JƆN Kaviyak o Colai Ayɛɛt Jɔn 20:31 - Murle

³¹ Ma zin kaal o ayeedi waragewe nico ayeedi o ka mã atuyu Yesu Kiristo ween ŋɛɛrti Joowo ka ojokta niiga rogɛt o abil been nɛɛn zaare ogin.

JƆN Kaviyak o Colai Ayɛɛt Jɔn 20:31 ပူးပေါင်းရင်းမြစ်များ

MATIYU 16:16

Ma abɛdɛkɛ Saiman Pitɔr nɔɔnɔ anek nɛ, “Een niina Kiristo ween ŋɛɛrti Jook o arogi been nɛɛn.”

MATIYU 27:54

Mazi acin alaani o takirnyawu kibeen takirnya ogin abɛk Yesu e looc mɔɔtiz kibeen kaal nicoko dook, otoŋole niigi looc ɔrɔɔt ɛlɛ, ma anɔ nɛ, “Didilɛ ɛɛti nici tɛ ŋɛɛrti Joowo gi.”

MATIYU 4:3

Iiyak ni Loryen nɔɔnɔ, ma aku anek nɛ, “Mã een didi ŋɛɛrti Joowo, towo di biyɛn nicoko kizi dayiin.”

MARKO 16:16

Mã ɛɛti ci atuwe, ma oonyi, arogi niini waanma. Maje ɛɛti calaŋ atuwe apawonek waanma nɔɔnɔ gerzitin.

LUKA 1:35

Ma abɛdɛkɛ toonnyaiti nɔɔnɔ anek nɛ, “Ŋaan akunakin Vɔŋize o Joowo. Buk dɔyizi o Joowo ŋaan aavi ŋaatun. Zin giye nico awɛ tiŋeere dole nici kizi ŋɛɛrti Joowo.

LUKA 1:4

Kagoon zin nɔkɔ o, ka ga niina gi ween didi baal edemezu laadun e juruŋ.

LUKA 24:47

Ma abon uuwaki kaviyawa o ka kabadi ɔl mony oŋene ugeec, ka kaara Jooi nɔɔgɔ oŋɛ ugeec zaare ogin, ka kakatai Jerusalɛma zɛɛ ma akɔ adala modɛn dook.

JƆN Kaviyak o Colai Ayɛɛt Jɔn 1:49

Ma abɛdɛkɛ Natanyɛl nɔɔnɔ anek nɛ, “Alaan o demziinto, een niina ŋɛɛrti Joowo. Ma een alaan o Israyil.”

JƆN Kaviyak o Colai Ayɛɛt Jɔn 10:10

Gɔɔn laadun agoryaiti akunak niini gorziin ki toŋdiin kibeen targanyitin. Zin bar naana kakun ka kiiya kanyek nɔɔgɔ rogɛt korogit juruŋ.

JƆN Kaviyak o Colai Ayɛɛt Jɔn 19:35

(Aneet zin Jɔn o kicina kaal nicoko nɛɛn ci kaduwa zɔɔz nico o, ka buk niiga utuyɔ. Ma kaal ci kaduwa naana o ɛɛl didi tɔ, ma kaga buk naana kaduwa kaal ci alɛɛmnyai.)

JƆN Kaviyak o Colai Ayɛɛt Jɔn 20:28

Ɛbɛdɛkɛ ni Tomaz nɔɔnɔ enek nɛ, “Een didi niina Manyi onan, ma een Jook onan.”

JƆN Kaviyak o Colai Ayɛɛt Jɔn 3:18

Ma zin ɛɛti ci atu ŋɛɛrti Joowo alaŋ bodo nɔɔnɔ apawonek gerzitin, maje eet calaŋ atu nɔɔnɔ apawozek nɔɔnɔ gerzitin odota, eeci alaŋ niini atu ŋɛɛrti Joowo o adoi ṯɔr nɔkɔ.

JƆN Kaviyak o Colai Ayɛɛt Jɔn 3:36

Ma ɛɛti ci atu ŋɛɛrin ajowa rogɛt o abil been nɛɛn. Maje bar ɛɛti calaŋ ŋɛɛrin agama, alaŋ rogɛt acin, bar bornɛt nɔŋ o Joowo aavi ŋaatin.”

