JƆN Kaviyak o Colai Ayɛɛt Jɔn 8:25 - Murle

²⁵ Ma ajin niigi nɔɔnɔ anek nɛ, “Ma niina ineet ŋɛnɛɛn?” Ma abɛdɛkɛ Yesu nɔɔgɔ anek nɛ, “Gi nɛɛn ona kuduwayuŋ rak uyen ɔɔwa e.

JƆN Kaviyak o Colai Ayɛɛt Jɔn 8:25 ပူးပေါင်းရင်းမြစ်များ

LUKA 22:67

Ma ajin niigi nɔɔnɔ anek nɛ, “Duwayet di, ma dim niina een Kiristo nɛɛn?” Ma abɛdɛkɛ Yesu nɔɔgɔ anek nɛ, “Mayo nuun inoko kaduwakuŋ, alaŋ atuyaŋ been nɛɛn.

JƆN Kaviyak o Colai Ayɛɛt Jɔn 1:19

Ceeni zin bacokzɛt o Jɔn iitene baal itoonakɛ ɔl o Juz Jerusalɛma nɔɔnɔ alaat o ceez o Joowo been ɔl o kazi Livai ka kɔɔt kijinit niigi nɔɔnɔ kenektek nɛ, “Ma dim ineet ŋɛnɛɛn?”

JƆN Kaviyak o Colai Ayɛɛt Jɔn 1:22

Ma vurta enektek niigi nɔɔnɔ nɛ, “Ineet zin ŋɛnɛɛn? Duwayet ka kɔɔt kuduktaya naaga ɔl ci ona itoonanet o zɔɔz ci akanin ineet.”

JƆN Kaviyak o Colai Ayɛɛt Jɔn 10:24

Ma avu aliya ɔl o Juz nɔɔnɔ, ma ajin anek nɛ, “Ma dim ka kereyowa been inin? Mã een didi niina Kiristo nɛɛn, duwayet juruŋ.”

JƆN Kaviyak o Colai Ayɛɛt Jɔn 19:9

Ma bodo amiironek ceez, ma akɔ ajin Yesu anek nɛ, “Ma dim laadun niina akun ŋaaḏaŋ?” Maje Yesu ajaki, ma ŋaan kabarzek nɔɔnɔ.

JƆN Kaviyak o Colai Ayɛɛt Jɔn 8:12

Ma azoozek Yesu ɔl bodo anek nɛ, “Keen naana vooritin ci loocu. Mã anuyan ɛɛti aneet, anyak niini vooritin o rogeto, ma alaŋ bodo niini awɔ muura.”

JƆN Kaviyak o Colai Ayɛɛt Jɔn 8:24

Gi zin ci ona kanekuŋ nɛ, Adaaŋnu waanma niiga iŋaan anyaku oŋɛ o nɛɛn. Zin didi niiga waanma adaaŋnu iŋaan anyaku oŋɛ noko mã alaŋ atuyaŋ niiga aneet o keen aneet.”

JƆN Kaviyak o Colai Ayɛɛt Jɔn 8:26

Kanyei zoozok ci meel karooŋ kuduwayuŋ, ma kapayekuŋ igeet. Ma ɛɛti o itoonanan aneet alaŋ niini avɔlɔŋ. Zin olla naana kaduwai ɔl o loocu kaal o kaziiŋna ŋaatin.”