛ kibeen ɔl o gɔɔn alaba gɔnɔgi, tiŋeere amɛna azaaci gerzitin cineeŋ o ɔrɔɔt. Ma alaba niigi ɔl oogi, ma bodo buk alabjai niigi alya.

IBIRO 2:14

Gɔtɔnɔgi zin nicoko nɛɛn ɔl o deer. Buk zin Yesu itiryai kizi eet ci deer kiyo niigi o ka kiiya kadaak niini, ma uulal dɔyiz o Loryento, eeci anyak Loryenti dɔyiz ci daayizo.

1 PITƆR 5:8

Egenyit zin! Ebeyit eleeti juruŋ, eeci Loryen ween miroi unooŋ aruur azɔp looc kiyo maa o arɔɔŋ eet o adak o.

1 JƆN 5:19

Kaga naaga keegin ɔl ci Joowo nɔkɔ, mayo nuun abal looc nico dook Loryen o.

JUD Waragɛ o Ayɛɛt Jud 1:9

Mayo nuun een Maikɔl ween alaan o toonnyak o tammu tadenu, ŋaan niini kɔdɔm Loryen iitene baal adaŋɔn ki nɔɔnɔ zooze o akati ɛlɛ o Mosis e. Bar olla waanice anek niini nɔɔnɔ nɛ, ”Ŋaan acinin ineet Jooi doon.”

WUNOZYAK 12:12

Ataltɔ zin niiga ɔl o abaaku tammu tadena dook giye nico. Bar zin izi nɔŋa wole ŋaatunooŋ ɔl o abaaku tɔdɔwai been liilowɛ, eeci Loryen iiyayuŋ igeet bornɛt nɔŋa. Aga niini nɔkɔ izi iinya oginɛ tɔnyɛ.”

WUNOZYAK 12:3

Eyelizai ni bodo gi ci appe panypany oman tammu tadena. Gi nici bar tɛ kutal ci meeri appe anyak ooti torgɛrɛm, ma anyak kondɛnɛn kibeen oto amɔtɔ.

WUNOZYAK 12:7

Akatai ni enico ɔrɔɔn tammu tadena. Toonnyaiti o Joowo kazi Maikɔl been toonnyak o aromɛ ki nɔɔnɔ ɔɔt ɔɔrtɔ ki kutal been toonnyak ogin.

WUNOZYAK 12:8

Ma ɔɔrɔ zɛɛ makacin ɔmɔgɛ kutali kibeen toonnyak ogin. Mazi akɔ amogji, ɔkɔma bodo nɔɔgɔ ŋintineeŋ tammu tadena.

WUNOZYAK 13:14

Ma alaba ɔl ci loocu noko dook giye o agɔɔni niini kaal ci atɛɛt ɔl biye ka kitirit kelegit o oowu. Ma aduwak kelegiti nici ɔl kɛtɛɛnyca riritɔn ci abil kiyo kelegiti ona anyak morotɛn e. Aduwak niini nɔɔgɔ kutuguza riritɔn nico ka kidiŋdiŋanti niigi kelegit nico.

WUNOZYAK 16:14

Nicigi voŋizok o Loryento anyak dɔyiz ci agɔɔni kaal o atɛɛt ɔl biye. Ma iŋaaz niigi avɔ awa alaat o loocu dook kivita kulute ŋaatodoi ka kereya iiten o ka kooryɔi niigi ki Jook. Ma iitene nice azaan tiŋeere Jooi nɔɔgɔ dɔyize onin kizi nɔŋa cigeecik targanyɛ.

WUNOZYAK 18:2

Ma agɛrɛny molowe ci appe azi nɛ, “Iita! Iita kuturi o appe kazi Babilan! Ilibe didi ḏim! Ɔkɔma ɔl ci abaak ŋinaante kina, bar izi ŋinti abaai voŋizowa o Loryento. Ma buk abaayi kuduvaana been kibaali o gɛr dook.

WUNOZYAK 18:23

Alaŋ bodo alanyit tɔlita kuture nice been nɛɛn, ma akɔm bodo talniin ci iiŋkawin ɔl. Apawonek zin Babilan gerzitin o, eeci baale tajɛra o kutur nice ajuk tajɛr o loocok dook gerzitina, ma aguv baale kuturi nica modɛn dook tamarzɛta been voloŋe onin.

