Lucas 22:22 - Yura porciones de la biblia

²² Dukuwene Wake udua yuikĩ ẽ udua ẽ batu yuinu. Na Diospa yuidi keskai Dukuwene Wake dawaidakaki. Aka na ewe rawebistu na ea duikaspabiswu atu ea achibadai naa dukuwede ubiskuiwaidaka”, Jesúspa atu wadi.

Lucas 22:22 ပူးပေါင်းရင်းမြစ်များ

Génesis 3:15

Epa Diospa rudu yuidi: “Awĩwuwe mi duikaspananapakedaka. Naskatari mewẽ kaiwuu uduax ichapanawãwu kaĩpakedakawu. Na awĩwawe awẽ kaiwuu uduaxri ichapanawãwu kaĩpakedakawu nawuwe duikaspananapakedakawu. Mewẽ bapuki bia peabadu awẽ tae chichukuki mi chachixiwi”, Epa Diospa rudu wadi.

Lucas 22:23

Naskawaitu dikakakĩ na Jesúspa nichipaudiwu awirasi ñukananadiwu: “¿Dukutiixu watutu na Jesús duikaspabiswu atu Jesús achibaime?” idiwu.

Lucas 24:46

Atu yuidi: “Diospa tsai adu duduri kedea na Diospa kañawadi naatiiwuna atũ Diaiwu inu naa ubiskuita danupukui idi. Tres peda aki ikadu widinupukui idi. Diospa tsai adu duduri kedeari awẽ adeuxũ awẽ yurawawe xukuwutii yuinupukukadi idi ana chakayabaxikakĩ shinanuwu na chakabiswu aduri Diospa ana shinayabanu. Naduri yuikakĩ pexe ichapa Jerusalén aduxu atu yuikĩ taewanupukukadi idi.

Juan 17:12

Da bai adu iyuxu ẽ atu kexesharabis mewẽ ade bitsisipauxũ na ea mia inadi. Wistikai wedubisba. Askataba ma wisti wedua. Naskara Epa Dios awẽ tsai kedea”, Jesús idi.