TITOS 2:2 - Murle

² Tilo ɔl o mac adikir kegenyit kaale dook, ma azooni eleeti kaale o gɛr, ka kanyayit niigi tuwɛn been rɛɛzɔnɛt ceen didi, ma amɛz piryakzɛt.

TITOS 2:2 ပူးပေါင်းရင်းမြစ်များ

MARKO 5:15

Mazi avunak ɔl Yesu, bar amada niigi eet baal gɔɔn anyak miniŋ o Loryento meelik e aavi loota ŋinaante. Anyawun niini rum alya, ma buk obona nɔɔnɔ ɔɔ oninɛ labak. Anyayit ni niigi dook ŋoliin ɔrɔɔt ɛlɛ.

LUKA 8:35

Ivita ni ɔl ka kivita kicinit gi ci agooni o. Mazi avunak niigi Yesu, amada eet ona aduŋna miniŋa o Loryento ŋaatin e aavi Yesu libira. Anyawun rum alya, maje buk ɔɔ oninɛ obona labak. Ma anyak ɔl dook ŋoliin zooze nico ɔrɔɔt.

TOONNYAK 24:25

Ma azɔɔz Pɔl zɔɔz ci akati gɔl o anyekɛ ɛɛti ɛlɛ kobona ki gɔl o agami ɛɛti ɛlɛ kaale o gɛr been gɔl o ka kapayi Jooi ɔl katin. Mazi akɔ azii Vilek kaal nicoko, anyawun ŋoliin ɔrɔɔt, ma anek nɔɔnɔ nɛ, “Bitɔ zin. Kiziiwa. Mã kanyei waŋi, ŋaan bodo kawanin.”

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 12:3

Zin giye o anyan Jooi aneet kizi toonnyai cin bonate onin, kanekuŋ igeet dook nɛ, Má adoŋnyu eleeti aniyu nɛ, Keegina titinyɛ. Bar abon gɔɔn ɛɛti ce aŋaamnek ɛlɛ onin maany gole ci abon. Abon gɔɔn ayabiz ɛɛti ce titinyɔn o ɛlɛ onin tuwente o anyek Jooi nɔɔnɔ, karabɔŋ anyek Jooi nɔɔnɔ tuwɛn ci appe, karabɔŋ een tuwɛn ci miliny.

1 KORINTIYA 15:34

Abon zin abaabaninu juruŋ ka otoŋit oŋɛ. Kacin ɔl ci miliny ŋaatunooŋ alaŋ aga Jook. Kazi nɔkɔ o, ka kaamuŋ igeet alyaani giye nico.

1 KORINTIYA 9:25

Gɔɔn ma arɔɔŋ ɛɛti kizi tiir, ɔɔrnɔŋ adɛmɛz niini ɛlɛ rak ŋaati adɔkɔnyi ka kizi tiir. Agɔɔn niini nɔkɔ o ka mã anyak gi ci arawɔnɛ ɔl ka karak niini ɔɔwa. Bar zin vɔyita ci arawɔnɛ niini kibeen ɔl o, kaal ci adicai kataman. Maje vɔyita o karawɔnɛ naaga ɔl o katu Jook, vɔyit ci ɛɛl been nɛɛn.

2 KORINTIYA 5:13

Azi gɔɔn ɔl ogɛn nɛ, Aamnyet ageeta maŋɔnnya. Zin mã aamnyet maŋɔnnya, abon labak ka kanyaaktaya Jook diŋdiŋɔn. Mazi alaŋ aamnyet maŋɔnnya, bar zin katirituŋ naaga igeet.

VILIPIYA 4:8

Laŋotigan o kareezuŋ, Inoko zin karooŋnyuŋ naana igeet ibitizit ooti ugoocok baabaninte ci abon anyak leeminɛt, ki baabaninte ci anyak titinyɔn dook, ki baabaninte ci abil tɔp, ki baabaninte ci akati vooritin, ki baabaninte ci atalna ɔl, ki baabaninte ci anyak ɛɛzɛt. Abaabanit kaal ci ɛɛl nɔkɔ doon.

1 TƐSALONIKA 5:6

Zin naaga alaŋ abon ŋaati kooginɛ kiyo ɔl o alaŋ atuwe o. Bar abon keegin vililɛ, ma kabɛk gɔl.

1 TƐSALONIKA 5:8

Bar zin naaga o kabaak vooritina, abon kagɛny eleetine ogaac. Kanycek tuwɛn ki rɛɛzɔnɛt been rewinɛt onai karɛwi Manyi kizi kilibwa cigaac.

