Lucas 21:8 - Yura porciones de la biblia

⁸ Jesúspa atu yuidi: “Uĩta ikawe batu parayabanuwu. Yura ichapatu batu yuixikadi: ‘Ẽ na Diospa kañawadi naatiiwuna atũ Diaiwu inu. Na Diospa yuidi keskara sababashta iki’, waaxikadi. Atuwe wuyabakawe. Atu ikũira wayabakawe.

Lucas 21:8 ပူးပေါင်းရင်းမြစ်များ

Lucas 17:23

Wetsawawe batu yuinupukukadi: ‘Ua udu Jesús’, batu waiwudu ari wuyabakawe. ‘Dudu’, batu waiwawe atu beewaĩyabakawe.

Lucas 21:7

Na auxũ tapipaudiwawe Jesús ñukadiwu: “Diaiwũ, ¿askara awetiã iixiwime? ¿Awa nu uĩxu nu tapixiwime na mi yuiya askaxiwaitu?” wadiwu.

Lucas 21:9

Yurawawe batu ‘Soldadowu soldado wetsawuwe retenakadi. Naskatariwi atũ diaiwu putaxikakĩ yurawu soldadowuwe retenakadi’, batu waiwawe dikai rateyabakawe. Rewu naskanupukui. Naskaweke Diospa naatiiwi adaiti inupukuiba”, wadi.

Juan 5:43

Epa Diospa ea nichidi ẽ batuki unu. Ẽ batuki uwiake ma ea ikũira wapaiba. Yura wetsa awikui batuki uwaitu ma iwitiru.

Juan 8:24

Naskake ẽ batu yuiya matu chakawawe ma danupukui ea ma ikũira wayabax. Matu chakawawe ma danupukui”, Jesúspa atu wadi.

Juan 8:28

Naskake Jesúspa atu yuidi: “Maawawe cruzki bastaxu widibakata Dukuwene awẽ Wake ma tapixiwi tsuamaiki. Ewẽ Epa awẽ bitsisipaya ẽ. Ewẽ shinama awa ẽ atiruba. Ewẽ Epa ea yuiya ẽ atiru.