WUNOZYAK 19:20

Ma agam ɔl kelegit ci mooti noko been nyakaŋan o voloŋo baal agɔɔn kaal o atɛɛt ɔl biye kelegit nico ŋuma e, ma avɔyi cabiin. (Nyakaŋan zin ci voloŋo noko nɛɛn baal alaba ɔl o anyak bayen o kelegto ŋumtene ugeec e. Alaba niini nɔɔgɔ kaale baal agɔɔn atɛɛt ɔl biye e, ka kidiŋdiŋanit niigi riritɔn o kelegit nico.) Ma ajukonek kelegiti kibeen nyakaŋan o voloŋo rogɛtɛt goo ween lɔtɔn abil nɔkɔ been nɛɛn.

WUNOZYAK 2:13

Enek nɛ, Kagayuŋ nɔkɔ azuunu zaar ogan kɔdɔk kak o. Mayo nuun abaaku niiga ŋaao anyak lɛcɛr o Loryento alaazetu o, ŋaan adaŋit tuwɛn o atuyaŋ niiga aneet been nɛɛn, mayo nuun een iinyaye baal aruwɛn bacoiti onane iimi ziniz kazi Antipas e. Aruwe waanice niini kuture unooŋ abaai Loryen.

WUNOZYAK 2:24

Kanekuŋ zin igeet o abornu demziin ci gɛr Loryento nɛ, Akɔma bodo gima ci ka kuduwa ŋaatunooŋ.

WUNOZYAK 2:9

Enek nɛ, Kaga gidɛn been maatiz unooŋ nɔkɔ. Bar zin tamma eeginu niiga arɔk ɔrɔɔt. Kaga buk amezu niiga momoz o gɔɔn adomnyuŋ ɔl o anyek eleeti kiziti Juz, ma bar alaŋ eegin niigi ɔl o Juz didi, bar eegin niigi dook ɔl ci Loryento.

WUNOZYAK 20:10

Maje Loryen ci baal alaba nɔɔgɔ o ajukonek niini goo ween lɔtɔn o alaŋ adiiti nɔkɔ been nɛɛn. Goo nici goo baal ujukozek kelegiti o gɛrzɛ been nyakaŋan o voloŋo e nɛɛn. Ka zin kipirta niigi ŋinaante baalinok ki waazinok nɔkɔ been nɛɛn.

WUNOZYAK 20:8

Zin katin ma aduŋna niini, akɔ alaba modɛn o abaak loocowe dook. Ma ɔl ci akɔ alaba niini neke ano modɛn o kazi Gok been Magok. Alota katin niini modɛn niceke dook ŋaatodoi ka kɔɔrtɔ ki ɔl o Joowo. Ma modɛna nicigi mɛɛlɛ gɛr kiyo kazac o liiltogu o.

WUNOZYAK 3:9

Iziiyit zin di zɔɔz ci akati ɔl o Loryento ce. Gɔɔn niigi anyek eleeti kiziti ɔl ci Juz vɔlɔŋa. Kanyi zin tiŋeere naana nɔɔgɔ kivita kakateyuŋ igeet kozoŋtin ka kagaac niigi kareezuŋ naana igeet.

WUNOZYAK 9:1

Otobo ni bodo toonnyaiti oman toromba onin. Ma kacin monyatot ona iinak looc e. Anyonek muvtawi ci ka kɔkɔli look ci wun kal.

WUNOZYAK 9:20

Maje ɔl o ŋaan kurukte jɔmanene nicoko kadaayitɔ e, alaŋ arɔɔŋ kotoŋit baciinok ugeec, bar amɛna adiŋdiŋan voŋizok o Loryento been joowanɛ o adilyai nɔkɔ. Ma joowanɛ ci adilyai noko ɛɛnycai warkinɛ ki zurtenene ci gidaŋ, ki zurtenene ci maan, ki biyɛnɛ, been kɛɛni. Alaŋ een joowanɛ ceen didi ka kidiŋdiŋanit ɔl, eeci alaŋ acinɛ, ma alaŋ aziiŋnɛ, ma alaŋ amɔɔt.