JƆN Kaviyak o Colai Ayɛɛt Jɔn 4:3 - Murle

³ Mazi akɔ azii Yesu zɔɔz nico, otoŋ Judiya, ma abadaak Galili.

JƆN Kaviyak o Colai Ayɛɛt Jɔn 4:3 ပူးပေါင်းရင်းမြစ်များ

MATIYU 10:23

Mã agiduŋ ɔl kuture oman, ɔɔtɔ bodo kuture ce. Didilɛ kaduwakuŋ igeet, alaŋ azobju kuturyok ci ɔl ci Israyil noko dook zɛɛ ma adicanu ŋaati uuwayeku nɔɔgɔ zɔɔz o Joowo, maŋaan naana Ŋɛɛrti Eeto kiiya.

MARKO 3:7

Ma avɔ Yesu kibeen nuyak ogin liile o kazi Galili. Ma ano kɔlɛ ci appe nɔɔnɔ. Maje ɔl nicigi avu looce o kazi Galili ki Judiya ki Jerusalɛm ki Idumiya ki Tayor ki Sidon kibeen baagite o liil o kazi Jordan. Avunak niigi dook Yesu o, eeci azii niigi kaal o agɔɔn niini.

LUKA 17:11

Mazi ŋaan awɔ Yesu gɔla akɔ Jerusalɛma nɔkɔ, ook ono niini vitɛn ci aŋɛr looc o kazi Samariya kibeen looc o kazi Galili.

JƆN Kaviyak o Colai Ayɛɛt Jɔn 1:43

Ma iitene co ook Yesu looce o kazi Galili. Ma gɔla urumtɔ kibeen eet ci kazi Pilip. Maje Pilip laadun eet ci kutur o kazi Bezediya. Buk Andoru kibeen Pitɔr abaak kuture nice. Ma anek Yesu nɔɔnɔ nɛ, “Nowawan.”

JƆN Kaviyak o Colai Ayɛɛt Jɔn 10:40

Imiire ni Yesu bodo abaayiz liil o kazi Jordan, ma akɔ ŋaabaal oonyi Jɔn ɔl e, ma akɔ amɔn ŋinaante.

JƆN Kaviyak o Colai Ayɛɛt Jɔn 11:54

Ma giye nico enice alaŋaan Yesu awɔ keyeleza ɛlɛ Judiya, bar itiŋa niini ook kuture o kazi Iviram ajɔŋɔz balal, ma akɔ amɔn niini kibeen nuyak ogin ŋinaante.

JƆN Kaviyak o Colai Ayɛɛt Jɔn 2:11

Nicini zin gi o atɛɛt ɔl biyɛ agɔɔn Yesu ɔɔwa kuture o kazi Kana looce o kazi Galili nɛɛn, ma ayelzai waanice titinyɔni oninɛ. Makacin utuweec nuyawa oginɛ nɔɔnɔ.

JƆN Kaviyak o Colai Ayɛɛt Jɔn 3:22

Ma vurta itiŋgaza Yesu kibeen nuyak ogin, ɔɔtɔ looce o kazi Judiya. Ma avɔ amɔn ŋinaante, ma oony ɔl.

JƆN Kaviyak o Colai Ayɛɛt Jɔn 3:32

Eeci aduwa niini kaal o icinun kibeen kaal o iziiwun tamma, ma bar akɔm eet ci agama zɔɔz cin o.

JƆN Kaviyak o Colai Ayɛɛt Jɔn 4:47

Mazi akɔ azii alaani nici Yesu, itiŋawa Judiya, iiyak Galili. Iiyak niini nɔɔnɔ, ma ilalek nɔɔnɔ kook Kapernama ka kook korogoz ŋɛɛrin o arɔɔŋ kadaak ŋinaante.

JƆN Kaviyak o Colai Ayɛɛt Jɔn 7:1

Ma vurte nice otono Yesu Galili doon. Alaŋaan arɔɔŋ kɛɛrɔn kook Judiya, eeci alaata o Juz arɔɔŋ kuruyit nɔɔnɔ ŋinaante.