JƆN Kaviyak o Colai Ayɛɛt Jɔn 5:24

Didilɛ kaduwakuŋ igeet, ma ɛɛti ci azii zɔɔz o kaduwa, ma atu Jook o itoonanan aneet, anyak niini rogɛt o abil been nɛɛn. Ma alaŋ tiŋeere nɔɔnɔ apawonek gerzitin, bar atayaŋun niini daayiz laadun ook rogɛta.

JƆN Kaviyak o Colai Ayɛɛt Jɔn 6:40

Arɔɔŋ ɛɛti o itoonanan aneet ɔl dook o acin ŋɛɛrin, ma atu nɔɔnɔ, kojokta rogɛt o abil been nɛɛn. Ŋaan zin kaŋaanɛ naana nɔɔgɔ iitene ci aṯornɛkɛ lɔɔci e.”

TOONNYAK 10:43

Baale nyakaŋanɛta dook ayɛɛt gi ci akati nɔɔnɔ azi nɛ, “Ma ɛɛti o atu nɔɔnɔ aaryai ŋaatin oŋɛ dɔyize o zaar ogin.”

TOONNYAK 3:16

Dɔyiz zin ci zaar ogin nɛɛn ci arogni ɛɛti ci ŋanyŋany baal agayu noko. Tuwɛn zin onaaŋ katuya naaga Yesu nɛɛn ci anyek eet nico kobona igeet dook kɛbɛrɛn noko.

TOONNYAK 8:36

Ma gɔla ojokta ŋinti anyak maam. Ma anek ɛɛti ceen Abacen noko Pilip nɛ, “Maam nici. Alaŋ uunyan naa?”

TOONNYAK 8:37

(Ma anek Pilip nɔɔnɔ nɛ, “Mã didi agama Yesu zinize unun dook, kuunyin koca.” Ma azi nɛ, “Didi kagama.”)

TOONNYAK 9:20

Ma gɔɔn akɔ niini ceezine o lotento, ma akɔ uuwak ŋinaante zɔɔz o akati Yesu anek ɔl nɛ, “Yesu niini ŋɛɛrti Joowo.”

1 PITƆR 1:9

Anyaku talniin o, eeci anyuŋ Jooi igeet rogɛt tuwente unooŋ.

1 JƆN 4:15

Mã azi ɛɛti nɛ, “Kaga naana Yesu niini ŋɛɛrti Joowo,” aavi koca Jooi ŋaatin, ma aavi buk niini ŋaaten Jook.

1 JƆN 5:1

Ma ɛɛti ci atu, ma aga Yesu niini Kiristo ween ŋɛɛrti Joowo, niini buk dole ci Joowo. Ma ɛɛti ci arɛɛz baati doleco, arɛɛz buk niini dole o eet nico.

1 JƆN 5:20

Kaga naaga ŋɛɛrti Joowo iiya, ma iiya anyet niini ageet gɛnyiz ci kagawi Jook ween didi, ma karomɛ naaga ki Jook ween didi kibeen ŋɛɛrin Yesu Kiristo. Nicini zin Jook ween didi nɛɛn, ma ɔl o atu nɔɔnɔ anyak rogɛt o abil been nɛɛn.

2 JƆN 1:9

Ma ɛɛti ci awɔyi gi ci ɔɔ cin doon, ma alaŋ aliŋliŋi demziin o Kiristo, alaŋ niini aavi ŋaaten Jook. Maje ɛɛti ci aavi demziinte o Kiristo, aavi niini ŋaaten baatina kibeen ŋɛɛrin.

WUNOZYAK 2:18

Nici zɔɔz ci aku ŋaaten aneet ŋɛɛrti Joowo o kanyei kɛbɛrɛ o alanyit kiyo goo o, ma ɛɛl zɔɔna ogane kiyo zurtɛnɛna o gɔɔn apucpucɛn ɔl zɛɛ ma azi pilpil o. Teyeedek zin zɔɔz nico toonnyai o ɔl o tuwento kuture o kazi Sayatara.