Lucas 3:8 - Yura porciones de la biblia

⁸ Ea uĩbakawe ana ma chakayabaxikakĩ ma shinamaiki. Duduri shinayabakawe: ‘Nu Abrahampa awẽ rewuduwu. Naskake Diospa duku ubiskuibaxiwiba nu chakawibiske’, aduri shinayabakawe. Diosparuku da ruwewu Abraham awẽ rewuduwu watiruki.

Lucas 3:8 ပူးပေါင်းရင်းမြစ်များ

Lucas 13:25

Ma ikiyabadu iskanupukui. Pexe iwawe mesa adua widinakawata kede weputi wepuadu ma ikinupukuiba. Xawakawi nixu ma yuinupukui: ‘Diaiwũ, duku apexuwe’, ma wariawanupukui. Ma naskawawiyaitu pexe iwawe batu kebanupukui: ‘Maawu ewẽ kaiwuba’, batu wanupukui.

Lucas 13:26

Naskawaitu ma yuinupukui: ‘Nu beweta piyana beweta nu ayapaudi. Nuku pexe ichapa wai kaawu aduxu mi duku tapibapaudi’, ma wanupukui.

Lucas 14:9

uĩyax na dukuwene batu rawe yuitatu mi bitsisipakuiba raixu bi adu uta bia duduri yuixiwi: ‘Wetsa adu rakawe da dukuwede nadu rakanu’, bia waaxiwi. Naskake na yura awaba rakatiru adu mi rakai kai mi rawĩpaixiwi.

Lucas 19:40

Jesúspa kebadi: “Dawu dishpawawe da ruwewuruku yuubainiwuwakadiki”, Jesúspa atu wadi.

Lucas 19:9

Jesúspa yuidi: “Datiã da pexe adu ikawu Diospa atu axua ubiskuipakexanuwuba na chakabiswu keskara uduax Dioskimai Zaqueo chipu diake na awẽ xidi Abraham ipaudi keskai.

Lucas 5:21

Naskawaitu dikakakĩ fariseowuweta na dukuwedewawe na Diospa Moisés kedebadi yurawu tapibapaudiwawe shinadiwu: “Da dukuwene ma Dios ichã. Yurã yurawu duduri yuitiruba: ‘Na mi chakabiswu aduri Diospa ana shinaiba’, atu watiruba”, idiwu.

Juan 8:33

Naa dikakakĩ Jesús kebadiwu: “Nuuwu Abrahampa awẽ kaiwuu uduax ichapanawã kaĩpakedakawu. Tsuã duku uibati wabisba. Naa mi yuiyai aweskax nu isharatirume”, wadiwu.

Juan 8:39

“Nuku xidi Abraham”, ikaiwawe. Jesúspa atu kebadi: “Ma Abrahampa awẽ wakexu awara shara na apaudi keskara ma akerada.