MATIYU 25:10 - Murle

¹⁰ Odokonyit ni didi dɔlya ci ona tarbal noko ka kɔɔt kataala maaltanɛ. Mazi avɔ niigi mɛlɛgɛnyai, urum ɛɛti o rociinto e looc. Iiya ni orkorit niini kibeen dɔl ween tur agɛny e ɔɔtɔ ceeze o tiŋkawiinto, ma anyook karogi.

MATIYU 25:10 ပူးပေါင်းရင်းမြစ်များ

ƐƐNYCAN O LOOCU 7:16

Agooni kaala nici dook ebaal aduwakɛ Jooi Nowa e. Onyoogek ni Jooi nɔɔgɔ kavool eecitɔ.

MATIYU 24:42

Egenyit zin! Otomta eleeti juruŋ, eeci alaŋ agawanu iiten ci kakunɛ naana Manyi.

MATIYU 24:43

Abon agayu gi ce. Inoko gɔɔn kizi gi ci agawa ɛɛti iiten ci ka kiiyakɛ agoryaiti ceez onin, acinɛ koca calaŋ ɔɔŋ ka calaŋ anyek agoryai waŋi ci aku agorzin.

MATIYU 24:44

Abon zin buk niiga eelnu nɔkɔ. Iziti vililɛ tup, eeci kakun naana tiŋeere Ŋɛɛrti Eeto iitene calaŋ agawanu.”

MATIYU 25:6

Ma baalin kɛŋa ɛgɛrɛny ɛɛti oman azi nɛ, “Eet o rociinto e ce. Ivita urumtek gɔl.”

MATIYU 7:21

Alaŋ ɔl dook o awuyan aneet azi nɛ, Manyi, Manyi, aridonek katin baliin o Joowo. Avɔ ŋinaante ɔl o gɔɔn agɔɔn kaal o arooŋek baaba o aavi tammu tadena nɔɔgɔ kutuguzɔ doon.

LUKA 12:35

Iziti vililɛ tup giye ci tɛ olla akunakuŋ igeet. Uburucek rumanɛ. Acapta tɔɔlit akatek katalanyit. Eelit kiyo gabara o arɛ alaan uneeŋ ka kabada keronnya o, ka ma aku niini, ma atɛrɛn karogi, akolek niigi nɔɔnɔ karogi enico ɛlɛ o.

LUKA 13:25

Eeci tiŋeere iŋaaz ɛɛti o ceezu, ma anyook ceez. Mazi avu aruku niiga karogi, ma aneku nɔɔnɔ nɛ, Manyi, koleyet da ceez, bar abedekuŋ niini igeet anekuŋ nɛ, Alaŋ kagayuŋ. Ma niiga eeginu ɔl ci avunu ŋaaḏaŋ?

KOLOSIYA 1:12

Nyamɛr buk anycek niiga Jook ween baatinai zany talniinta giye o anyuŋ niini igeet oromtozek ɔl ogin dook ka ozolit niiga kibeen nɔɔgɔ kaal o itaŋek Jooi ɔl ogin baliinte onin atobɔ ki vooritin.

2 TIMOZI 4:8

Inoko zin kaga naana areyan Jooi aneet vɔyit cigan tammu tadena giye o kabonanɛ naana ŋume onin. Aruwekan tiŋeere Manyi o apak kaal juruŋ vɔyit cigan o iitene ci payiinto e. Alaŋ zin bar niini akɔ anyan vɔyit aneeta doon, bar buk anyek ɔl dook o arɛ kuni onin reezinta.

1 PITƆR 1:13

Abon zin anyeku niiga baabanok ugooc keeltek gɔl o Joowo. Iziti vililɛ. Anycek zinzeeti kereec dɛtɛn o ka kiiya kanyozeyuŋ igeet iitene ci abadaan Yesu Kiristo e.

WUNOZYAK 1:7

Iziiktɔ di! Aku katin niini diizwani. Kicinit ɔl dook kurum buk ɔl baal akat nɔɔnɔ dilawa e. Ma aluwek katin ɔl ci loocu noko dook nɔɔnɔ. Nici zɔɔz ceen didi. Nɔɔnɔ nɛɛn.

WUNOZYAK 19:7

Kataltɔ zin naaga! Katanaaz titinyɔn onin, eeci iiya iiteni o ka kitiŋkawɔi Nyɔɔn. Aje nyatarani oninɛ iyiŋyiŋan buk ɛlɛ awace ogin.

WUNOZYAK 22:20

Ma Yesu o ayelzaket ageet kaal ween didi azi nɛ, “Didilɛ, ŋaan kakun kataman.” Nɔɔnɔ nɛɛn. Ija zin Manyi Yesu.