LUKA 8:1 - Murle

¹ Ma bodo iinyaye ogɛn ook ɔzɔp Yesu kuturyok o adikir kibeen o miliny buk, uuwak kaviyak o baliin o Joowo. Ɔrkɔr niini kibeen nuyak ogin een amɔtɔ ram.

LUKA 8:1 ပူးပေါင်းရင်းမြစ်များ

MATIYU 11:1

Mazi akɔ odotiz Yesu ŋaati aduwakɛ nuyak ogin een amɔtɔ ram lotinok nicoko, otoŋ niini ŋinite ɔɔtɔ ook ɛdɛmɛz ɔl kuturyowe o ajɔŋzɔ ki ŋinite.

MATIYU 13:19

Ma ɔl o azii kaviyak o akati baliin o Joowo, ma bar alaŋ aga kɛŋ cin, atobɔ niigi ki gɔl kɛŋ o iinak ḏowo. Ma aku Loryen, ma avɛra zɔɔz o aḏowɛ zinzeetine ugeec.

MATIYU 4:23

Ma azɔp Yesu Galili dook adɛmɛz ɔl ceezine o ɔl o Juz lotento, ma uuwak kaviyak o abon akati baliin o Joowo, ma arogoz niini ɔl ci olla ajowa moorizowe ci meelik keŋti gɛr.

MATIYU 9:35

Ma azɔp Yesu kuturyok o looc nice dook adɛmɛz ɔl ceezine o Juz lotento, ma uuwak kaviyak o baliin o Joowo abon. Ma arogoz ɔl moorizok keŋti dook.

MARKO 1:39

Ɔɔtɔ ni niini, ma akɔ ɔzɔp looc o Galili dook. Uuwak ceezine o lotento, ma atɔɔk miniŋ o Loryento ole ci meelik ŋinaante.

LUKA 1:80

Maje dole iroktai juruŋ kɔdɔk kak Vɔŋize o Joowo. Mazi akɔ adikir, itiŋa ook balala, ma akɔ abaak ŋinaante zɛɛ been iiten baal aku akanan liŋliŋɔn onin ole o Israyil e.

LUKA 20:1

Ma iitene oman ademzek Yesu ɔl kaviyak o Joowo abon ceeze o Joowo. Ivitak ni nɔɔnɔ alaata o ceez o Joowo, ki ɔl o demziinto, been ɔl o adikir baayizo.

LUKA 4:18

“Aavi Vɔŋizi o Joowo ŋaatan, eeci ɛŋɛrawan niini aneet ka kuduwak ɔl o amaat zɔɔz o abon. Itoonanan niini aneet ka kiiya kuduwak ɔl o acabje gɔl o ka kɔɔgjai niigi, ka buk kɔkɔl ɔl o ruben kɛbɛrɛ, ka kiiya koboroc ɔl o agide kɔtɔɔzɔ labak, ka kiiya kuduwak ɔl irkit o ka korogozi Jooi ɔl ogin.”

LUKA 9:6

Ɔtɔɔzɔ ni nuyawa, ma avɔ azɔp kuturyok ci meelik aduwak ɔl kaviyak o Joowo abon, ma buk arogoz ɔl ci amɔɔr vitɛnane niceke dook.

TOONNYAK 10:38

Agayu niiga anyek Jooi Yesu o Nazarɛt dɔyiz been Vɔŋiz onin. Iziiktu niiga buk nɔɔnɔ azɔp loocok dook aliŋliŋ kaal ci abon, ma arogoz ɔl dook o agit Loryenti. Agɔɔn niini nɔkɔ o, eeci aromɛ Jooi ki nɔɔnɔ.

TOONNYAK 13:32

Inoko zin naaga buk ŋina kanyaakuŋ igeet kaviyak o abon. Zin gi baal aterkedek Jooi jijitigaac e utuguwe ŋaatinai ageet o keegin dɔl ci dɔl ugeecik gole o iŋaani Yesu daayiza. Kiyo ayeedi waragewe o beniinowu zooc ram azi nɛ, “Een niina ŋɛɛran. Waanico kayelei naana ɔl gi o kɛɛnɛ naana baatun.”

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 10:15

Ka zin yo buk ɔl kɔɔt kuduktak gɔnɔgi oogi kaviyak o Yesu ku, mã ŋaan akɔm eet ci itoon nɔɔgɔ? Kiyo azi waragɛ o Joowo nɛ, “Amadi ɔrɔɔt kuni ci ɔl o anyaa kaviyak o Joowo abon.”