Lucas 5:30 - Yura porciones de la biblia

³⁰ Fariseowuweta na dukuwedewawe na Diospa Moisés kedebadi yurawu tapibapaudiwawe Jesús yuitiwakakĩ na Jesúsuxũ tapipaudiwu yuidiwu: “¿Aweskawakĩ na dukuwedewawe naatiiwuna atũ diaiwu pei sapawu wixubiswuweta ma piime? Yura chakabis wetsawuwetariwi ma pii”, wadiwu.

Lucas 5:30 ပူးပေါင်းရင်းမြစ်များ

Lucas 18:11

Fariseopa nixu kiwĩkĩ a udua awi kiwĩdi: ‘Dios, ẽ biki idibai etsiwi yura wetsawu keskarax. Na yubetsubiswu, na shinakuitaba atiruwu na mi duiyaiba axikakĩ, na atũ awĩbawe ibiswu, ẽ naawu keskaraba. Da dukuwene naatiiwuna atũ diaiwu pei sapawu wixubis ẽ askarabaki.

Lucas 19:7

Naskaitu uĩkaxu yurawawe Jesús yuitiwadiwu: “¿Aweskai Jesúspa yura chakabistu awẽ pexe adu uĩ kaame?” awirasi yuinadiwu.

Lucas 5:17

Wetsatiã Jesúspa yurawu atu tapibaidu nadu fariseowu tsauwa idiwu. Na dukuwedewawe na Diospa Moisés kedebadi yurawu atu tapibapaudiwuri naduri tsauwa idiwu. Atiri Galilea bai aduawu ipaudiwu. Atiri Judea bai aduawu ipaudiwu. Atiri pexe ichapa Jerusalén chaibaduawu ipaudiwu. Na bai rawe Galileawe Judea adu pexe ichapabawu ipaudiwu. Naatiiwi na pexe ichapabawu ariax weawu idi fariseowuwe na dukuwedewawe na Diospa Moisés kedebadi yurawu atu tapibapaudiwu. Diaiwu Dios uduax Jesúspa yurawu kayawatiru idi.

Lucas 5:21

Naskawaitu dikakakĩ fariseowuweta na dukuwedewawe na Diospa Moisés kedebadi yurawu tapibapaudiwawe shinadiwu: “Da dukuwene ma Dios ichã. Yurã yurawu duduri yuitiruba: ‘Na mi chakabiswu aduri Diospa ana shinaiba’, atu watiruba”, idiwu.

Lucas 7:34

Dukuwene Wake udua yuikĩ ẽ udua ẽ batu yuinu. Dukuwene Wake uyabea. Pitiru. Ayatiru. Ea naskara uĩkĩ ‘Uĩkapu. Jesúspa ichapa pitiru. Paetiru. Na dukuwedewawe naatiiwuna atũ diaiwu pei sapawu wixubiswuwe rawetiru. Yura chakabis wetsawuweri rawetiru’, ma ea watiru.

Lucas 7:39

Naskawaitu uĩkĩ fariseopa shinadi: “Da dukuwede profetaxu tapikerada tsuamaiki da beeai awe keskaramaiki. Tapikerada da awĩwu chakabis”, idi.