GALATIYA 4:4 - Murle

^4-5 Bar zin akɔ mazi aku iitene baal arek Jooi e, itoonak niini ŋɛɛrin looc kiiya kitiryai ŋaawa kiyo ɛɛti o deer o. Ma iiya buk ozooti niini lotinok o Juz, ka kɔɔga nɔɔgɔ cabiinte o lotinowo, ka naaga o kutuweec nɔɔnɔ kiziti dɔl ci Joowo.

GALATIYA 4:4 ပူးပေါင်းရင်းမြစ်များ

ƐƐNYCAN O LOOCU 3:15

Ma kanyin ineeta amartɔ kibeen ŋaa nɔkɔ, ma buk amarnɔ dɔlya cugooc. Arukuŋ gɔɔn tiŋeere niigi igeet ooti, ma aŋedetu niiga nɔɔgɔ zɔɔ.”

ƐƐNYCAN O LOOCU 49:10

Anyei katin niina kɛɛt ci alaazetu nɔkɔ, ma agam katin dɔlya ci dɔl cugun alaazɛt nɔkɔ zɛɛ ma aku ɛɛti ween alaan adiŋdiŋ ɔrɔɔt, ma anyak alaazɛt dook. Katin modɛna o loocok dook atitiny nɔɔnɔ, ma azɔɔz gi cin doon.

MATIYU 1:23

“Anyake katin kabarzɛci oman gole ci abiirni ɔl ooti, ma arita logoz, ma akanonek katin nɔɔnɔ zaara ci kazi Imanawil.” Kɛŋ ci zaar nicoko kazi nɛ Aavi Jooi Ŋaatinai.

MATIYU 3:15

Ma abɛdɛkɛ Yesu nɔɔnɔ anek nɛ, “Anyek kibil kiyo kaduwakin noko. Abon kagɔɔn naaga nɔkɔ rak ka koolyai gi o arooŋekan Jooi aneet kutugu.” Agama ni Jɔn zɔɔz nico, ma oony nɔɔnɔ.

MATIYU 5:17

Má abaabanu aziyu nɛ, Kakun ka kiiya kuulal waragɛ o Joowo. Akɔm! Alaŋ kakun ka kiiya kutugu nɔkɔ, bar kakun ka kɛlɛɛmnyai keŋti ci zoozok o ayeedi waragewe o Joowo keelit tɔp.

MARKO 1:15

Ma anek niini ɔl nɛ, “Inoko iiya iiteni, ma izi buk baliin o Joowo ajɔn. Otoŋit zin oŋɛ ugoocok agoonu, bar ivita utuweec kaviyak o Joowo abon.”

LUKA 1:31

Anyake tiŋeere, ma ookca logoz. Katek zin tiŋeere nɔɔnɔ zaar ci kazi Yesu.

LUKA 1:35

Ma abɛdɛkɛ toonnyaiti nɔɔnɔ anek nɛ, “Ŋaan akunakin Vɔŋize o Joowo. Buk dɔyizi o Joowo ŋaan aavi ŋaatun. Zin giye nico awɛ tiŋeere dole nici kizi ŋɛɛrti Joowo.

LUKA 2:7

Otowa ni niini logo onin een abuu, ma abuŋ rumanɛn, ma abayek looc luwawa giye ceen taava gɔɔn ɛɛlni artɛ ci maalawu, eeci akɔm ŋinti ka kɔɔt kataŋguzɛ ḏoorya.

LUKA 20:44

Mazi awo Devid niini alya Kiristo kizi Manyi cin o, ka zin bodo kizi dole ci dɔl cigin ku?”

JƆN Kaviyak o Colai Ayɛɛt Jɔn 1:14

Ma zɔɔz nici otowɛ izi eet ci deer, ma iiya abaak niini ŋaatinai. Anyak niini dɛtɛn ki bonat ci appe. Kicinta naaga alya diŋdiŋɔn onin baal anyonek nɔɔnɔ giye o ɛɛnɛ niini ŋɛɛrti Joowo o adoi ṯɔr nɔkɔ.

JƆN Kaviyak o Colai Ayɛɛt Jɔn 10:36

Ma zin bar aneeta aŋɛranan Jooi, ma itoonanan kiiyak looc. Mazi kazi nɛ, Keen ŋɛɛrti Joowo, bodo aniyu nɛ, Kamomoz Jook o, ku?

JƆN Kaviyak o Colai Ayɛɛt Jɔn 3:16

Ma giye o arɛɛzi Jooi looc ɔrɔɔt, anyek ŋɛɛrin o adoi ṯɔr nɔkɔ, ka ɛɛti ci atu nɔɔnɔ calaŋ adaai, bar ka niini kojowa rogɛt o abil been nɛɛn.

JƆN Kaviyak o Colai Ayɛɛt Jɔn 6:38

Eeci kakun naana tammu tadena looc o ka kiiya kutugu gi o arɔɔŋ ɛɛti o itoonanan aneet, alaŋ ka kiiya kutugu gi ci ɔɔ can doon.

JƆN Kaviyak o Colai Ayɛɛt Jɔn 8:42

Ma anek Yesu nɔɔgɔ nɛ, “Kizi da Jooi didi baatunooŋ, areezaŋ waan niiga aneet, eeci kakun naana ŋaatin, ma inoko kaavɛ ŋina. Alaŋ kakun dɔyize can doon, bar nɔɔnɔ nɛɛn o itoonanan aneet.

