1 JƆN 4:7 - Murle

⁷ Laŋotigan o kareezuŋ, kɛrɛɛztɔ naaga dook, eeci reezinɛt aku Joowa. Ma ɛɛti ci arɛɛz gɔnɔgi, niini dole ci Joowo, ma aga niini Jook.

1 JƆN 4:7 ပူးပေါင်းရင်းမြစ်များ

JƆN Kaviyak o Colai Ayɛɛt Jɔn 13:34

Inoko zin kanyuŋ lotinɛt ci colai ce. Ɛrɛɛztɔ niiga dook. Kiyo gɔɔn kareezuŋ naana igeet o, ɛrɛɛztɔ buk niiga dook nɔkɔ.

JƆN Kaviyak o Colai Ayɛɛt Jɔn 17:3

Zin rogɛt o abil kodot nɛɛn gi o ka kagayin ɔl dook ineet doon een niina Jook ween didi, ma buk agayan niigi aneet keen naana Kiristo baal itoonanan niina.

1 KORINTIYA 8:3

Bar mã arɛɛz ɛɛti Jook, aga Jooi nɔɔnɔ.

2 KORINTIYA 4:6

Baale ma ɛɛnyca Jooi looc e, azi nɛ, “Abon vooritin ataran muur.” Inoko zin buk anyet Jooi ageet kagaac didi vooritin o diŋdiŋɔn onin abil ŋume o Kiristo.

GALATIYA 4:9

Bar zin inoko agawutu niiga Jook, ma bar buk agawuŋ niini igeet ɔɔwa. Arooŋnyuŋ zin bodo imiirtozek kaal ci amaat akɔm dɔyiz o naa? Arooŋnyu ɔɔtɔ iziti gabara cigeec bodo?

GALATIYA 5:22

Zin keberti ci Vɔŋiz o Joowo nɛɛn rɛɛzɔnɛt, ki talniin, ki ganɔn, ki zinzeeti laliz, ki gononzɛt, ki bonat, ki zinzeeti imɛɛn, ki celbezitin calaŋ kadɔŋi eleeti, been gami ci kagami eleeti kaale o gɛr arɔɔŋ zinzeeti. Ma ɔl ci agɔɔn kaal nicoko dook, akɔm lotinowa gi ci agoonek nɔɔgɔ.

2 TIMOZI 1:7

Eeci Jooi alaŋ anyet ageet Vɔŋiz ci ka kanyakti ŋoliin, bar Vɔŋizi oninɛ anyet ageet dɔyiz ki rɛɛzɔnɛt ki dɔyiz ci kagami eleeti.

1 PITƆR 1:22

Inoko zin giye o uzuutu niiga zɔɔz ween didi, otoonycɛ igeet eleeti ugoocok kitiliza. Abon zin areezonu niiga dook zinzeetine ugoocok dook.

1 JƆN 2:10

Mazin ɛɛti ci arɛɛz gɔtɔni, aavi niini vooritina. Ma akɔm gi ci gɛr agɔɔn niini ka kanyek eet oma kabaca oŋec.

1 JƆN 2:29

Mã agayu niiga didi Kiristo niini abon, agaac buk ɔl o agɔɔn kaal o abon dook niigi dɔl ci Joowo.

1 JƆN 2:3

Mã kazooni naaga lotinok o Joowo, kagaac koca naaga nɔɔnɔ didi.

1 JƆN 2:4

Mã azi ɛɛti nɛ, “Kaga Jook,” ma bar alaŋ azooni lotinok o Joowo, ɛɛti nicini voloŋnyoi, ma akɔm ŋaatin leeminɛt.

1 JƆN 2:7

Laŋotigan o kareezuŋ, alaŋ kayeedekuŋ igeet lotinɛt ci colai, bar kayeedekuŋ lotinɛt o rɛɛn baal iziiktu baale laadun e.

1 JƆN 3:9

Ma ɛɛti ci izi dole ci Joowo alaŋ bodo amɛna agɔɔn oŋɛ, eeci anyawun niini ziniz o Joowo. Giye o izɔi Jooi baatin, alaŋ bodo amɛna niini agɔɔn oŋɛ.

1 JƆN 4:11

Laŋotigan o kareezuŋ, mã areezet ageet Jooi o, abon buk naaga karɛɛzɔ.

1 JƆN 4:12

Akɔm laadun eet ci icinun Jook, bar zin mã karɛɛzɔ naaga, aavi koca niini ŋaatinai, ma azaaci rɛɛzɔnɛt cinai o kidikir kiyo reezinɛt oninɛ o.

1 JƆN 4:16

Inoko zin naaga alya kagaac, ma kutuwit reezinɛt o areezet niini ageet. Jooi niini reezinɛt. Mã arɛɛz ɛɛti gɔnɔgi, aavi niini ŋaaten Jook, ma aavi buk Jooi ŋaatin.

1 JƆN 4:20

Mã azi ɛɛti nɛ, “Kareez Jook,” maje ŋaato amarnin gɔtɔni, niini voloŋnyoi. Eeci mã alaŋ arɛɛz ɛɛti gɔtɔni o acin kebereca, ka zin kɛrɛɛz Jook o ŋaan niini kicin ku?

1 JƆN 4:8

Maje ɛɛti calaŋ arɛɛz gɔnɔgi, alaŋ aga niini Jook, eeci Jooi niini reezinɛt.

1 JƆN 5:1

Ma ɛɛti ci atu, ma aga Yesu niini Kiristo ween ŋɛɛrti Joowo, niini buk dole ci Joowo. Ma ɛɛti ci arɛɛz baati doleco, arɛɛz buk niini dole o eet nico.

2 JƆN 1:5

Inoko zin karooŋnyin ineet kɛrɛɛztɔ naaga dook. Nicini alaŋ een lotinɛt ci colai kayeedekuŋ naana igeet, bar lotinɛt baal iziiktu laadun e.