GALATIYA 2:3 - Murle

^3-5 Maje bar ŋinaante anyak ɔl oogi ci alutɛnɛ eleeti kiziti ɔl ci atuwe. Ɔl nicigi ɔrkɔr gɔɔn tup nɔkɔ kibeen ɔl o atuwe kizi bar roote ka kicinit niigi gɔl o kabaai naaga ŋaaten Yesu. Ma arɔɔŋ niigi kadaŋteyet ageet lotinok ugeec. Arɔɔŋ niigi kadaŋtek Titos o korkorya been aneet teedinɛt, yo nuun een niini eet ci ɔl o kazi Garik o. Bar zin kotobora waanice naana zɔɔz nico ɔrɔɔt ɛlɛ, ma buk anuyan toonnyawa aneet zooze nico, eeci alaŋ karooŋnyuŋ naana igeet iziti bakbayɛ. Ma rogzɛn alaŋ aku teedinta karabɔŋ een lotinowe o Juz, bar aku ŋaati katuwi Yesu doon.

GALATIYA 2:3 ပူးပေါင်းရင်းမြစ်များ

TOONNYAK 15:24

Kiziikta naaga azi ɔl nɛ, Anyak ɔl oogi ŋaatinaaŋ ci ɔɔt ŋaatunooŋ ŋinaante, ma uulaltuŋ zooze o aduwakuŋ niigi igeet. Avɔ zin ɔl nici ŋaatunooŋ niigi doon. Alaŋ kitoona naaga.

TOONNYAK 16:3

Ɔrɔɔŋ ni Pɔl Timozi korkorit ki nɔɔnɔ. Ma atɛɛt rak nɔɔnɔ kul. Agɔɔn niini nɔkɔ o, eeci ɔl o Juz abaak vitɛnane niceke dook aga Timozi baatinɛ Garik.

2 KORINTIYA 2:13

Bar zin waanice avir ziniz, eeci ŋaan kojowa gɔtɔna o tuwento kazi Titos ŋinaante. Kotoŋani ɔl ŋinaante kidiceya koowa looce o kazi Masidoniya.

GALATIYA 2:1

Mazi kakɔ kadica irkitok amɔtɔ wec, kimiirozeya bodo Jerusalɛm, korkorya kibeen Barnabas, ma kakɔyɛ buk Titos.

TITOS 1:4

Kayeedekin zin waragɛ nico ineet Titos o izɛ ŋɛɛran ween didi giye o kazɔli naaga tuwɛn. Abon bai anyin Jooi ween baatinai been Yesu Kiristo ween ruguzoi onai dɛtɛn been ganɔn.