JƆN Kaviyak o Colai Ayɛɛt Jɔn 12:27 - Murle

²⁷ Inoko zin aneet awuci ziniz ɔrɔɔt. Kayo zin kizi nɛ? Kizi nɛ, Baaba, rogozan piryakzete nico? Akɔm, eeci nici gi baal laadun kakunɛ e nɛɛn.

JƆN Kaviyak o Colai Ayɛɛt Jɔn 12:27 ပူးပေါင်းရင်းမြစ်များ

MATIYU 11:25

Ma anyek Yesu Jook zany anek nɛ, “Baaba, Manyi o tammu tadenu ki tɔdɔ, katalnɛ naana ɔrɔɔt ŋaatun, eeci arɔɔdɛ zɔɔz unun een didi ɔl o gɔɔn abaaban niigi kizik bar agɛny, ma iiya eyeleyu ɔl o cɛlbɛz.

MATIYU 11:26

Nɔɔnɔ zin nɛɛn baaba. Agoon gi nico gole o arooŋ niina.”

MATIYU 26:42

Bodo ŋintimiliny nɔkɔ imiirozek Yesu ŋaryiin. Ma akɔ ajin Jook anek nɛ, “Baaba, mã alaŋ piryakzɛt ci ka kiiyayan noko aaryai, tugu eo arooŋ niina labak.”

MATIYU 26:45

Ma abadaak nuyak, ma aku anek nɛ, “Ŋaan dim ooginu nɔkɔ? Izi zin ziiti o ka kanyozekɛ naana Ŋɛɛrti Eeto ɔl o oŋenu ajɔn.

LUKA 22:44

Ma acirit nɔɔnɔ ziniz ɔrɔɔt ɛlɛ, ma abedonek ŋaryiin lak ci meel gɛr. Ma amolok kakat molowot tɔdɔ kiyo biyeta o.

LUKA 22:53

Baalyo karomɛ naana ki igeet ceeze ci Joowo noko tup nɔkɔ, ma ŋaan agamtaŋ. Inoko zin nici waŋi cunooŋ ajowanu niiga baliinte o Loryento.”

JƆN Kaviyak o Colai Ayɛɛt Jɔn 11:41

Mazi akɔ apiya niigi bɛ, ɔdɔŋ Yesu kɛbɛrɛ, ma acin tammu taden, ma azi nɛ, “Baaba, kanyin zany, eeci gɔɔn aziiŋnan niina aneet.

JƆN Kaviyak o Colai Ayɛɛt Jɔn 12:23

Ma abɛdɛkɛ Yesu nɔɔgɔ anek nɛ, “Iiya zin iiteni o ka kanyozozɛkɛ Ŋɛɛrti Eeto diŋdiŋɔni ci appe.

JƆN Kaviyak o Colai Ayɛɛt Jɔn 13:21

Mazi adotiz Yesu zooze nico, uwucun nɔɔnɔ ziniz ɔrɔɔt, ma abɔrak nuyak ogin gi ci anek nɛ, “Didilɛ kaduwakuŋ igeet, ataalinan tiŋeere ɛɛti codoi ŋaatunooŋ.”

JƆN Kaviyak o Colai Ayɛɛt Jɔn 18:37

Ma ajin Pailat bodo Yesu anek nɛ, “Een zin bɔŋ alaan ci adikir?” Ma abɛdɛkɛ Yesu nɔɔnɔ anek nɛ, “Didi zin. Abil kiyo aduwa niina o. Keen naana alaan. Karitai laadun, ma kakunai looc nico o ka kuuwak zɔɔz ween didi. Ma zin ɛɛti ci agama zɔɔz ween didi azii niini zɔɔz onan.”

1 TIMOZI 1:15

Alɛɛm zin didi zɔɔz o azi nɛ, Akunak Yesu Kiristo looc ka kiiya korogoz ɔl o oŋenu. Ma zɔɔz nici zɔɔz ceen didi, ma abon kazooni, eeci naana alya kabaca oŋɛ kujuk ɔl dook.

IBIRO 2:14

Gɔtɔnɔgi zin nicoko nɛɛn ɔl o deer. Buk zin Yesu itiryai kizi eet ci deer kiyo niigi o ka kiiya kadaak niini, ma uulal dɔyiz o Loryento, eeci anyak Loryenti dɔyiz ci daayizo.

IBIRO 5:7

Iinyaye baal ŋaan abaayi Yesu loota e, ilalek waanice niini Jook o anyak dɔyiz molowe ci appe ki luwanta ka kitirit Jooi nɔɔnɔ kɛmɛz daayiz. Iziiwun ni Jooi nɔɔnɔ waanice, eeci acɛlbɛzɛn niini ɛlɛ, ma arɛɛz Jook, ma agɔɔn kaal o arɔɔŋ Jooi doon.