LUKA 21:8 - Murle

⁸ Ma abɛdɛkɛ Yesu nɔɔgɔ anek nɛ, “Iziti vililɛ! Má anyeku ɔl koogi kalabtawuŋ. Eeci iima avu ɔl ci meel zaare cigan, ma avu anekuŋ nɛ, Aneeta Kiristo nɛɛn ce. Inoko iiya iiteni. Bar zin niiga má aziiŋnu zɔɔz cineeŋ o been nɛɛn.

LUKA 21:8 ပူးပေါင်းရင်းမြစ်များ

MATIYU 24:11

Zin tiŋeere iinyaye niceke avu nyakaŋanɛta ci voloŋo meelik, ma avu alaba ɔl ci meel.

MATIYU 3:2

Agɛrɛny niini iinya dook anek ɔl nɛ, “Otoŋit baciinok ugooc gɛr agoonu, eeci baliin o Joowo izi ajɔn.”

MATIYU 4:17

Ma iitene nice akata Yesu uuwayi onin anek ɔl nɛ, “Otoŋit baciinok ugooc, eeci baliin o Joowo izi ajɔn.”

LUKA 17:23

Anyak katin ɔl ci anekuŋ nɛ, “Icinit di ŋinte! Aavi niini ŋinaante,” karabɔŋ azi nɛ, “Icinit di ŋinto! Aavi ŋina.” Bar zin eteedɔ zɔɔ. Má avɔ anuyu nɔɔgɔ been nɛɛn.

LUKA 21:7

Ijinit ni nuyawa Yesu enektek nɛ, “Alaan o demziinto, ma dim kaala nicigi akanai tiŋa? Ma katin ma izi iiteni nica ajɔn, kagaya ku?”

LUKA 21:9

Mazi iziiktu oroonok kibeen looc yawyawitin, má rak aŋolinu looc gaga, eeci kaala nici ŋɛdɛt rak akanai ɔɔwa nɔkɔ, bar zin looc dican alaŋ ɔrkɔra ki kaal nicoko ecodoi nɔkɔ.”

JƆN Kaviyak o Colai Ayɛɛt Jɔn 5:43

Naana kakun alaazete o baaba, ma ŋaan agamtawaŋ. Bar mã anyak eet oma ci aku alaazete cin doon, agamanu niiga nɔɔnɔ.

JƆN Kaviyak o Colai Ayɛɛt Jɔn 8:24

Gi zin ci ona kanekuŋ nɛ, Adaaŋnu waanma niiga iŋaan anyaku oŋɛ o nɛɛn. Zin didi niiga waanma adaaŋnu iŋaan anyaku oŋɛ noko mã alaŋ atuyaŋ niiga aneet o keen aneet.”

JƆN Kaviyak o Colai Ayɛɛt Jɔn 8:28

Enek ni Yesu nɔɔgɔ nɛ, “Tiŋeere ma odoŋtu niiga Ŋɛɛrti Eeto keete ween talakec, ŋaan agayaŋu keen naana aneet nɛɛn. Zin enice ŋaan agayu akɔm naana gi ci kagoon dɔyize can doon, bar kaduwa zɔɔz o ayelzakan aneet baaba.

1 KORINTIYA 6:9

Ŋɛdɛt agayu niiga nɔkɔ ɔl o agɔɔn kaal o gɛr alaŋ arum baliin o Joowo. Má alabanu zin eleeti. Ɔl o alaŋ arum baliin o Joowo nɛɛn o agɔɔn waaŋ, ki ɔl o adiŋdiŋan joowanɛ o adilyai, ki ɔl o adoma zoocmazit, ki ɔl o mac anyek eleeti kiziti ŋaai, ki ɔl o agɔrzɛ, ki ɔl o appintik zinzeeti kaale culu, ki ɔl o abaaki, ki ɔl o akat gɔnɔgi vɔlɔŋa, been ɔl o adayi gɔnɔgi looc.

