LUKA 23:5 - Murle

⁵ Mazi azi Pailat nɔkɔ, egerenyit niigi, bar ɛbɛɛktɛ ɔrɔɔt ɛlɛ azi nɛ, “Eet nico gɔɔn arumuz ɔl dook Judiya ŋina kɔɔyɔktɔ demziinte onin. Akana iiten baale laadun Galiliya zɛɛ makacin inoko iiya urumet ageet ŋina.”

LUKA 23:5 ပူးပေါင်းရင်းမြစ်များ

MATIYU 11:1

Mazi akɔ odotiz Yesu ŋaati aduwakɛ nuyak ogin een amɔtɔ ram lotinok nicoko, otoŋ niini ŋinite ɔɔtɔ ook ɛdɛmɛz ɔl kuturyowe o ajɔŋzɔ ki ŋinite.

MATIYU 2:1

Aritai zin waanice Yesu kuture o kazi Bɛzilɛm looce o kazi Judiya irkite o ɛɛnɛ Erod alaan. Ŋintimiliny nɔkɔ ivita ɔl ogɛnɛ ole o gɔɔn iiyez kaal monyonyɛ libire ci jenu o ivitak Jerusalɛm.

MATIYU 27:24

Mazi akɔ acin Pailat ɔkɔma gɔl ci ɔɔganɛ Yesu, ma otoborit ɔl dook nɔŋ nɔkɔ, abaaban izi nɛ, karabɔŋ tedec agɔɔn ɔl gi ci gɛr, odoma ni maam otoony azɛɛn nɔɔgɔ ŋuma, ma anek nɔɔgɔ nɛ, “Akɔmnan aneet gi can daayize ci eet nico o. Gi cunooŋ doon nici. Alaŋ naana kawoyɛ tɔ.”

MATIYU 4:23

Ma azɔp Yesu Galili dook adɛmɛz ɔl ceezine o ɔl o Juz lotento, ma uuwak kaviyak o abon akati baliin o Joowo, ma arogoz niini ɔl ci olla ajowa moorizowe ci meelik keŋti gɛr.

MARKO 1:14

Mazi akɔ acap ɔl Jɔn, itiŋa Yesu ook Galiliya, ma akɔ uuwak kaviyak o Joowo ŋinaante.

LUKA 11:53

Mazi odotiz Yesu kaale nicoko, odomta ɔl o Parici kibeen ɔl o gɔɔn ademzek ɔl lotinok o Joowo otoŋomit nɔɔnɔ gɛrzɛ. Ma ajin niigi nɔɔnɔ kaal ci meel gɛr, eeci arɔɔŋ niigi kalabta nɔɔnɔ ka mã aduwa zɔɔz ci gɛr ka kojokta gɔl ci agami.

LUKA 23:23

Bar enico egerenyit niigi ɔrɔɔt ɛlɛ kujuk we azi nɛ, “Tɔdɔ nɔɔnɔ talakeca!” Nɔkɔ zɛɛ makacin apawun Pailat Yesu eci arɔɔŋi niigi o.

LUKA 23:6

Mazi azii Pailat gi nico, ijinun ɔl enek nɛ, “Ma dim ɛɛti nici eet ci Galili?”

JƆN Kaviyak o Colai Ayɛɛt Jɔn 1:43

Ma iitene co ook Yesu looce o kazi Galili. Ma gɔla urumtɔ kibeen eet ci kazi Pilip. Maje Pilip laadun eet ci kutur o kazi Bezediya. Buk Andoru kibeen Pitɔr abaak kuture nice. Ma anek Yesu nɔɔnɔ nɛ, “Nowawan.”

JƆN Kaviyak o Colai Ayɛɛt Jɔn 19:15

Ma agerenyek niigi Pailat anek nɛ, “Ruk kadaak! Ruk kadaak! Tɔdɔ nɔɔnɔ keete ween talakec?” Ma ajin Pailat nɔɔgɔ anek nɛ, “Arooŋnyaŋ dim aneet kɔtɔdɔ alaan cunooŋ adikir o keete ween talakec?” Ma abɛdɛkɛ alaata o ceez o Joowo nɔɔnɔ anek nɛ, “Kanyaka naaga alaan o Rom adikir doon. Alaŋ een ɛɛti nici alaan cinaaŋ adikir?”

JƆN Kaviyak o Colai Ayɛɛt Jɔn 2:11

Nicini zin gi o atɛɛt ɔl biyɛ agɔɔn Yesu ɔɔwa kuture o kazi Kana looce o kazi Galili nɛɛn, ma ayelzai waanice titinyɔni oninɛ. Makacin utuweec nuyawa oginɛ nɔɔnɔ.

JƆN Kaviyak o Colai Ayɛɛt Jɔn 7:41

Maje ɔl ogɛn anɔ nɛ, “Niini ri Kiristo gi.” Bar bodo ogɛn azi nɛ, “Alaŋ Kiristo ka kiiya Galiliya.

JƆN Kaviyak o Colai Ayɛɛt Jɔn 7:52

Ma abɛdɛkɛ niigi nɔɔnɔ anek nɛ, “Awaaŋ! Een buk niina eet ci Galili? Kɛɛp zin di waragɛ o Joowo ka ga akɔm laadun nyakaŋan ci ka kiiya Galiliya.”

TOONNYAK 10:37

Agayu niiga zɔɔz nica akanai looce o kazi Galili vurte o uduwakɛ Jɔn ɔl zɔɔz o Joowo ka kotoonycɔi e.

TOONNYAK 23:10

Ma adaŋɔ niigi ɔrɔɔt ɛlɛ, makacin anyawun alaani o takirnyawu ŋoliin, ma abaaban azi nɛ, Bar bɔŋ tedec aŋuuk ɔl Pɔl zɛɛ makacin uruyit kadaak. Zin giye nico iricanek niini takirnya ogin ka kɔɔt ɔla eecitɔ ka kɔɔt kaarya niigi Pɔl ŋaatineeŋ kooti nɔɔnɔ ŋaa uneeŋ abaayi.

TOONNYAK 5:33

Mazi azii ɔl o roonnyo gi nico, otoborit nɔŋ ɔrɔɔt, ma arɔɔŋ niigi ka kuruyit toonnyak kadaayitɔ.

TOONNYAK 7:54

Mazi azii ɔl o roonnyo zɔɔz ci Istivɛn noko, otoborit niigi nɔŋ ɔrɔɔt, ma adak azɛɛn bornɛt nɔŋa.

TOONNYAK 7:57

Enico egerenyit ɔl o roonnyo ɔrɔɔt, ma adiit iin ugeec. Ma aŋozonek niigi dook nɔɔnɔ.