Lucas 5:13 - Yura porciones de la biblia

¹³ Jesúspa awẽ biwĩ beedi. “Ẽ bia kayawapai”, wadi. Naskawatadaidu kayatadi.

Lucas 5:13 ပူးပေါင်းရင်းမြစ်များ

Génesis 1:3

Epa Diospa yuidi: “Chaxayai inu”, waadu chaxatadi.

Génesis 1:9

Naskata: “Dai nunamariduax nadu wisti enewa ichanu”, Diospa wadi. “Bai betu tsekenu”, waadu kushi naskatadi.

Lucas 4:39

Amanau kakupakekawa yudapawã yuidi: “Ana yudabayabawe”, waidu ana yudadiba. Nadu widinakawãdi. Naskata atu pibadi.

Lucas 5:12

Wetsatiã Jesús pexe ichapadu idi. Ea dikapu. Nadu dukuwede iruba isiya idi. Awẽ yuratiixu kaĩ wetsea idi. Jesús wichita rachatubepakekawã awẽ bapu baiki ratapakewuwãdi. Kexunawadi kayawanu: “Diaiwũ, mia kayawapaikĩ mia kayawatiru”, wadi.

Lucas 5:14

Jesúspa yuidi: “Tsua yuiyabawe. Sacerdote mewẽ yura uĩbatawe ma mi kaya. Na Moiséspa kekẽdi keskawakĩ na sacerdotepa bia Dios inaxutiru wutawe. Naskawaidu yurawawe tapikadi mi kaya”, Jesúspa wadi.