EVESOS 2:20 - Murle

²⁰ Eelnu niiga kiyo biyɛn o gɔɔn ɛɛnyci ɔl ceez o. Maje toonnyawa kibeen nyakaŋanɛt ɛɛl niigi kiyo biyɛn o gɔɔn akanan ɔl ceez eenycinta o. Maje Yesu Kiristo atobɔ niini ki bɛ ci titiny itiir ceez nico dook kɔdɔk kak.

EVESOS 2:20 ပူးပေါင်းရင်းမြစ်များ

MATIYU 16:18

Inoko zin kakateyin ineet zaar ci kazi Pitɔr, ma kɛŋ ci zaar nicoko kazi nɛ bɛ, eeci adoi niina kiyo bɛ o. Mazin biye nico ŋaan keenyeti ceez onan een ɔl o atuyan aneet, ma alaŋ anim daayizi kuulal nɔɔgɔ.

MATIYU 21:42

Ma ajin Yesu nɔɔgɔ anek nɛ, “Ŋaan ekeebit zɔɔz o waragɛ o Joowo azi nɛ, Ma bɛ o abor ɔl o gɔɔn ɛɛnyɛt ceezi biyɛnɛ, ma apɛz kizi gi ci labak, bar bɛ o titiny ɔrɔɔt kujuk biyɛn o enyciinto dook nɛɛn. Ma gi nico agɔɔn Jooi niini alya kizi titiny ɔrɔɔt ɛlɛ.

1 KORINTIYA 12:28

Anyek Jooi ɔl coko gɔɔn liŋliŋɔn cineeŋ ka kutuguzɔ ole o tuwento. Aŋɛra oogi kiziti toonnyak. Ma aŋɛra oogi ka kuduktak ɔl zoozok o ayelek Jooi nɔɔgɔ. Maje oogi aŋɛra ka kedemezit gɔnɔgi. Oogi aŋɛra ka kutuguzɔ kaal ci atɛɛt ɔl biye. Ma anyek ɔl oogi dɔyiz ci ka korogozti gɔnɔgi moorizowɛ. Maje ɔl oogi aŋɛra ka kitiritit gɔnɔgi. Ɔl oogi aŋɛra ka kitilozɔ gɔnɔgi. Oogi aŋɛra ka kozoozit utugetine ogɛn calaŋ aga.

GALATIYA 2:9

Ma Pitɔr ki Jemis been Jɔn o eegin alaat o adikir agaac didi niigi anyan Jooi aneet liŋliŋɔn nico niini alya. Ma adizkeket niigi aneeta been Barnabas ka kemedawa naaga kuuwakteya ɔl o alaŋ eegin Juz zɔɔz o Joowo nɔkɔ. Maje niigi uuwayek ɔl o Juz.

EVESOS 3:5

Baale laadun ɔɔwa e ŋaan niini keyelek zɔɔz nico ɔl o deer, bar zin iiya eyelek niini toonnyak kibeen nyakaŋanɛt ogin gole o Vɔŋiz onin.

KOLOSIYA 2:7

Uruktek zɔɔ looc ŋaaten Yesu ka itirokcai ŋaaten nɔɔnɔ. Emeda odoyit tuwente unooŋ ɔrɔɔt ebaal edemeztu laadun e. Anycek Jook zany tup nɔkɔ.

1 PITƆR 2:6

Kayabzei naana Yesu bɛ ci titiny o, eeci azi waragɛwi o Joowo nɛ, “Inoko kareya kutur onan kazi Ziyɔn bɛ ci titiny ɔrɔɔt ci kaŋɛra naana. Ma ɛɛti ci ano nɔɔnɔ, ajowa didi niini kaal o katerkedei naana ɔl.”

WUNOZYAK 21:14

Ma ɛɛnyci kaluwa ci kutur nico o loota biyene ceen kitiirwa een amɔtɔ ram. Ma ayeedonek biyɛn nicoko zaara o toonnyak o Nyɔɔn o Joowo.