JƆN Kaviyak o Colai Ayɛɛt Jɔn 1:21 - Murle

²¹ Ma ajin bodo niigi nɔɔnɔ anek nɛ, “Ineet zin ŋɛnɛɛn? Ineet Ilija?” Ma abɛdɛkɛ Jɔn nɔɔgɔ anek nɛ, “Akɔm.” Ma bodo ajin niigi nɔɔnɔ anek nɛ, “Een bɔŋ nyakaŋan gi?” Ma abɛdɛkɛ Jɔn nɔɔnɔ anek nɛ, “Akɔm.”

JƆN Kaviyak o Colai Ayɛɛt Jɔn 1:21 ပူးပေါင်းရင်းမြစ်များ

MATIYU 11:14

Mã didi utuyu da waanice niiga kaviyak ugeec, agayu koca didi Jɔn nica Ilija baal aduwa nyakaŋanɛta kuni onin e nɛɛn.

MATIYU 16:14

Ma abɛdɛkɛ niigi nɔɔnɔ anek nɛ, “Azi ɔl ogɛn nɛ, Een Jɔn o oony ɔl. Azi ɔl ogɛn nɛ, Een Ilija. Azi ogɛn nɛ, Een Jirimaya. Azi ɔl ogɛn nɛ, Een nyakaŋan oma nyakaŋanete o Joowo baal adaayitɔ e.”

MATIYU 21:11

Ma anek kɔlɛ ci ano Yesu o nɔɔgɔ nɛ, “Nicini Yesu ween nyakaŋan o aku kuture o kazi Nazarɛt abil Galiliya.”

LUKA 1:17

Arayai katin niini ɔɔwa ŋaati Manyi, ma anyak dɔyiz ci abil kiyo baal anyak nyakaŋani o kazi Ilija e. Arom bodo katin niini dɔl ki baatigeec ŋaatodoi. Abadaan tiŋeere niini ɔl o alaŋ azooni zɔɔz o Joowo kivita kabaabanit baabaninok ci ɔl o abon. Aku tiŋeere atom niini ɔl ka kidimdimanit eleeti kereec kuni o Manyi.”

JƆN Kaviyak o Colai Ayɛɛt Jɔn 1:22

Ma vurta enektek niigi nɔɔnɔ nɛ, “Ineet zin ŋɛnɛɛn? Duwayet ka kɔɔt kuduktaya naaga ɔl ci ona itoonanet o zɔɔz ci akanin ineet.”

JƆN Kaviyak o Colai Ayɛɛt Jɔn 1:25

“Zin mã alaŋ een niina Kiristo, ma alaŋ een Ilija, ma buk alaŋ een nyakaŋan, oony zin ɔl naa?”

JƆN Kaviyak o Colai Ayɛɛt Jɔn 6:14

Mazi avɔ acin ɔl gi ci abiirni nɔɔgɔ ooti agɔɔn Yesu noko, izitɔ nɛ, “Izi didi tɛ nicini nyakaŋan baal ka kiiyak looc e nɛɛn.”

JƆN Kaviyak o Colai Ayɛɛt Jɔn 7:40

Mazi avɔ azii ɔl ogɛn zɔɔz o Yesu, izitɔ nɛ, “Didi ri ɛɛti nici nyakaŋan ci Joowo gi.”