Lucas 23:2 - Yura porciones de la biblia

² Ma dukukaxu ñuakĩ taewadiwu: “Da dukuwene nuku yurawu ‘Naatiiwuna atũ diaiwu dikayabakawe’, atu waitu nu dikaita. Naskatariwi nuku yurawu yuiwawaĩda: ‘Naatiiwuna atũ diaiwawe awẽ uibatiwawe pei sapawu wixuwaiwawe atu inayabakawe’, atu wawawaĩda. Naskatariwi ‘Diospa ea kañawadi ẽ naatiiwuna atũ Diaiwu ẽ inu. Ẽ diaiwu datukui’, ikaitu nu dikaita”, Pilato wadiwu.

Lucas 23:2 ပူးပေါင်းရင်းမြစ်များ

Lucas 23:14

Ma weawudu atu yuidi: “Da dukuwede ma ewea udua ma ea yuiya: ‘Judea baitiixu yurawu tapibakĩ naatiiwuna atũ diaiwuki yurawu sidabapaitiru’, ea ma waa. Ikũmaikixu me ñuka maawawe uĩyaidu. Ea dikakapu. Na datu ea yuiya naduri dikaxu ẽ shina na ma ñuawu aduri datu awa akaba.

Lucas 23:5

Atu naskawawiyaitu kexunawadiwu: “Judea baitiixu yurawu tapibakĩ naatiiwuna atũ diaiwuki yurawu sidabapaitiru. Galilea bai adua bipishwerãyabexakĩ dudu ma ua naskariwi waiyui”, wadiwu.

Juan 18:29

Naskaiwudu pexe kachiuri kaĩnakawa Pilatopa atu ñukadi: “Awa chakawake da dukuwede ma ea adu eweame”, atu wadi.

Juan 18:30

“Awa chakawayabakekai nu biki ewekeradaba”, waiwawe

Juan 19:12

Naskaitu dikai Pilatopa Jesús aweskawapaidiba. Naskaidu judíowawe tsai ewapatu: “Da dukuwede mi aweskawayaba ana diaiwu César awe rawebis mi itiruba. Watura diaiwu wetsa ipaikĩ ma diaiwu César awe sidananabis itiru”, wadiwu.