JƆN Kaviyak o Colai Ayɛɛt Jɔn 19:15 - Murle

¹⁵ Ma agerenyek niigi Pailat anek nɛ, “Ruk kadaak! Ruk kadaak! Tɔdɔ nɔɔnɔ keete ween talakec?” Ma ajin Pailat nɔɔgɔ anek nɛ, “Arooŋnyaŋ dim aneet kɔtɔdɔ alaan cunooŋ adikir o keete ween talakec?” Ma abɛdɛkɛ alaata o ceez o Joowo nɔɔnɔ anek nɛ, “Kanyaka naaga alaan o Rom adikir doon. Alaŋ een ɛɛti nici alaan cinaaŋ adikir?”

JƆN Kaviyak o Colai Ayɛɛt Jɔn 19:15 ပူးပေါင်းရင်းမြစ်များ

ƐƐNYCAN O LOOCU 49:10

Anyei katin niina kɛɛt ci alaazetu nɔkɔ, ma agam katin dɔlya ci dɔl cugun alaazɛt nɔkɔ zɛɛ ma aku ɛɛti ween alaan adiŋdiŋ ɔrɔɔt, ma anyak alaazɛt dook. Katin modɛna o loocok dook atitiny nɔɔnɔ, ma azɔɔz gi cin doon.

MATIYU 22:17

Duwayet zin di. Inoko ŋaatun aganɔ ŋaati karuwɛkɛ meeri alaan o Rom, yo akɔm da?”

LUKA 23:18

Mazi azii kɔlɛ zɔɔz ci Pailat noko, egerenyit niigi dook azi nɛ, “Ruwɔ eet nico kadaak, bar ɔɔgayet Barabas.”

JƆN Kaviyak o Colai Ayɛɛt Jɔn 18:31

Ma anek Pailat nɔɔgɔ nɛ, “Ooti zin nɔɔnɔ ka ɔɔt apayit niiga alya lotinowe o kɛɛranɛ ugooc.” Ma abɛdɛkɛ niigi nɔɔnɔ anek nɛ, “Alaŋ gɔɔn naaga kaganona ŋaati karuka ɔl kadaayitɔ.”

JƆN Kaviyak o Colai Ayɛɛt Jɔn 19:6

Mazi acin alaata o ceez o Joowo kibeen bɛkcok o ceez o Joowo Yesu, egerenyit izitɔ nɛ, “Otodeec nɔɔnɔ! Otodeec nɔɔnɔ keete ween talakec?” Ma anek Pailat nɔɔgɔ nɛ, “Ooti ka ɔɔt otodeec nɔɔnɔ niiga alya, eeci akɔm naana gi ci gɛr kajowa ŋaatin ka kapayɛkɛ nɔɔnɔ daayiz.”

TOONNYAK 13:28

Yo nuun waanice ma ɔkɔma gi ci ka kapaktɛkɛ niigi nɔɔnɔ daayiz e, alaac niigi alaan o kazi Pailat ka kuruk nɔɔnɔ kadaak.

TOONNYAK 21:36

Ma anowa ɔl dook nɔɔnɔ, ma agɛrɛny anɔ nɛ, “Uruyit kadaak. Uruyit kadaak.”

TOONNYAK 22:22

Ma azii ɔl Pɔl zɛɛ makacin uduwa zɔɔz ci akati modɛn. Zin bar enico egerenyit niigi ɔrɔɔt anɔ nɛ, “Uruyit kadaak. Uruyit kadaak. Alaŋ aganɔ niini ki rogɛt.”