Lucas 5:14 - Yura porciones de la biblia

¹⁴ Jesúspa yuidi: “Tsua yuiyabawe. Sacerdote mewẽ yura uĩbatawe ma mi kaya. Na Moiséspa kekẽdi keskawakĩ na sacerdotepa bia Dios inaxutiru wutawe. Naskawaidu yurawawe tapikadi mi kaya”, Jesúspa wadi.

Lucas 5:14 ပူးပေါင်းရင်းမြစ်များ

Lucas 17:14

Atu uĩkĩ Jesúspa atu yuidi: “Pexe ichapa Jerusalén adu kata oración pexe adu sacerdotewu adu wutakawe matu kaya uĩnuwu”, atu waidu wudiwu. Na sacerdotewu adu dukukadaxba kayadiwu.

Lucas 5:13

Jesúspa awẽ biwĩ beedi. “Ẽ bia kayawapai”, wadi. Naskawatadaidu kayatadi.

Lucas 9:5

“Wanira wetsa aduxu batu iwiyabaiwawe naduax ma katiru. Na pexe ichapaduax kakĩ matu tae bai bapu uxukiriwaĩtakawe. Naskawaxu atu uĩbakawe batu iwiyabawuke Diospa atu ubiskuibaxiwi”, atu wadi.