LUKA 5:15 - Murle

¹⁵ Bar enico adala kaviyawa o Yesu ŋinite dook ɔrɔɔt, ma avunak ɔl ci meel nɔɔnɔ ka kivita kiziiyit zoozok ogin, ka buk korogoztɛ niigi moorizowe ugeec.

LUKA 5:15 ပူးပေါင်းရင်းမြစ်များ

MATIYU 9:26

Ma adiica awaŋi ci gi ci agɔɔn niini noko looc nice dook.

MATIYU 9:31

Bar mazi awɔ niigi, ɔɔt uduktak ɔl kutura dook zɔɔz ci ona agɔɔn Yesu o.

MARKO 1:28

Taman nɔkɔ iziiyit ɔl gi ci agɔɔn Yesu noko looce o Galili dook.

MARKO 1:45

Bar mazi akɔ niini ɔlɔ, ook enek ɔl ci meelik nɛ, “Yesu nɛɛn o anyan aneet kizi maya.” Ma giye nico alaŋaan Yesu ayelzak ɔl ɛlɛ kuturyowɛ. Bar aavu niini balala ka kɔɔt ɔl o avu kuturyowɛ dook ŋaatin ŋinaante.

MARKO 3:7

Ma avɔ Yesu kibeen nuyak ogin liile o kazi Galili. Ma ano kɔlɛ ci appe nɔɔnɔ. Maje ɔl nicigi avu looce o kazi Galili ki Judiya ki Jerusalɛm ki Idumiya ki Tayor ki Sidon kibeen baagite o liil o kazi Jordan. Avunak niigi dook Yesu o, eeci azii niigi kaal o agɔɔn niini.

LUKA 12:1

Ma enice ɛlɛ olotak kɔlɛ ci meel gɛr Yesu kook zɛɛ ma ajukɔ. Ma arayek Yesu nuyak ogin gi ci anek nɛ, “Edeya eleeti ole o Parici, eeci gɔɔn niigi alaba ɔl giye o anyekɛ eleeti kizi ɔl ci abon, maje ŋaato gɛrzɛ.

LUKA 14:25

Ma iitene oman ɔrkɔr kɔlɛ ci appe kibeen Yesu. Ma gɔla ubuude niini, ma anek nɔɔgɔ nɛ, “Mã alam eet ci arɔɔŋ konowan aneet, abon ooŋ niini baatin, ki yaatin, ki ŋaa onin, ki dɔl ogin, ki dɔl o yaatin dook. Ma abon buk areyek nɔɔnɔ ɛlɛ oninɛ maany.

JƆN Kaviyak o Colai Ayɛɛt Jɔn 6:2

Ma ano kɔlɛ ci appe nɔɔnɔ, eeci icinit niigi kaal o atɛɛt ɔl biye baal agɔɔn niini arogzi ɔl o amɔɔr e.

1 TIMOZI 5:25

Mazin buk gole ci abil nɔkɔ liŋliŋonowa o abon ayelzai kagaye. Yo nuun anyak calaŋ ayelzai juruŋ, akɔ ni zɛɛ ayelzai kagaye buk.