Lucas 9:43 - Yura porciones de la biblia

⁴³ Jesúspa kayawaitu uĩkakĩ yurawu wetsa keskaradiwu. Yuinadiwu: “Dios bitsisipa”, wananadiwu. Yurawawe na Jesúspa akaiwutii uĩkadax wetsa keskaraiwudu Jesúspa auxũ tapipaudiwu atu yuidi:

Lucas 9:43 ပူးပေါင်းရင်းမြစ်များ

Lucas 18:43

Naskawatadaidu ma uĩtiru idi. Jesús kachiuri kakĩ “Dios sharakui”, wawudi. Naskaitu uĩkakĩ yurawaweriwi naatiiwixu “Dios sharakui”, wadiwu.

Lucas 4:36

Naatiiwi wetsa keskaradiwu. Naskata awirasi yuinadiwu: “Na tsai datu yurawu atu tapibairuku na tsai wetsawawe atu tapibabiswu keskarabaki. Diaiwu bitsisipatu Jesús yuiyaidu Jesúspa awẽ tsai bitsisipatu waka keskarawu kekẽaitu yurawawe atũ kayaduax tsekewaĩtiruwu”, iki wetsediwu.

Lucas 5:26

Kaitu yurawawe uĩkakĩ naatiiwi wetsa keskaradiwu. Yuidiwu: “Dios, mi sharakui”, wadiwu. Ratekuiyana awirasi yuinadiwu: “Na nu uĩbisba keskarawu ma nu uĩya. Nu idibai”, wadiwu.

Lucas 5:9

Awẽ xaxuwãduawaweri na shima ichapa uĩkadi Simónwe wetsa keskaradiwu. Na Simónweta shima wipaudiwuri wetsa keskaradiwu na xaxuwã wetsaduawu. Naawawe atũ adewu Santiagowe Juan idi. Zebedeo atũ apa idi. Jesúspa Simón yuidi: “Beseyabawe. Ana mi shima wiiba. Datiã mi yurawu yuikĩ taewai iki chipu dianuwu. Naa mewẽ yudu ipadaka”, wadi.

Lucas 8:25

Naskata atu yuidi: “¿Aweskai ma iki chipu diabame?” Jesúspa atu wadi. Wechumawã newewãya dishpawaitu uĩkadax ratediwu. Wetsa keskaradiwu. Awirasi yuinadiwu: “¿Da tsuame? Newewãwe wechumawã dishpawu atu yuiyaitu”, wadiwu.

Lucas 9:42

Na wakẽ Jesús shinaweradiyuwaitu waka keskaratu nama putadi. Tashki tashkibadi. Jesúspa waka keskara “Iskawayabawe”, wata wake kayawadi. Apa inadi.