JƆN Kaviyak o Colai Ayɛɛt Jɔn 9:39 - Murle

³⁹ Ma azi Yesu nɛ, “Kakunai naana looc nico o ka kanyaa payiin ka kanyek ɔl o ruben kicintɔ, maje o acinɛ ka kiziti rubenɛ.”

JƆN Kaviyak o Colai Ayɛɛt Jɔn 9:39 ပူးပေါင်းရင်းမြစ်များ

MATIYU 11:5

Enektek nɔɔnɔ nɛ, Ɔl o ruben icintɔ. Ɔl o ŋɔɔlik ɔtɔɔzɔ tɔp. Ɔl o anyak moorizok o gidaŋ orogoztɛ. Ɔl o adiiti iina iziiktɔ. Ɔl o adaai itiŋgazɔ daayiza korogit bodo. Maje kaviyawa o Joowo abon uuwawonek ɔl o amaat.

MATIYU 15:14

Má areku zin niiga nɔɔgɔ zinzeeti gaga. Niigi olla alaat ci ruben. Gɔɔn laadun mã ayit ɛɛti ci ruben gɔn ci buk ruben, iinak koca niigi dook look.”

MATIYU 6:23

Bar mazi gɛrzɛ kɛbɛrɛ cugune o, aavi buk ɛlɛ cune o dook muura, ma muuri nici gɛrzɛ ɔrɔɔt ɛlɛ.

LUKA 1:79

Ma anyaak tiŋeere niini vooritin ɔl dook o aavtiz muura daayiza. Ma amadet tiŋeere niini ageet kɔtɔɔz tɔp gole ci ganonto.”

LUKA 13:30

Zin enice ɔl o inoko araki amiiri kiziti vurut. Maje ɔl o inoko eegin vurut, bar araki kiziti ɔɔ.”

LUKA 2:34

Ma amayuk Simiyan nɔɔgɔ, ma anek niini Meri nɛ, “Aŋɛra Jooi dole nico o ka kɔdɔŋ ɔl o agama nɔɔnɔ, ma iinanɛ ɔl o abor nɔɔnɔ ole o Juz. Ayelza tiŋeere niini Jook, ma bar abor nɔɔnɔ ɔl ci meel tiŋeere.

LUKA 4:18

“Aavi Vɔŋizi o Joowo ŋaatan, eeci ɛŋɛrawan niini aneet ka kuduwak ɔl o amaat zɔɔz o abon. Itoonanan niini aneet ka kiiya kuduwak ɔl o acabje gɔl o ka kɔɔgjai niigi, ka buk kɔkɔl ɔl o ruben kɛbɛrɛ, ka kiiya koboroc ɔl o agide kɔtɔɔzɔ labak, ka kiiya kuduwak ɔl irkit o ka korogozi Jooi ɔl ogin.”

LUKA 7:21

Maje ŋaati ona azɔɔzɔnɛ niigi ki Yesu noko, arogoz Yesu ɔl ci meel amɔɔr moorizok keŋti dook, kibeen ɔl ci anyak miniŋ o Loryento, ma akɔl ɔl ci ruben meelik kɛbɛrɛ kicintɔ.

JƆN Kaviyak o Colai Ayɛɛt Jɔn 12:31

Inoko zin izi iiten ci ka kapawozɛkɛ looc gerzitin nɛɛn nici. Ka zin buk alaani o looc nico kɔtɔɔyɛ kook many.

JƆN Kaviyak o Colai Ayɛɛt Jɔn 12:46

Kakun zin naana ka kizi vooritin ci loocu, ka mã anyak eet ci atuyan aneet ka calaŋ bodo niini aavi muura.

JƆN Kaviyak o Colai Ayɛɛt Jɔn 3:17

Ma Jooi alaŋ itoonak ŋɛɛrin looc ka kiiya kapayek looc gerzitin, bar ka korogoz looc.

JƆN Kaviyak o Colai Ayɛɛt Jɔn 3:19

Apayek zin Jooi looc gerzitin o, eeci iiyak vooritin looc, maje bar ɔl arɛɛz muur kujuk vooritin, eeci agɔɔn niigi kaal ci gɛr.

JƆN Kaviyak o Colai Ayɛɛt Jɔn 8:12

Ma azoozek Yesu ɔl bodo anek nɛ, “Keen naana vooritin ci loocu. Mã anuyan ɛɛti aneet, anyak niini vooritin o rogeto, ma alaŋ bodo niini awɔ muura.”

JƆN Kaviyak o Colai Ayɛɛt Jɔn 8:15

Apaku niiga zoozok gole o eet o deer, maje naana akɔm eet ci kapaye gi ci gɛr.

JƆN Kaviyak o Colai Ayɛɛt Jɔn 9:25

Ma abɛdɛkɛ niini nɔɔgɔ anek nɛ, “Alaŋ zin naana kaga mã een niini eet ci oŋecu karabɔŋ alaŋ anyak oŋec. Olla naana kaga gi codoi. Baale keen ruben, ma inoko kicinɔ.”

TOONNYAK 26:18

Karooŋnyin ineet ka bitɔ kɔl kɛbɛrɛ ugeec, ka badai nɔɔgɔ muura kivitak vooritin, ka badai nɔɔgɔ dɔyize o Loryento ka kivitak Jook, ka zin kaaryai oŋɛ ugeec tuwente o atuyan niigi aneet, ka kojokta buk niigi ŋintineeŋ ole o aŋɛra Jooi.

2 KORINTIYA 2:16

Ma kaviyawa o Kiristo akati daayiz ole o katin uulali, bar bodo een rogɛt ole o katin arogi. Ŋɛnɛɛn zin ci anim kuuwak kaviyak ci adɔi kak noko? Akɔm eet ci anim.

EVESOS 5:14

Eeci vooritin anyek kaal dook kɛdɛnyai. Gi zin nɛɛn o anɛ zɔɔz oman nɛ, “Niina o ooŋ, tiŋa je daayiza ka kataraanin Kiristo ineet.”

1 PITƆR 2:9

Bar zin niiga izitu bor ci ɛŋɛrawuŋ Jooi, ma eeginu gabara ci Joowo taabinto. Ma eeginu ɔl cigin abon. Aŋerawuŋ niini igeet ka uduktak ɔl dook liŋliŋɔn onin atɛɛt ɔl biye. Utuwawuŋ niini igeet muura ka ivitak vooritin onin adikir ɔrɔɔt.

1 JƆN 2:11

Maje ɛɛti ci amarnin gɔtɔni, aavi niini muura. Awɔ niini muura, ma alaŋ aga ŋinti iim o, eeci anyek muuri nɔɔnɔ kizi ruben.