1 TIMOZI 1:18 - Murle

¹⁸ Timozi o een ŋɛɛran tuwɛnta, karicanekin zɔɔz nico o ka lam ɔl o ademzek gɔnɔgi vɔlɔŋ, ebaal aduwan ɔl o tuwento waan baal azɔɔzi niigi gi o akanin ineet e. Abon zin azoonɛ zoozok nicoko ka kizi dilanya cugun ɔɔrɛ Loryen juruŋ.

1 TIMOZI 1:18 ပူးပေါင်းရင်းမြစ်များ

TOONNYAK 16:1

Ma eerononek Pɔl kutur o kazi Darbi been kutur o kazi Litra. Maje ŋinaante abaak ɛɛti ci tuwento kazi Timozi. Yaatinɛ dole ceen Juzen, ma atu Yesu buk. Maje baatinɛ eet ceen Garik.

1 KORINTIYA 4:17

Ma buk giye nico kitoonekuŋ igeet Timozi ween ŋɛɛran o kareez giye o azooni niini zɔɔz o Manyi juruŋ, ka kook kaadayuŋ igeet baayiz onan kabaayɛ zaare o Yesu Kiristo. Baayiz zin nico nɛɛn o gɔɔn kademzei naana ɔl o tuwento loocowɛ dook.

1 KORINTIYA 9:7

Akɔm laadun takiren ci aliŋliŋ nɔkɔ kɔkɔm dayiin. Akɔm eet ci ɛɛva mana, ma alaŋ adak niini kaal o abiirna mana oninɛ. Akɔm eet ci abal tiin, ma alaŋ aam iira ci tiin cigin o.

VILIPIYA 2:22

Agayu ri niiga bonat o Timozi. Kaliŋliŋnya gɔɔn naana ki nɔɔnɔ kiyo logoti o aliŋliŋ kibeen baatin o ŋaati kuuwaka kaviyak o Joowo.

1 TIMOZI 1:2

Kayeedekin waragɛ nico ineet Timozi o een ŋɛɛran ween didi tuwɛnta. Abon bai Jooi ween baatina been Manyi ona Yesu Kiristo anyin dɛtɛn been ganɔn.

1 TIMOZI 1:5

Karicanekin zin ineet zɔɔz nico o, eeci karooŋ ɔl o atu Yesu kanyayit rɛɛzɔnɛt o aku ziniz vooritina, ki baabaninɛt ci abon ŋume o Joowo been tuwɛn ceen didi.

1 TIMOZI 4:14

Má acɛlbɛzan dɔyiz o Joowo baal anyonekin ineet iitene baal ataadekin alaata o ɔl o Joowo ineet azɛɛn, ma aduwakin niigi ineet liŋliŋɔn o Joowo ka tugu e.

1 TIMOZI 4:4

Eeci kaala o ɛɛnyca Jooi dook abon, ma akɔm ŋaatineeŋ ci ka kotoborit. Kanim naaga kadayit nɔɔgɔ dook labak ŋaati kanyekɛ Jook zany ŋaryiinta.

1 TIMOZI 6:20

Timozi, zooti zɔɔz ci baal anyin Jooi ineet o. Dɛwa ɛlɛ zoozowe o gɛr kibeen daŋonte o tarbal gɔɔn anyek ɔl ogɛn vɔlɔŋa kizi gɛnyiz.

2 TIMOZI 1:2

Kayeedekin waragɛ nico ineet Timozi o een ŋɛɛran o kareezin tuwɛnta. Abon bai anyin Jooi ween baatinai been Manyi ona Yesu Kiristo dɛtɛn been ganɔn.

2 TIMOZI 4:7

Zin naana kɔɔranɔŋ ɔrɔɔt zinize onan dook. Kidica liŋliŋɔn onan baal arooŋekan Jooi aneet kutugu loota ŋina e dook, ma kozootɛ tuwɛn onan ŋaaten Yesu Kiristo.

TITOS 1:4

Kayeedekin zin waragɛ nico ineet Titos o izɛ ŋɛɛran ween didi giye o kazɔli naaga tuwɛn. Abon bai anyin Jooi ween baatinai been Yesu Kiristo ween ruguzoi onai dɛtɛn been ganɔn.

VILIMON 1:10

Kilalekin zin ineet ŋaaten Onesimos o izi niini ŋɛɛran tuwɛnta waan baal kacabinɛ e.