JƆN Kaviyak o Colai Ayɛɛt Jɔn 14:6 - Murle

⁶ Ma abɛdɛkɛ Yesu Tomaz anek nɛ, “Aneeta nɛɛn o keen gɔl, ma keen didi, ma keen rogɛt. Akɔm eet ci akunak baaba calaŋ aduŋna niini ŋaaten aneet.

JƆN Kaviyak o Colai Ayɛɛt Jɔn 14:6 ပူးပေါင်းရင်းမြစ်များ

MATIYU 11:27

Mazi aṯornɛkɛ Yesu zooze nico, enek ɔl nɛ, “Anyan baaba onane kaal dook aneet. Akɔm zin eet oma ci agayan aneet ŋɛɛrin, bar agayan aneet baaba doon. Akɔm buk eet oma ci aga baaba, bar kaga nɔɔnɔ naana ŋɛɛrin doon, kibeen ɔl o karooŋ ka keyelizak baaba nɔɔgɔ.

JƆN Kaviyak o Colai Ayɛɛt Jɔn 1:14

Ma zɔɔz nici otowɛ izi eet ci deer, ma iiya abaak niini ŋaatinai. Anyak niini dɛtɛn ki bonat ci appe. Kicinta naaga alya diŋdiŋɔn onin baal anyonek nɔɔnɔ giye o ɛɛnɛ niini ŋɛɛrti Joowo o adoi ṯɔr nɔkɔ.

JƆN Kaviyak o Colai Ayɛɛt Jɔn 1:17

Anyaa baale Jooi lotinok ŋaaten Mosis, maje dɛtɛni kibeen zɔɔz ween didi ajoyai ŋaaten Yesu Kiristo.

JƆN Kaviyak o Colai Ayɛɛt Jɔn 1:4

Ma waanice zɔɔz nici rogɛt nɛɛn, ma rogɛti nici anyaak ɔl vooritin.

JƆN Kaviyak o Colai Ayɛɛt Jɔn 10:28

Kanyi naana nɔɔgɔ rogɛt o abil been nɛɛn, ma alaŋ bodo niigi adaai. Ma akɔm eet ci iraananan nɔɔgɔ aziite onan.

JƆN Kaviyak o Colai Ayɛɛt Jɔn 10:7

Ma bodo anek Yesu nɔɔgɔ nɛ, “Didilɛ kaduwakuŋ igeet, Keen naana araan o tɛɛny o azawu.

JƆN Kaviyak o Colai Ayɛɛt Jɔn 10:9

Keen zin naana araan, ma ɛɛti ci aku ŋaaten aneet ɛɛlyai. Ma aku niini tɛɛny, ma adun, ma ajowa ŋinti agɛwi.

JƆN Kaviyak o Colai Ayɛɛt Jɔn 14:19

Ŋintimiliny alaŋ bodo ɔl ci loocu noko acinan aneet, maje niiga ŋaan acinaŋ, eeci naana karogi, ma ŋaan buk tiŋeere niiga arognu.

JƆN Kaviyak o Colai Ayɛɛt Jɔn 15:1

Ma anek Yesu nuyak bodo nɛ, “Keen naana kɛɛt dikirɔn. Maje baaba niini eet o keetu nɛɛn.

JƆN Kaviyak o Colai Ayɛɛt Jɔn 18:37

Ma ajin Pailat bodo Yesu anek nɛ, “Een zin bɔŋ alaan ci adikir?” Ma abɛdɛkɛ Yesu nɔɔnɔ anek nɛ, “Didi zin. Abil kiyo aduwa niina o. Keen naana alaan. Karitai laadun, ma kakunai looc nico o ka kuuwak zɔɔz ween didi. Ma zin ɛɛti ci agama zɔɔz ween didi azii niini zɔɔz onan.”

JƆN Kaviyak o Colai Ayɛɛt Jɔn 5:21

Kiyo gɔɔn iŋaani Jooi ɔl daayiza, ma anyek bodo nɔɔgɔ korogit o, buk tiŋeere ŋɛɛrin agɔɔn nɔkɔ. Anyek rogɛt eet ci olla tɛ arɔɔŋ niini kanyek.

JƆN Kaviyak o Colai Ayɛɛt Jɔn 6:33

Eeci ḏokoc o anyuŋ Jooi nɛɛn o akunak looc tammu tadena ka kanyek looc rogɛt.”

JƆN Kaviyak o Colai Ayɛɛt Jɔn 6:51

Keen zin naana ḏokoc o rogeto o akunak looc tammu tadena nɛɛn. Ma ɛɛti ci adak ḏokoc nico, orok niini izi nɛɛn. Ma ḏokoc ci kanyi naana nɔɔnɔ o ɛlɛ onan kanyi looc ka kojoktai ɔl rogɛt nɛɛn.”

JƆN Kaviyak o Colai Ayɛɛt Jɔn 6:57

Zin baaba o itoonanan aneet nɛɛn o anyek rogɛt ɔl dook, ma anyan buk niini rogɛt aneet. Mazin buk gole nico kanyi naana rogɛt ɔl o adak ɛlɛ onan.

