Lucas 7:6 - Yura porciones de la biblia

⁶ Naskawawudu Jesús atuwe kadi. Ma pexe chaiba dukui kaidu soldadowawe atũ diaiwawe atiriwi awe rawebiswu nichidi Jesús yuixutanuwu. Wuyuawubadu awe rawebiswu atu yuidi: “Ea duduri Jesús yuixutakawe: ‘Diaiwũ, naskanuwe. Ẽẽkai awaba. Mi bitsisipa. Ewẽ pexe adu miikai utiru ẽ beeiba.

Lucas 7:6 ပူးပေါင်းရင်းမြစ်များ

Génesis 32:10

Ẽ mewẽ uibati. Ẽ awaba. Naskaweke mia ea sharawaitu ẽ tapiaba. Ede Jordán pukewuwãdi ẽ awaya kawadiba. Ẽ chati wistiya kawadi. Datiã ẽ yura xuku raweya.

Lucas 5:8

Na shima ichapa uĩkĩ Simón Pedro Jesús nama rachatubepakekawã yuidi: “Diaiwũ, ẽ chakabiski. Ibakiduax katawe”, wadi.

Lucas 7:4

Jesúski dukukaxu kexunawadiwu na uibati kayawai kanu. Yuidiwu: “Na duku nichia naa sharakui. Judíowu duku duitiru. Naatu duku sinagoga pexe wabaxuyabea. Naskake mi axutiru. Awẽ uibati kayawaxui kawe”, wadiwu.

Lucas 7:7

Ewẽ diaiwawe ea kekẽai ẽ keskatiru. Soldadowu na ẽ atu kekẽai keskatiruwu. Ẽ wetsa “Katawe”, waidu katiru. Ẽ wetsa “Uwe”, waidu utiru. “Awẽ”, ẽ waidu atiru. Miriwi na mi yurawu kekẽai keskatiruwu. Naskake etsiwi bitsisipax ẽ bewe tsaiki kaiba. Narixu yuiwe ewẽ uibati kayanu’, naduri ea Jesús waxutakawe”, soldadowawe atũ diaiwawe awe rawebiswu atu wadi.

Lucas 8:49

Jesús tsaikaidu na sinagoga pexe kexebis ipaudi Jairo naatu awẽ pexe aduax tsuara udi. Naatu Jairo yuidi: “Ma mewẽ wake daaki. Ana diaiwu wekaxtiwayabawe”, wadi.