LUKA 3:1 - Murle

^1-2 Ma iinyaye niceke anyek Jooi Jɔn ween ŋɛɛrti Zakeriya kook kuduwak ɔl zɔɔz onin balala. Maje waanice irkitowa ci abali alaani o Rom kazi Tibiriyas looc nice dook izi amɔnki tur. Buk enice ɛlɛ Pantas Pailat alaan ci looc o kazi Judiya. Maje Erod alaan ci looc o kazi Galili. Maje gɔtɔnnya o kazi Pilip alaan ci ŋino kazi Itoriya kibeen ŋino kazi Tirakonitis. Maje Lisanas alaan ci abal ŋino kazi Ebilin. Maje Anas kibeen Kayavas niigi alaat ci adikir ceeze o Joowo Jerusalɛma.

LUKA 3:1 ပူးပေါင်းရင်းမြစ်များ

ƐƐNYCAN O LOOCU 49:10

Anyei katin niina kɛɛt ci alaazetu nɔkɔ, ma agam katin dɔlya ci dɔl cugun alaazɛt nɔkɔ zɛɛ ma aku ɛɛti ween alaan adiŋdiŋ ɔrɔɔt, ma anyak alaazɛt dook. Katin modɛna o loocok dook atitiny nɔɔnɔ, ma azɔɔz gi cin doon.

MATIYU 14:1

Ma iinyaye niceke iziik alaani o kazi Erod baal abal looc o kazi Galili e kaal ci agɔɔn Yesu o.

MATIYU 14:3

Azi Erod nɔkɔ o, eeci baale agam niini Jɔn, ma acap sijina giye ci akati Erodiyas ween ŋaa o gɔtɔni o kazi Pilip.

MATIYU 14:6

Mazi akɔ aada Erod iiten onin baal aritan e, otowa ɔl ci meelik ka kivita kimicit ole cin o. Orogom ni tinati Erodiyas ɔl ŋuma zɛɛ makacin ɛtɛɛdɛ Erod ziniz ɔrɔɔt ɛlɛ.

MATIYU 22:17

Duwayet zin di. Inoko ŋaatun aganɔ ŋaati karuwɛkɛ meeri alaan o Rom, yo akɔm da?”

MATIYU 27:2

Acabit ni niigi nɔɔnɔ azɛɛn, ma avɔyi alaane ween Romen kazi Pailat.

MARKO 6:17

Azi Erod nɔkɔ o, eeci baale anyek niini takirnya kagamit Jɔn, ma arek sijin. Agɔɔn niini gi nico o, eeci waanice aama niini Pilip ween gɔtɔni ŋaa onin kazi Erodiyas.

MARKO 6:21

Ma vurta ojowa Erodiyas gɔl ci ka kurui Jɔn, eeci iitene oman awa Erod alaat o akumawo, ki alaat o takirnyawu, been ɔl o Galili een arɔk ka kivita kadayit kɔnyit ci aadanɛ niini iiten onin baal aritan e.

LUKA 13:31

Ma iitene nice ɛlɛ ivitak ɔl ogɛnɛ ole o Parici Yesu, ma avu anek nɛ, “Tɔ ŋina. Bitɔ ŋaaman, eeci arɔɔŋ Erod kuruyin daak.”

LUKA 2:1

Ma iinyaye niceke itoon alaani o Rom adikir kazi Agostos molok kook ole o loocok ogin dook ka keteyeede ɔl o abaak loocowe o abal niini dook zaara.

LUKA 3:19

Ma iinyaye niceke aama alaani o kazi Erod gɔtɔni ŋaa cin kazi Erodiyas. Ma buk waanice agɔɔn niini kaal ci gɛr meel. Ɔbɔrak ni Jɔn Erod kaal o gɛr agɔɔn niini dook kibeen buk gi ci aamanɛ niini gɔtɔni ŋaa o. Enico acabun Erod Jɔn, ma azaac bodo niini gerzitin onin giye ci acabi nɔɔnɔ o.

LUKA 9:7

Mazi akɔ azii Erod ween alaan o Galili kaviyak o kaal o agɔɔn Yesu, abaraŋɛ nɔɔnɔ ɔɔ ɔrɔɔt ɛlɛ, eeci azi ɔl nɛ, “Nicini Jɔn baal oony ɔl e nɛɛn itiŋa bodo daayiza.”

TOONNYAK 23:26

“Aneeta Kaladiyas Lisiyas kitoonekin waragɛ nico ineet Vilek o adiŋdiŋ abal looc. Rak ɔɔwa kazaayin.

TOONNYAK 24:27

Mazi akɔ adicai irkitowa ceen ram, ook Vilek ŋaaman, ma aku arigiz nɔɔnɔ alaani ci kazi Porcas Vestas. Maje Vilek waanice alaŋ arɔɔŋ koboroc Pɔl sijina, eeci arɔɔŋ niini ɔl o Juz ka kereezit nɔɔnɔ.

TOONNYAK 26:30

Itiŋgazɔ ni alaani o kazi Vestas ki alaan ci kazi Agiripa o ki ŋaa onin kazi Bernis been ɔl o ɔrkɔr ki nɔɔnɔ dook jena.

TOONNYAK 4:27

Zin inoko didi gi baal aduyai e ibilun tɔ. Didi alaani o kazi Erod kibeen alaan o kazi Pantas Pailat oromtɛ kuture nico kibeen modɛn koogi kibeen buk ɔl o Israyil, ma amarnin niigi Yesu ween gabaren unun abon baal arɔnyai kizi Kiristo e.