JƆN Kaviyak o Colai Ayɛɛt Jɔn 6:68

Ma abɛdɛkɛ Saiman Pitɔr nɔɔnɔ anek nɛ, “Manyi, ka koota ŋaati ŋɛnɛ? Rogɛt o abil been nɛɛn anyei niina.

JƆN Kaviyak o Colai Ayɛɛt Jɔn 8:32

Ŋaan zin agayu niiga zɔɔz ween didi, ma zɔɔz ween didi ŋaan ɔɔganuŋ igeet mirɔkzete o baciinowu.”

JƆN Kaviyak o Colai Ayɛɛt Jɔn 8:51

Didilɛ kaduwakuŋ igeet, mã azii ɛɛti zɔɔz can o, alaŋ niini adaai been nɛɛn.”

TOONNYAK 3:15

Ma aruku nɔɔnɔ kadaak eet o anyek ɔl rogɛt ween didi. Bar zin Jooi itiŋawi nɔɔnɔ daayiza, ma keegina naaga bacok giye nico.

TOONNYAK 4:12

Anyet zin rogzɛn niini doon. Akɔm bodo eet oma loota ŋina ci anyet Jooi ageet ka korogit zaare cigin.”

TOONNYAK 9:2

Ma akɔ ajin nɔɔnɔ ka kanyek waragɛnya ci itoononek alaat o ceezi o lotento kuture o kazi Damacik. Ma waragɛwi nici anyek nɔɔnɔ dɔyiz ci ka kook kagami ɔl o mac ki ŋaai o ano gɔl o Yesu ŋinaante, ka kanyaak nɔɔgɔ sijin Jerusalɛma.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 15:16

Kagoon nɔkɔ o, eeci ɛŋɛrawan Jooi aneet ka kuuwayek zɔɔz o Yesu Kiristo modɛn o alaŋ eegin Juz. Ma liŋliŋɔnti ci kaliŋliŋ naana o abil kiyo o alaan o gɔɔn anyek Jook taabinɛt o. Zin naana kuuwai kaviyak o Joowo abon o ka ɔl ween modɛn keelit kiyo todoyoiti o abon kataabi Jook, ma atalna niini o. Agama zin Jooi nɔɔgɔ o, eeci iziti niigi ɔl cigin dɔyize o Vɔŋiz onin.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 5:2

Ma Yesu Kiristo iiten baal kagaman naaga nɔɔnɔ e zɛɛ been inoko o anyet niini ageet kagaac dɛtɛn o aku Joowa. Katalnɛ zin naaga ɔrɔɔt ɛlɛ, eeci kaga tiŋeere kazɔl naaga kibeen nɔɔnɔ titinyɔn onin.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 5:21

Zin kiyo baale oŋɛci anyak dɔyiz ci anyaaki ɔl daayiz e, buk bonati o Joowo anyak dɔyiz ci anyekɛ ɔl kobonta ŋume onin, ma ajowa ɔl rogɛt o abil been nɛɛn ŋaaten Manyi onai Yesu Kiristo.

1 KORINTIYA 15:45

Azi waragɛwi o Joowo nɛ, “Baale ɔɔwa e ɛɛnyca Jooi eet o kazi Adam, ma anyek nɔɔnɔ rogɛt.” Mazin bar Adam o katin aku vurta, niini vɔŋiz o aku ka kiiya kanyek ɔl korogit.

EVESOS 2:18

Ŋaaten Kiristo naaga dook ɔl o Juz been ɔl o alaŋ een Juz kojokta gɔl ci kavunakɛ Jook ween baatinai zinzeetine ci adoye.

KOLOSIYA 2:17

Eeci kaala nicigi dook riritɔn ci kaal ci ka kivita, bar zin gi nici akati Yesu Kiristo ɛlɛ.

KOLOSIYA 2:9

Ma bonati o baayiz o Joowo dook ayelzai ŋaati Kiristo. Abitiz Jooi nɔɔnɔ bonata, ki gɛnyiza, been dɔyize onin dook.

KOLOSIYA 3:4

Kiristo nɛɛn o anyuŋ igeet rogɛt ween didi. Mazi katin ayelzai niini, ayelizyanu buk niiga, ma aromoneku nɔɔnɔ, ma azolu kibeen nɔɔnɔ titinyɔn onin.

IBIRO 7:25

Ma giye nico anyak niini dɔyiz ci arogzi ɔl o avunak Jook ŋaaten nɔɔnɔ nɔkɔ zɛɛ been nɛɛn, eeci niini alya arogi zɛɛ been nɛɛn. Ma ilalek niini Jook ŋaaten nɔɔgɔ.

IBIRO 9:8

Ma kaale nicoko ayelzeket ageet Vɔŋizi o Joowo gi ci iinyaye niceke ŋaan kɔkɔlɔi gɔl o ka kooti ɔl ceeze ween rum ŋaao kazi Ŋin o Alile Ɔrɔɔt eecitɔ.