TOONNYAK 1:7

Ma anek Yesu nɔɔgɔ nɛ, “Alaŋ een nici zɔɔz cunooŋ, bar zɔɔz ci baaba doon o anyan aneet ka kabal Israyil.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 1:3

Ma kaviyawa nicaga azɔɔz zɔɔz ci akati ŋɛɛrin Yesu Kiristo ween Manyi ona, baal aku aritai dolene o dɔl o alaan o kazi Devid e. Aritai waanice niini kiyo ɛɛti o deer o.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 15:8

Aku baale laadun Kiristo e ka kiiya kizi gabaren ci atirit ɔl o Juz gole ci ayɛlɛkɛ nɔɔgɔ zɔɔz o Joowo baal aterkedek Jooi jijitigeec e ibil didi tɔ.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 5:6

Baale akɔ mazi ɔkɔmawet ageet gɔl ci ka kitiriti eleeti ogaac dɔyize cinai doon e, iiya Yesu Kiristo adaak ŋaaten ageet o oŋenu iitene o aŋɛrak Jooi nɔɔnɔ.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 8:3

Ma lotinowa baal anyek Jooi Mosis e alaŋ aruguzet, eeci naaga ɔl ci deer o alaŋ kanim kuzuuti nɔɔgɔ. Bar zin Jooi utuguweyet ageet gi ci ŋaan lotinowa kutuguzeyet. Itoonak niini ŋɛɛrin looc alye ci abil kiyo ɛlɛ ci eet ci deer anyak oŋec o. Itoona Jooi nɔɔnɔ o ka kiiya kizi todoyoi ci aara dɔyiz o oŋenu ɔla dook.

ROM Waragɛ o Ayeedek Pɔl Ɔl o Joowo Kuture o Kazi Rom<$&ROM01-01> 9:5

Niigi dɔl ci dɔl o jijitigaac Ibrayim ki Aizak been Jakob. Zin Kiristo alya aritai buk bore nico. Bar zin Kiristo niini Jook o abal kaalyan dook nɛɛn. Abon naaga dook kanaat nɔɔnɔ nɔkɔ been nɛɛn. Nɔɔnɔ nɛɛn.

EVESOS 1:10

Ayeleyet zin Jooi gi o arekɛ niini iiten ci katin ka koromi kaal ogin ɛɛnyca tamma ki loota dook kodoye ka kabal nɔɔgɔ dook Yesu Kiristo.

KOLOSIYA 2:14

Aara niini ŋaatinai ŋabolɛt o oŋenu kibeen dɔyiz o lotinowu baal gɔɔn aconanet e iitene baal adodinɛ Yesu Kiristo keete ween talakec e.

1 TIMOZI 2:6

Nɔɔnɔ nɛɛn o adaai ka kɔɔga ɔl daayize onin cabiinte o Loryento. Agooni gi nici iitene o arek Jooi, ma ayelza buk gi nici zɔɔz o arɔɔŋi Jooi ɔl dook korogti.

1 TIMOZI 3:16

Akɔm zin eet ci ka kadaŋ diŋdiŋɔn o akati gɔl o tuwɛn onai baal rak aroodi e. Gɔl zin o tuwɛn onai nɛɛn ce. Eyelizai Yesu Kiristo loota alye ci eet ci deer. Ma ayelza Vɔŋizi o Joowo bonat onin kizi didi niini ŋɛɛrti Joowo. Ma acin toonnyawa o Joowo nɔɔnɔ. Ma uuwak ɔl zɔɔz o akati nɔɔnɔ loocok dook. Ma atu ɔl ci meel nɔɔnɔ loocok dook. Ma adɔŋ Jooi nɔɔnɔ akɔyi tammu tadena diŋdiŋɔnta.

IBIRO 2:14

Gɔtɔnɔgi zin nicoko nɛɛn ɔl o deer. Buk zin Yesu itiryai kizi eet ci deer kiyo niigi o ka kiiya kadaak niini, ma uulal dɔyiz o Loryento, eeci anyak Loryenti dɔyiz ci daayizo.

IBIRO 9:10

Ma kaala ci baal agɔɔn ɔl baale neke kɛɛrit ci kaal o kadak, ki kaal o kawot, ki kɛɛrit o adɛwan ɔl eleeti monkotai ki burutaninɛt. Olla zin kaal nicaga lotinok ci agɔɔni ɔl eleeti eci bitaalu doon, ka olla kereyɔi niigi zɛɛ been iiten o aku adaakni Yesu. Zin gole nico okoleyet niini ageet gɔl ci abon kujuk nice.

1 JƆN 4:14

Kicinta zin naaga alya, ma kaduwaka ɔl kaneka nɛ, “Itoona Jooi ŋɛɛrin ka kiiya kizi rogozoi ci loocu.”

1 JƆN 4:2

Gɔl zin ci ka ojoktai niiga zɔɔz o aku Vɔŋize o Joowo een didi nɛɛn ce. Mã azi ɛɛti nɛ, “Yesu Kiristo iiya alye ci eet ci deer,” ɛɛti nici anyak Vɔŋiz o Joowo.