LUKA 8:25 - Murle

²⁵ Ma anek niini nuyak nɛ, “Tuwɛn cunooŋ o inoo?” Ma abiir nɔɔgɔ ooti tɛt, maje ŋaato anyak ŋoliin. Ma ajinɔ niigi maany anɔ nɛ, “Mayo eet taz nici? Meen nuun ŋɔɔt kibeen maam agernyek, ma azii nɔɔnɔ kajaŋantɛ tiv!”

LUKA 8:25 ပူးပေါင်းရင်းမြစ်များ

MATIYU 14:31

Ma itoonek Yesu nɔɔnɔ aziit, ma ɛɛla nɔɔnɔ enico ɛlɛ. Ma anek Yesu nɔɔnɔ nɛ, “Anyei niina tuwɛn ci miliny tɛr. Bodo anyi ziniz kizi ḏakḏak naa?”

MATIYU 17:20

Ma abɛdɛkɛ Yesu nɔɔgɔ anek nɛ, “Alaŋ niiga animnyu aarta moorizok ki miniŋ ɔla o, eeci alaŋ anyaku tuwɛn. Didilɛ kaduwakuŋ igeet, inoko tɛ nuun anyayit olla tuwɛn ci miliny tɛr ceen ki keberec ci laŋiracoco, koca ma aneku bɛ nico nɛ, Piya ɛlɛ ŋina! Bitɔ bil bodo ŋaate! Aziiŋnuŋ koca, ma apiya ɛlɛ ŋina, ma akɔ ŋaati ona aduwaku niiga nɔɔnɔ o. Ma akɔm waan gi ci akɔmnekuŋ igeet been nɛɛn.”

MATIYU 6:30

Mazi alinatan Jooi koroboli o gɔɔn alina waanico, ma bodo tiŋeere araaba kɔr o, alaŋ agayu Jooi anyuŋ buk igeet rumanɛ? Anyaku didi tɛ niiga tuwɛn ci miliny ɔrɔɔt giye ci iinonu kaal noko.

MATIYU 8:10

Mazi azii Yesu gi nico, ibiir nɔɔnɔ ɔɔ ɔrɔɔt ɛlɛ, ma anek ɔl ona ano nɔɔnɔ e nɛ, “Didilɛ kaduwakuŋ igeet, ŋaan baal rɛɛn ŋaan kicin ole o Israyil dook eet ci atuyan ɔrɔɔt kiyo ɛɛti nici noko!

MATIYU 8:26

Ma anek Yesu nɔɔgɔ nɛ, “Naa? Abarinu naa? Anyaku dim tuwɛn ci miliny tɛr nɔkɔn?” Itiŋa ni niini jena, ma agernyek ŋɔɔt ki maam kajaŋantɛ. Ma ajaŋani didi tiv enico ɛlɛ.

MARKO 4:35

Ma iitene nice ɛlɛ yomana enek Yesu nuyak ogin nɛ, “Abon di kavɔ liil baagita.”

LUKA 12:28

Jook zin nɛɛn o alinatan koroboli o too o aduŋna waanico, ma tiŋeere bar araabjai, ma atoozi gooya. Inoko zin ma alinatan Jooi nɔɔgɔ nɔkɔ o, ma zin bar koca igeet o eeginu titinyɛ ujukit koroboli, alaŋ amalikuŋ niini igeet rumanɛn buk? Kidic zin igeet tuwɛn ɔrɔɔt.

LUKA 8:24

Ɔɔtɔ ni nuyawa ŋaati Yesu, ma avɔ iiŋka anek nɛ, “Manyi, Manyi, tiŋa je! Iiyayet daayizi!” Ma iŋaaz Yesu jena, ma agernyek ŋɔɔt kibeen maam o apalpalani e kitivantɛ. Ma ajaŋani didi tiv.

LUKA 8:26

Enice ɔɔtɔ Yesu kibeen nuyak ogin zɛɛ ma avɔ arum looc ci ajɔŋɔzɔ ki kutur o kazi Garazin o avɛnɔ ki Galili liil baagita.

JƆN Kaviyak o Colai Ayɛɛt Jɔn 11:40

Ma anek Yesu Marta nɛ, “Kuduwayin uyen keneyin nɛ, Mã atuyan aneet, acin tedec diŋdiŋɔn o Joowo.”