1 TIMOZI 1:14

Anyan zin Manyi aneet bonate onin adikir tuwɛn ki reezinɛt o kajowa naaga ŋaati karomonɛkɛ Yesu Kiristo.

1 TIMOZI 1:2

Kayeedekin waragɛ nico ineet Timozi o een ŋɛɛran ween didi tuwɛnta. Abon bai Jooi ween baatina been Manyi ona Yesu Kiristo anyin dɛtɛn been ganɔn.

1 TIMOZI 1:5

Karicanekin zin ineet zɔɔz nico o, eeci karooŋ ɔl o atu Yesu kanyayit rɛɛzɔnɛt o aku ziniz vooritina, ki baabaninɛt ci abon ŋume o Joowo been tuwɛn ceen didi.

1 TIMOZI 3:11

Abon buk ŋaai cigeec o eegin ŋaai ci abon zinzeeti iinya dook, ma alaŋ aŋɔmɔt ɔl gɛrzɛ. Bar abon agɛny niigi gɛnyiz ci abon. Abon agɔɔn kaal dook zinzeeti imɛɛnta.

1 TIMOZI 3:2

Abon zin alaani ci bor o Joowo een eet ci abaak baayiz calaŋ aŋɔmɔti ɔl nɔɔnɔ gɛrzɛ. Abon anyak niini ŋaa codoi ṯɔr nɔkɔ. Abon agɛny niini, ma azooni ɛlɛ kaale o gɛr dook. Abon een eet ci eezeto. Abon een eet ci akat gɔl. Abon een eet ci aga waragɛ o Joowo juruŋ, ma anim kedemezek ɔl.

1 TIMOZI 3:4

Abon een eet ci abal kɔrɔk onin juruŋ, ma azii dɔlya oginɛ nɔɔnɔ juruŋ.

1 TIMOZI 3:8

Abon zin buk ɔl o atirit bor o Joowo een ɔl ci amɔra ɔl nɔɔgɔ bonate uneeŋ, ma abon alɛɛm niigi tup. Alaŋ abon ŋaati awodi niigi nyaan ɔrɔɔt, ma alaŋ buk abon ŋaati anyayi niigi zinzeeti appinzɛt ci arokzetu.

1 TIMOZI 5:1

Má agernyei eet ci adikir ŋaatun, bar abon iloti nɔɔnɔ ŋoliinta kiyo baatune o. Imicit ki lɔgɔz o ŋaan iŋaaz kiyo gotonogu o.

TITOS 1:13

Mazin zɔɔz nici didi ɛlɛɛmnyai. Zin giye nico abon iloti niina nɔɔgɔ ɔrɔɔt ka coma adɔi tuwɛn uneeŋ.

TITOS 1:8

Bar abon niini een eet ci akat gɔl, ma arɛɛz ŋaati agɔɔni kaal ci abon. Ma een niini eet ci azooni ɛlɛ, ma agɔɔn kaal ci ɛɛl tɔp, ma akɔm ririny zinize cino, ma abon niini ziniz kaale dook.

TITOS 2:7

Zin buk niina alye unun maany abon kaala o agoon dook eegin kaal ci abon ka kizi yabziinok ci ayayiz ɔl ogɛn. Arek ziniz demziin. Dɛmɛz ɔl juruŋ.

VILIMON 1:9

Bar zin alaŋ karooŋ kutugu nɔkɔ, olla bar kajinin naana ineet reezinta ka tugu gi nico inoko. Naana Pɔl inoko kanyata, ma bodo kacabje giye ci akati Yesu Kiristo.

1 PITƆR 1:13

Abon zin anyeku niiga baabanok ugooc keeltek gɔl o Joowo. Iziti vililɛ. Anycek zinzeeti kereec dɛtɛn o ka kiiya kanyozeyuŋ igeet iitene ci abadaan Yesu Kiristo e.

1 PITƆR 4:7

Izi zin inoko looc dican ajɔn. Egenyit zin! Agamit eleeti! Iziti vililɛ ŋaryiinta!

1 PITƆR 5:8

Egenyit zin! Ebeyit eleeti juruŋ, eeci Loryen ween miroi unooŋ aruur azɔp looc kiyo maa o arɔɔŋ eet o adak o.

2 PITƆR 1:6

Abon buk agamnyu eleeti kaale o gɛr. Buk abon anyaku zinzeeti laliz piryakzɛta. Utuguz buk kaal o atalna Jooi.