Lucas 24:44 - Yura porciones de la biblia

⁴⁴ Naskata atu yuidi: “Na ea ubiskuibaitawu keskara na ẽ ika keskaraya ẽ batu yuiwawaĩda ẽ batuwe iyuxu. Ẽ batu yuiwawaĩda: ‘Diospa ẽ udua Moisés kedebadi. Na profetawawe ẽ uduari kedediwu. Na Dios udua wadawu kedediwawe ẽ uduari kedediwu. Na ẽ udua kedediwutii naskaxiwi’, ẽ batu wawawaĩda”, Jesúspa atu wadi.

Lucas 24:44 ပူးပေါင်းရင်းမြစ်များ

Génesis 14:18

Nadu Melquisedec diaiwu idi bai Salem adua. Naa sacerdotepa Dios ikũira waa. Panya vinoya tsekakaxu Abram inadi.

Génesis 22:18

Miamai dikakuike na baitiixu ikawu awarawu shara wĩpadakawu mewẽ wakewuxu mewẽ kaiwuu uduax ichapanawã kaipakedakawuxuri”, wadi.

Génesis 3:15

Epa Diospa rudu yuidi: “Awĩwuwe mi duikaspananapakedaka. Naskatari mewẽ kaiwuu uduax ichapanawãwu kaĩpakedakawu. Na awĩwawe awẽ kaiwuu uduaxri ichapanawãwu kaĩpakedakawu nawuwe duikaspananapakedakawu. Mewẽ bapuki bia peabadu awẽ tae chichukuki mi chachixiwi”, Epa Diospa rudu wadi.

Génesis 49:10

Judá diaiwuadu tsuãkai awẽ bitsisipa wiãdakaba diaiwu datukui yurawawe ikũira wanupukukadi uyuabadu.

Lucas 21:22

Naatiã Diospa na Jerusalén adu ikawu atu ubiskuibanupukui. Na inupukuwai udua profetawawe kedediwu Diospa na Jerusalén adu ikawu ubiskuibanupukuwaitiã naatiiwi naskakuinupukui.

Lucas 22:37

ẽ uduamai Diospa tsai adu duduri kedea: ‘Na yura chaka atiruwu keskawanupukukadi’. Naduri kedea. Na profetawawe ẽ udua kedediwu naatiiwi ma ikiki”, atu wadi.

Lucas 24:46

Atu yuidi: “Diospa tsai adu duduri kedea na Diospa kañawadi naatiiwuna atũ Diaiwu inu naa ubiskuita danupukui idi. Tres peda aki ikadu widinupukui idi. Diospa tsai adu duduri kedeari awẽ adeuxũ awẽ yurawawe xukuwutii yuinupukukadi idi ana chakayabaxikakĩ shinanuwu na chakabiswu aduri Diospa ana shinayabanu. Naduri yuikakĩ pexe ichapa Jerusalén aduxu atu yuikĩ taewanupukukadi idi.

Lucas 9:22

Nãskatari Jesúspa atu yuidi: “Dukuwene Wake udua yuikĩ ẽ udua ẽ batu yuinu. Dukuwene Wake ichapa ubiskuixiwi. Judíowawe atũ diaiwu judíowuu, sacerdotewawe atũ diaiwuu, na dukuwedewawe na Diospa Moisés kedebadi yurawu tapibabiswuri nawawe ea duikaspaxikadi. Ea retexikadi. Naskawiitadu tres peda itadaidu ẽ widixiwi”, Jesúspa atu wadi.

Lucas 9:44

“Na ẽ batu yuiyai shinabakiyabaxikakĩ ea dikasharakawe. Dukuwene Wake udua yuikĩ ẽ udua ẽ batu yuinu. Awe rawebis wetsã sababa dukuwede wetsawu atu Dukuwene Wake achibaxiwi”, Jesúspa atu wadi.

Juan 3:14

Moiséspa rudu broncena widiniwuwãdi tsua ikabarixu. Dukuwene awẽ Wakeri naskaxiwi widinakawaxiwi.

Juan 5:39

Maawawe Epa Dios awẽ tsai kedesharabis: ‘Ẽ Dioswe ipaxakĩ’, raixu. Naskaweke Epa Dios awẽ tsai ẽ udua yuibiswuweke maawawe ea ikũira wapaiba. Ẽ batu ibapakesharaxapana.

Juan 5:46

Moisés ẽ udua yuikĩ kededi. Moiséspa awẽ tsai ikũira waxu eari ma ikũira wakerada.