MATIYU 21:17 - Murle

¹⁷ Enico ɔtɔɔ Yesu otoŋek nɔɔgɔ looc ook kuture o kazi Bezani, ma akɔ ɔɔŋ baalin codoi ŋinaante.

MATIYU 21:17 ပူးပေါင်းရင်းမြစ်များ

MATIYU 16:4

Mazin ɔl ci arɔɔŋ kicinit gi ci atɛɛt ɔl biye kiyo niiga noko gɛrzɛ ɔrɔɔt, ma akɔm nɔɔgɔ Jook. Alaŋ zin bodo kagoonekuŋ naana igeet gi oma ci ateeduŋ biye. Olla gi baal agoononek Jɔna e doon ci ka buk keyelozeyuŋ igeet.” Enico odotek Yesu nɔɔgɔ looc, ɔtɔɔ.

MATIYU 26:6

Ma iitene oman aavi Yesu ole o eet o kazi Saiman baal amɔɔr mɔɔriz o gidaŋ e Bezaniya.

MARKO 11:1

Mazi avɔ ajɔŋɔz niigi Jerusalɛm, ɔɔtɔ niigi rak biye o kazi Kiŋiroc ajɔŋɔz kuturyok o kazi Bezpeja ki Bezani. Ma itoon Yesu nuyak ram anek nɛ, “Ɔɔtɔ kuture ci kazi Bezpeja abil igeet ɔɔwa neke. Mazi avɔ arumnyu, ajowanu tedec jɔrɔn ci zigiro ci ŋaan laadun kotoodit ɔl acabje ŋinaante. Ɔɔkta ka anyaaktayaŋ ŋina.

MARKO 11:11

Ook ni Yesu Jerusalɛma, ma akɔ ceeze o Joowo, ma akɔ agɛlɛm niini kaal dook. Ma yomana imiirye niini ki nuyak ogin een amɔtɔ ram ɔɔt kuture o kazi Bezani.

MARKO 11:19

Ma yomana itiŋgazɔ Yesu kibeen nuyak otoŋit Jerusalɛm.

MARKO 14:3

Maje Yesu aavi kuture o kazi Bezani adake ole o Saiman baal anyak mɔɔriz o gidaŋ e. Mazi ŋaan adake nɔkɔ, iiyak nɔɔnɔ ŋaa oman anyaa ketezewoc ci anyak karacoc o kazi narat ci ataalyai guruce ci meelik ɔrɔɔt. Ma alip ŋaa nici ketezewoc inyaa, ma aḏuutɛkɛ niini Yesu karacoc nico ɔɔ.

MARKO 3:7

Ma avɔ Yesu kibeen nuyak ogin liile o kazi Galili. Ma ano kɔlɛ ci appe nɔɔnɔ. Maje ɔl nicigi avu looce o kazi Galili ki Judiya ki Jerusalɛm ki Idumiya ki Tayor ki Sidon kibeen baagite o liil o kazi Jordan. Avunak niigi dook Yesu o, eeci azii niigi kaal o agɔɔn niini.

LUKA 10:38

Mazi awɔ Yesu kibeen nuyak ogin, ɔɔtɔ zɛɛ ma gɔla idiirit kutur ci miliny abaayi ŋaa ci kazi Marta. Otowa ni Marta Yesu kiiyak kɔrɔk.

LUKA 19:29

Mazi akɔ ajɔŋɔz ŋino kazi Bezpeja kibeen Bezani biye o kazi Kiŋiroc, itoonun niini nuyak ram karaktɛ.

LUKA 24:50

Itiŋa ni Yesu Jerusalɛma arawɔi nɔɔgɔ ooyi ŋaati kazi Bezani. Ma ŋinaante ook odoŋun niini azɛɛn, ma amayuk nɔɔgɔ dook.

JƆN Kaviyak o Colai Ayɛɛt Jɔn 11:1

Ma enice anyak eet ci amɔɔr kazi zaar nɛ Lazaros. Abaak niini kuture o kazi Bɛtani, ma aromɛ niini ki ŋɔɔnɔgi ci kazi Meri been ci kazi Marta ŋinaante.

JƆN Kaviyak o Colai Ayɛɛt Jɔn 11:18

Maje kuturi ci kazi Bɛtani noko ajɔŋzɔ ki Jerusalɛm.