TITOS 1:9 - Murle

⁹ Abon agam niini ɔrɔɔt kaviyak o Joowo een didi baal edemezozek nɔɔnɔ e, ka kinim niini kedemezek buk ɔl oogi demziinok ceen didi noko ka keyeliza niigi baciinok ci ɔl o abor demziin nico.

TITOS 1:9 ပူးပေါင်းရင်းမြစ်များ

1 KORINTIYA 14:24

Bar mazi azoozu niiga zoozok o Joowo kiziiktɛ, ma aku ɛɛti calaŋ atuwe ka kiiya kiziik zoozok nicoko, ayelzak koca zoozowa nici nɔɔnɔ oŋɛ ogin, ma apak katin Jooi nɔɔnɔ kaale o azii niini dook.

1 TƐSALONIKA 5:21

Ataŋaamtek zoozok o aduwa ɔl dook juruŋ, ka uzuuti zoozowe nicoko ci abon ŋaatineeŋ.

2 TƐSALONIKA 2:15

Odoyit zin dɔl o yaai tuwento. Agamit kaal ween didi baal kademzekuŋ naaga igeet e kibeen baal kaduwakuŋ igeet waragenyaye baal gɔɔn kayeedekuŋ e.

1 TIMOZI 1:15

Alɛɛm zin didi zɔɔz o azi nɛ, Akunak Yesu Kiristo looc ka kiiya korogoz ɔl o oŋenu. Ma zɔɔz nici zɔɔz ceen didi, ma abon kazooni, eeci naana alya kabaca oŋɛ kujuk ɔl dook.

1 TIMOZI 1:19

Abon buk azoonɛ tuwɛn unun been ziniz vooritin juruŋ. Tugu tup nɔkɔ kaal ci abon, eeci ɔl ogɛnɛ otoborit baabaninɛt o abon, ma bar aŋɛra gerzitin, makacin uulalit tuwɛn uneeŋ kizi gɛrzɛ.

1 TIMOZI 4:9

Nici zɔɔz ceen didi. Abon agam juruŋ, ma abon atu.

1 TIMOZI 6:3

Ma anyak eet ci adɛmɛz ɔl demziin ci aŋɔrɔwɔ kibeen zɔɔz o Manyi onai Yesu Kiristo een didi kibeen demziin o tuwɛn ona, koca niini eet ci olla adɔŋ ɛlɛ gaga, ma akɔm niini gi ci aga kina. Ma ɛɛti ci abil nɔkɔ anyak niini ziniz ci gɛr arɔɔŋi daŋɔn kibeen yɔwɔn. Ma kaalyana nici anyaa madkɔn, ki ŋɛrɔn, ki kanɔn vɔlɔŋa, been baabaninɛt ci gɛr anyekɛ ɔl gɔnɔgi oogi kiziti gɛrzɛtɛ.

2 TIMOZI 1:13

Mɛda zin zooti zɔɔz ween didi baal kademzekin e tuwɛnta been reezonte o kanyak naaga giye o koromtozɛkɛ Yesu Kiristo.

2 TIMOZI 2:2

Gam zɔɔz o Joowo baal gɔɔn aziiŋnan niina aneet kuuwawei kɔlɛ e. Demezek buk zoozok nicoko ɔl o aga niina iimi nɔɔgɔ zinzeeti, ma anyak tuwɛn juruŋ, ka buk niigi gɔɔn kɔɔt kedemeztek zoozok nicoko gɔnɔgi oogi.

2 TIMOZI 2:25

Abon atibez ŋaati iloti niini ɔl o amarnin gɔl o Joowo. Karabɔŋ iima anyek Jooi nɔɔgɔ gɔl ci abadi mony oŋene ugeec, ma aga zɔɔz ween didi,

2 TIMOZI 3:14

Bar zin niina mɛdak demziin ween didi baal edemezu, ma utuwu juruŋ e, eeci aga niina ɔl baal ademezin ineet e awɔ zɔɔz uneeŋ tɔp.

2 TIMOZI 4:3

Eeci katin aku iiteni calaŋ aziiŋni ɔl demziin ween didi, ma bar ano niigi kaal o arɔɔŋ nɔɔgɔ zinzeeti ugeec. Ma aŋɛra niigi ɔl ci meel ŋaatineeŋ ka kedemeztek nɔɔgɔ demziin ci aganɔ ki kaal o arɛɛz niigi.

TITOS 1:11

Abon zin abilnɛ niina nɔɔgɔ demziinte cineeŋ voloŋo noko, eeci uulal niigi tuwɛn ci ɔl oogi tatoknyaye ci meelik gole ci adɛmzi niigi demziin ci waan alaŋ aganɔ ŋaati adɛmzi noko. Adɛmɛz niigi kaal ceen alyaan noko olla ka kojoktai guruc.

TITOS 2:1

Abon zin niina ademzei ɔl demziin ci aganɔ been gɔl o Joowo een didi.

JUD Waragɛ o Ayɛɛt Jud 1:3

Laŋotigan o kareezuŋ, iiten baale kabaaban ɔrɔɔt karooŋ keteyeedeyuŋ zɔɔz ci akati tuwɛn onai kazɔl naaga dook. Bar zin inoko kabaaban abon kayeedekuŋ igeet zɔɔz ci kilotuŋ, ka ooritnɔŋ ooryɔi tuwɛn ween didi baal anyek Jooi ɔl ogin lak codoi ṯɔr nɔkɔ e.

WUNOZYAK 2:25

Olla zin abon azuunu gɔl ci abon noko zɛɛ ma kabada katin.

WUNOZYAK 3:11

Izi zin ŋinti ka kiiyai naana ajɔn. Uzuuti zin niiga bonat cunooŋ o nɔkɔ ka calaŋ arigiz ɛɛti oman kondɛnɛn ugooc.

WUNOZYAK 3:3

Abon azoonu kaal baal ojoktawu, ma agawutu laadun e juruŋ. Eteedɔi kaal o gɛr agoonu, Mã alaŋ ateedinu, kakunakuŋ koca boyoŋyoŋ igeet kiyo gɔɔn agoryaiti ween aamnyoi o calaŋ agawanu iiten ci kakunɛ.