JƆN Kaviyak o Colai Ayɛɛt Jɔn 11:44 - Murle

⁴⁴ Makacin itiŋa Lazaros, ma aduŋnak bitaalin. Maje azɛɛna kibeen zɔɔ ŋaan acabje rumanɛn nɔkɔ. Maje bodo rum codoi atakuconek nɔɔnɔ ŋum. Ma anek Yesu ɔl nɛ, “Ɔɔkta rumanɛ nicoko ŋaatin ka kɔtɔɔ.”

JƆN Kaviyak o Colai Ayɛɛt Jɔn 11:44 ပူးပေါင်းရင်းမြစ်များ

ƐƐNYCAN O LOOCU 1:3

Izi ni Jooi nɛ, “Abon abil vooritin tɔ,” ma didi anai vooritin wak.

MARKO 5:43

Ma aricanek niini nɔɔgɔ ɔrɔɔt ka calaŋ aduwak ɔl oogi gi nico. Ma anek niini nɔɔgɔ nɛ, “Anycek dole gi ci adak.”

LUKA 19:20

Ma aku bodo gabarɛnti ceeni, ma azi nɛ, “Manyi, guruc baal anyan e ce. Kacabi iiten baale ruma, ma kitaŋ karoodi.

LUKA 7:15

Enico ɛlɛ, itiŋa logoti ona adaai e, ma azɔɔz. Anyek ni Yesu nɔɔnɔ yaatin.

JƆN Kaviyak o Colai Ayɛɛt Jɔn 10:30

Zin naana ki baaba kadowina.”

JƆN Kaviyak o Colai Ayɛɛt Jɔn 11:39

Ma anek Yesu ɔl nɛ, “Ipikta bɛ nico look otoga.” Bar abɛdɛkɛ Marta nɔɔnɔ anek nɛ, “Manyi, ame tedec ɔrɔɔt, eeci anyawun niini bɔɔta iinya wec.”

JƆN Kaviyak o Colai Ayɛɛt Jɔn 11:43

Mazi akɔ odotiz niini ŋaryiinte nico, otowɛ molowe ci appe azi nɛ, “Lazaros, duna bitaala.”

JƆN Kaviyak o Colai Ayɛɛt Jɔn 19:40

Odomta ni niigi dook ramana ɛlɛ o Yesu. Ma anyaa rum o gɔɔn abuŋi ɔl gɔnɔgi o adaai, ma aḏuutek karkar nico, ma atakucek ɛlɛ o Yesu. Agɔɔn niigi nɔkɔ o, eeci nici kɛɛr ci ɔl o Juz.

JƆN Kaviyak o Colai Ayɛɛt Jɔn 20:5

Ma agiriiny bɔɔt ŋaati abilni niini bitaala calaŋ akɔ eecitɔ. Ma acin rum baal atakucek ɔl ɛlɛ o Yesu e doon.

JƆN Kaviyak o Colai Ayɛɛt Jɔn 20:7

Maje buk rum baal atakucek ɔl Yesu ɔɔ e anyomɛ juruŋ, ma aronek looc kɛdɛyai gɔna.

JƆN Kaviyak o Colai Ayɛɛt Jɔn 5:21

Kiyo gɔɔn iŋaani Jooi ɔl daayiza, ma anyek bodo nɔɔgɔ korogit o, buk tiŋeere ŋɛɛrin agɔɔn nɔkɔ. Anyek rogɛt eet ci olla tɛ arɔɔŋ niini kanyek.

JƆN Kaviyak o Colai Ayɛɛt Jɔn 5:25

Didilɛ kaduwakuŋ igeet, aku iima iiteni, bar zin buk iiteni nica iiya laadun. Ma iitene nice azii ɔl o adaayitɔ molok o ŋɛɛrti Joowo, ma ɔl o azii nɔɔnɔ dook arogi.

VILIPIYA 3:21

Ŋaan zin tiŋeere aku abali niini dɔyize onin eleeti cigaac gɛr alaŋ anyak dɔyiz noko, ma anyek kotobtɔ ki ɛlɛ onin alaŋ adaai, ma anyek kaal dook dɔyize onin kiziiyit nɔɔnɔ doon.

WUNOZYAK 1:18

Aneeta nɛɛn o karogi nɔkɔ been nɛɛn. Baale rak kadaawa. Inoko zin o koroga nɔkɔ izi nɛɛn. Kanyei dɔyiz ci kamɔgɛ daayiz, ma kanyei nyoogec ci ŋin o daayizo.