JƆN Kaviyak o Colai Ayɛɛt Jɔn 21:17 - Murle

¹⁷ Bodo ni anek Yesu Saiman Pitɔr eceen lak iiyu o nɛ, “Saiman ŋɛɛrti Jɔn, inoko dim niina areezan didi?” Enico itiranyun Pitɔr ziniz, eeci ijinun Yesu nɔɔnɔ zɛɛ been lak iiyu. Enek ni niini Yesu nɛ, “Manyi, aga kaal dook niina, ma aga kareezin naana ineet didi o nɔkɔ.” Enek ni bodo Yesu nɔɔnɔ nɛ, “Zooti zin aza cigan noko juruŋ.

JƆN Kaviyak o Colai Ayɛɛt Jɔn 21:17 ပူးပေါင်းရင်းမြစ်များ

MATIYU 25:40

Kabɛdɛkɛ zin tiŋeere naana alaani nɔɔgɔ kanei nɛ, “Didilɛ kaduwakuŋ igeet, ma kaal o gɔɔn abon agooneku niiga gɔtɔnɔga cigan cɛlbɛz noko, bar agoonekaŋ niiga aneeta.”

MARKO 14:72

Taman nɔkɔ ɔrɔk toloci bodo, ma aada Pitɔr zɔɔz baal aduwak Yesu nɔɔnɔ baal anek nɛ, “Adaŋnyan tiŋeere niina aneet lak iiyu iŋaan kɔrɔk toloci lak ram e.” Mazi aada niini zɔɔz nico, utulu ɔrɔɔt ɛlɛ.

JƆN Kaviyak o Colai Ayɛɛt Jɔn 12:8

Ma ɔl ci amaat o aromenu ki igeet ŋina iinya dook, maje naana alaŋaan bodo karomɛ ki igeet ŋina been nɛɛn.”

JƆN Kaviyak o Colai Ayɛɛt Jɔn 13:38

Ma abɛdɛkɛ Yesu nɔɔnɔ anek nɛ, “Inoko dim didi niina anim daak ŋaatan? Didilɛ kaduwakin ineet, adaŋnyan tija lak iiyu iŋaan toloci kɔrɔk.”

JƆN Kaviyak o Colai Ayɛɛt Jɔn 14:15

Mã areezaŋ niiga aneet, uzuuti lotinok ogan.

JƆN Kaviyak o Colai Ayɛɛt Jɔn 15:10

Mã azuunu lotinok cigan o, urukteyu koca zɔɔ looc reezinte onan didi kiyo kazoonɛ naana lotinok o baaba, ma buk karuwei zɔɔ looc reezinte onin o.

JƆN Kaviyak o Colai Ayɛɛt Jɔn 16:30

Inoko zin didi kagayin aga niina kaal dook. Akɔm zin bodo eet ci ka kijinin ineet gi ci ajinin. Mazin giye nico kutuyin naana iiya da didi niina Joowa.”

JƆN Kaviyak o Colai Ayɛɛt Jɔn 18:27

Bodo ni adaŋnyi Pitɔr azi nɛ, “Akɔm, alaŋ een aneet.” Enico orowun toloci.

JƆN Kaviyak o Colai Ayɛɛt Jɔn 18:4

Maje Yesu aga kaal ci ka kivita kutuguzozek nɔɔnɔ o nɔkɔ. Mazi avu arum niigi mana, iiyak Yesu nɔɔgɔ, ma anek nɛ, “Arooŋnyu dim ŋɛnɛɛn?”

JƆN Kaviyak o Colai Ayɛɛt Jɔn 21:18

Didilɛ kaduwakin ineet, baale gɔɔn maŋaan een logoz e, iŋaaz niina, ma acabei rum unun, ma akɔ ŋaati olla arooŋ tɛ niina biti. Bar zin tiŋeere ma izɛ matuwoc, acabjin ɛɛti oman ineet azɛɛn, ma akoyin ŋaati alaŋ arooŋ niina biti.”

JƆN Kaviyak o Colai Ayɛɛt Jɔn 4:16

Ma anek Yesu nɔɔnɔ nɛ, “Bitɔ towa eet unun ivita ŋina.”

TOONNYAK 1:24

Ma aŋaryɛ niigi azi nɛ, “Manyi, aga niina ɔl dook zinzeeti. Inoko yeleyet eet codoi ole ceen ram noko ci tɛ ɛŋɛra niina laadun ka kirigiz zɔɔ o Judaz, eeci Judaz baale otoŋet ageeta, ma ook gooye o abil been nɛɛn.”

TOONNYAK 11:10

Kazii zoozok nicoko lak iiyu. Ma vurta imiirozek rum nici tammu.

TOONNYAK 15:8

Ma Jooi o aga zinzeeti o ɔl dook eyelizayit gaman o agaman niini modɛn o utuweec nɔɔnɔ giye o anyekɛ niini nɔɔgɔ Vɔŋiz onin kiyo buk baale anyet ageet e.

2 KORINTIYA 1:12

Anyak zin gi codoi ce, ci gɔɔn kabolola naaga, ma kagaya naaga didi zinzeetine ogaacak gi nici een didi. Kabaaka gɔɔn naaga kibeen ɔl dook juruŋ zinzeetine ci abon eo arɔɔŋ Jooi ricik ɔrɔɔt ŋaatunooŋ. Kabaaka nɔkɔ o, eeci atiritet Jooi ageeta niini doon bonate onin, alaŋ een gɛnyize cinaaŋ.

EVESOS 4:30

Má anyeku Vɔŋiz o Joowo kakat culum, eeci niini een bayen o Joowo o aavi ŋaatunooŋ zɛɛ been iiten ci katin abadaan Yesu looc e. Nɔɔnɔ nɛɛn o ka keyeliza gi o eeginu niiga ɔl ci Joowo iitene ci katin aku ɛɛlanuŋ Yesu loota ŋina e.

1 PITƆR 1:6

Mazin kaale nicoko, mayo nuun anyak kaal ci meelik acinanuŋ igeet o, abon atalninu niiga labak.

2 PITƆR 3:1

Laŋotigan o kareezuŋ, inoko kayeedekuŋ bodo waragɛ nico ka kono gɔɔn baal rak kayeedekuŋ ɔɔwa e. Ma waragenyaye nicoko dook karooŋ kaadayuŋ igeet kaal baal agawutu laadun e ka kizi zinzeeti ugooc vɔɔrɛ.

WUNOZYAK 2:23

Buk tiŋeere karui nuyak kadaayitɔ, ka zin kagayan ɔl o tuwento dook aneet kaga naana kaal o abaaban niigi zinzeetine ugeec dook nɔkɔ. Ma ŋaan kacacai katin gɔɔn giten kaal o aganɔ kibeen liŋliŋɔn onin agɔɔn.

WUNOZYAK 3:19

Kagernyei zin gɔɔn naana ɔl o kareez dook ka kamadek nɔɔgɔ gɔl o abon. Anycek zin niiga zinzeeti ugooc korogit. Okolit kɛbɛrɛ ugooc juruŋ ka abadayaŋ niiga aneet.