EVESOS 5:6

Má anyeku eet oma kalabawuŋ zoozowe calaŋ een didi akati kaal nicoko, eeci kaala nicigi anyek bornɛt nɔŋ o Joowo kiiyak ɔl o alaŋ azooni zɔɔz onin.

2 TƐSALONIKA 2:3

Má anyeku zin eet oma kalabawuŋ igeet, eeci iiteni o Manyi alaŋ rak aku zɛɛ ma akɔ akanai gerzitin o adikir aborni ɔl Jook, ma ayelzai ɛɛti o oŋecu adikir o apawozek nɔɔnɔ goo laadun. Kuduwayuŋ rak baale igeet kaal nicoko iiten baal ŋaan karomɛn been igeet e. Inoko ŋɛdɛt gerzitin abil tɔ, bar zin alaŋ rak ayelzai ɔrɔɔt zɛɛ ma anyeki ɛɛti o alam gerzitin nico. Mazi ooŋna tiŋeere niini nɔɔnɔ, ŋaan zin katin ayelzai niini kagaac ɔl dook. Ma aku amarnin niini Jook ɔrɔɔt. Ma anyek Loryenti katin nɔɔnɔ dɔyiz ci appe ɔrɔɔt ka kutuguwi niini kaal ci atɛɛt ɔl biye. Ma adiŋdiŋan niini ɛlɛ kujuk Jook, ma arɔɔŋ niini ɔl dook kidiŋdiŋanit nɔɔnɔ doon. Ma tiŋeere akɔ niini ceez o Joowo adikir, ma akɔ azi nɛ, “Aneeta Jook nɛɛn.” Ma alaba tiŋeere niini ɔl o abor ŋaati atuwi kaviyak o Joowo. Alaŋaan zin enice ɛɛla Jooi nɔɔgɔ, bar apayek tiŋeere niini nɔɔgɔ goo o abil been nɛɛn giye o arɛɛzi niigi kaal o gɛr ademzek nɔɔgɔ ɛɛti o oŋecu. Aku zin tiŋeere Manyi diŋdiŋonte onin, ma aku uulal nɔɔnɔ kook many zooze ci olla aduwak niini nɔɔnɔ otoga doon.

2 TIMOZI 3:13

Maje ɔl o gɛrzɛ kibeen ɔl o gɔɔn alaba gɔnɔgi, tiŋeere amɛna azaaci gerzitin cineeŋ o ɔrɔɔt. Ma alaba niigi ɔl oogi, ma bodo buk alabjai niigi alya.

1 JƆN 4:1

Laŋotigan o kareezuŋ, má olla agamanu zoozok ci ɔl dook, bar abon gɔɔn rak niiga aŋaamneku zɔɔz ci eeto juruŋ, karabɔŋ zɔɔz cinɛ o aku Joowa didi. Eeci ɔl ci meelik uuwak vɔlɔŋ azaantozek vitɛn nicoko dook.

2 JƆN 1:7

Iziiyit di gima ce. Anyak ɔl ci meel uuwak vɔlɔŋ ci alaban ɔl, ma inoko azaantozek niigi looc nico dook. Azi niigi nɛ, “Alaŋ Yesu Kiristo baale aku alye ci eet ci deer.” Ma ɛɛti ci abil nɔkɔ eet ween labjoi, ma amarnin Kiristo nɛɛn.

WUNOZYAK 1:3

Amayuwi zin ɛɛti ci akɛɛp zoozok nicoko, ma amayuwi buk ɛɛti ci azii zoozok nicoko, ma azooni ziniza juruŋ. Eeci eelit iinya ci tɔny ka kiitazɔ kaala nici.

WUNOZYAK 12:9

Ujukcak ni kutali ci appe noko been toonnyak ogin tɔdɔ. Ma kutali nici kutal o kazi zaar nɛ Loryen nɛɛn. Nɔɔnɔ ɛlɛ nɛɛn ween kowat baal alaba looc dook e.