LUKA 11:51 - Murle

⁵¹ Akanai biyete o Abel zɛɛ been biye o Zakeriya baal amony ɔl nɔɔnɔ ceeza tɔ ŋaao aŋɛrɔn ŋino taabinto been ŋino Joowo alile e. Didilɛ kaduwakuŋ igeet, akeebonek ɔl ci ɔɔ nico noko biyeta ci ɔl nicoko dook.

LUKA 11:51 ပူးပေါင်းရင်းမြစ်များ

ƐƐNYCAN O LOOCU 4:2

Bodo vurta otoyai niini logote o kazi Abel. Mazi avɔ adikir lɔgɔz, izi Abel eet ci abal ɛɛza, aje Ken izi niini eet ci keevinto.

MATIYU 23:35

Zin giye nico iinakuŋ tiŋeere igeet biyeta ci ɔl abon baal amony ɔl gaga nɔkɔ e dook igeet. Akanai biyete o Abel zɛɛ been biye o Zakeriya ween ŋɛɛrti Biraca baal amonyu ŋaao aŋɛrɔn ceez o Joowo been ŋino taabinto e.

IBIRO 11:4

Baale tuwɛn nɛɛn baal anyek eet o kazi Abel kataap Jook todoyoite ci abon kujuk taabinɛt o gɔtɔni o kazi Ken e. Ma anyek waanice Abel Jook katalɔ, eeci atu niini nɔɔnɔ. Izi ni Jooi nɛ, Niini eet ci abon. Ayelzeket zin Jooi ageet gi o atalnin niini ŋaati Abel giye o agaman niini taabinɛt onin. Mayo nuun adaak baale Abel e, ŋaan ademezet tuwɛn oninɛ ageet nɔkɔ.

1 JƆN 3:12

Alaŋ abon ŋaati kɛɛlni naaga kiyo baale ɛɛti o kazi Ken baal aavi libire o Loryento, makacin omony gɔtɔni onin niini maany e. Ma da Ken amony gɔtɔni naa? Amony niini gɔtɔni o, eeci gidaŋ nɔɔnɔ ziniz giye baal agɔɔni niini kaal ci gɛr, ma abor Jooi dizkɛn onin. Maje waanice gɔtɔnnya agɔɔn kaal ci abon, ma agama Jooi dizkɛn onin.