1 PITƆR 1:21

Zin ŋaaten Yesu utuyu niiga Jook baal iŋaani nɔɔnɔ daayiza, ma anyek diŋdiŋɔn e. Makacin tuwɛn unooŋ been rewinɛt unooŋ ibila Joowa.

1 PITƆR 2:4

Ivitak zin niiga Manyi o rogeto. Nɔɔnɔ nɛɛn o atobɔ ki bɛ o titiny baal abor ɔl, ma anyek kizi gi ci labak e. Bar zin Jooi ɛŋɛra nɔɔnɔ, eeci niini titiny ɔrɔɔt ŋaatin.

1 PITƆR 3:18

Eeci Kiristo iiya ipira ŋaatunooŋ. Ma adaak niini lak codoi ṯɔr nɔkɔ oŋene ugooc. Niini eet ci abon, ma iiya adaak ŋaaten igeet ɔl o izitu niiga ɔl ci Joowo. Uruwe niini baale kadaak, ma bar bodo itiŋawi Jooi vɔŋiz onin daayiza.

1 JƆN 1:8

Mã kazi nɛ, “Akɔmnet ageet oŋɛ,” kalaba koca naaga eleeti ogaac maany, ma akɔmnet ageet leeminɛt.

1 JƆN 2:23

Eeci ɛɛti ci abor ŋɛɛrti Joowo, abor buk niini Jook. Maje ɛɛti ci agama ŋɛɛrti Joowo, agama buk niini Jook.

1 JƆN 5:20

Kaga naaga ŋɛɛrti Joowo iiya, ma iiya anyet niini ageet gɛnyiz ci kagawi Jook ween didi, ma karomɛ naaga ki Jook ween didi kibeen ŋɛɛrin Yesu Kiristo. Nicini zin Jook ween didi nɛɛn, ma ɔl o atu nɔɔnɔ anyak rogɛt o abil been nɛɛn.

1 JƆN 5:6

Ma Yesu Kiristo niini ŋɛɛrti Joowo didi. Ayelzai gi nici tonyente o maamu kibeen biyete o daayiz onin. Alaŋ ayelzai niini tonyenta doon, bar ayelzai niini tonyenta been biyɛtɛ. Vɔŋiz zin o Joowo nɛɛn ween bacoi onin. Niini Vɔŋiz o aduwa zɔɔz ween didi.

2 JƆN 1:9

Ma ɛɛti ci awɔyi gi ci ɔɔ cin doon, ma alaŋ aliŋliŋi demziin o Kiristo, alaŋ niini aavi ŋaaten Jook. Maje ɛɛti ci aavi demziinte o Kiristo, aavi niini ŋaaten baatina kibeen ŋɛɛrin.

WUNOZYAK 1:5

Amayukuŋ buk Yesu Kiristo ween bacoi o iimi. Niini abuu o arak daayiz been ŋaazi o aŋaanɛkɛ rogɛt o abil been nɛɛn. Ma een niini alaan o abal alaat o loocu dook. Nɔɔnɔ nɛɛn o areezet ageet, ma otoonyawet oŋɛ ogaac biyete ogin.

WUNOZYAK 19:11

Enico ɔkɔlɛ tammu taden, ma kacin ŋinaante eet ci atɔɔt jɔm ci vɔɔr. Ma eet nico kazi zaar nɛ Iimi Ziniz, ma kazi oogi nɛ Een Didi. Apak niini kaal roonnya keelit tɔp, ma ooryi niini oriin ci abon abil tɔp.

WUNOZYAK 20:15

Zin mã alaŋ ajoyai eet zaara ciginɛ waragewe ci rogeto noko, ajukonek niini goo nico.

WUNOZYAK 22:1

Eyeleyan ni toonnyaiti liil o maam o rogeto. Maama ciginɛ o liilimɛ kiyo gizazac o. Aduŋna liili nici lecere o alaazɛt o Joowo been Nyɔɔn.

WUNOZYAK 22:17

Ma azi Vɔŋizi o Joowo ki nyataran o Nyɔɔn o Joowo nɛ, “Ivita ka agamta zɔɔz nico.” Abon zin buk ɔl o azii zoozok nicoko azi nɛ, “Ivita.” Ma ɔl o aruk kɔr dook, abon avu ka kivita kowodit niigi maam o rogeto nɔkɔ calaŋ ataal.

WUNOZYAK 3:14

Nici zɔɔz o aku ŋaaten aneet o keen didi. Kazooz naana tup kaal ci ɛɛl tɔp. Keen naana bacoi ween didi, ma ɛɛnyca Jooi kaal dook ŋaaten aneet. Teyeedek zɔɔz co toonnyai o ɔl o tuwento kuture o kazi Ladosiya.

WUNOZYAK 3:7

Nici zɔɔz o aku ŋaaten aneet o kadiŋdiŋ, ma keen didi. Kanyei naana nyoogec o Devid ka kɔkɔli araan o baliin o Joowo. Zin mã kɔkɔla naana araan nico, akɔm bodo eet ci anyook. Mã kanyuugi, akɔm bodo eet ci ka kɔkɔl. Teyeedek zin zɔɔz co toonnyai o ɔl o tuwento kuture o kazi Viladɛlvia.